InfoHub Logo

Taqyryby: Densaýlyq - zor baılyq
Tárbıe saǵaty maqsaty:
1) Jas urpaqqa adam densaýlyǵynyń qymbattylyǵyn, ómir súrý úshin qajettiligin, baǵaly baılyq kenin túsindirý.
2) Qımyl áreketke jattyqtyrý, eńbek etýge, elin, jerin qorǵaýǵa qajetti kúsh – qýatyn molaıtý.
3) Durys tamaqtanýdyń densaýlyq úshin mańyzdylyǵyn túsindirý. Tazalyq, jeke bas gıgıenasyn, mádenı daǵdylaryn qalyptastyrý.
Kórnekilik: naqyl sózder, tirek tablısalar, kórinister.

Tárbıe saǵatynyń barysy:
1. Uıymdastyrý kezeńi: «Sálemdesý»
2. Úı tapsyrmasy: Densaýlyq ony saqtaý, jeke bas gıgıenasyn saqtaý týraly oılaryn ortaǵa salyp aıtý, óleńder jattaý.
a) Kel, balalar,
Kel, beri,
Qyzdyraıyq deneni.
Ornymyzdan turaıyq,
Júgireıik bir ýaq.

á) Ushyqtyrmaı aýrýǵa,
İshin, syrtyn tazala.
Barlyq tisiń marjandaı,
Jarqyrasyn aýzyńda.

Densaýlyq _________ tamaq
___________________ kúsh
________________ tazalyq

V. Toppen jumys
a) 1. Top
1. Dene shynyqtyrýdyń mańyzy qandaı?
2. Sporttyq oıynnyń qandaı túrlerin bilesińder?
3. Ózi toımastyń – kózi toımas – degendi qalaı túsinesińder?
1. Jeke bas tazalyǵy degen ne?
2. Taza júretin balany qalaı ataıdy? Onyń dostary ne?
(sabyn, pasta, súlgi, sý)
3. Tamaqtyń paıdasy men zıanyn aıt? Mysal keltir: syra – sút, alma – kámpıt.
á) Densaýlyqtyń dostary men qastary.
Toptastyrý.
Dostary Qastary

VI. Sergitý sáti. «Deneni shynyqtyrý»

VII. Áńgime oqý, taldaý.
- Ertede bir kir-qojalaq qyz ómir súripti. Onyń dúnıedegi jek kóretin nársesi – qolyn jýý jáne jýyný eken. Sol sebepten qolynda aıaǵynda paıla bolǵan jaralar denesine taraıdy. Aýyz arqyly ishke kirgen mıkrob qyzdy aýrýǵa shaldyqtyrady. Dáriger qyz balany tekserip, aýrýdy jeńetin ǵaıyp zatty usynady.
- Bul ne dep oılaısyńdar?
a) Jumbaq sheshý.
1. Jylt – jylt etken,
Jylǵadan ótken. (sý)
3. Ne zıan? Ne paıdaly?
4. Tis emdeıtin dáriger? (stomatolog)
5. Asqar taýda qara orman? (shash)
6. Táni saýdyń (jany) saý.

VIII. Oı qozǵaý.
- Balalar jeke bas gıgıenasyn saqtaý degenimizdi qalaı túsinesińder?
a) 1. Jeke bas gıgıenasyn saqtaý dep taza júrý, tańerteń turyp jattyǵýlar jasaý, júgirý, jýyný qajet. Tyrnaqty ósirmeı ýaqytynda alyp turý.
2. Mektepte de, úıde de tazalyqty saqaýymyz qajet.
3. Jemis – jıdekterdi jýyp jeý, tamaqty asyqpaı shaınap jeý, tamaq ústinde sóılemeý.
4. Sportpen aınalysyp, taza júrý, árbir adam óz denesin shynyqtyrsa, jıynyp, taza júrse ony aýrýdan saqtaıdy.
5. Adam eńbekke qabiletti bolyp ósse dene qurylysy symbatty bolady.
á) Tirek shemamen jumys
Balalar «Densaýlyq – zor baılyq» degen naqyl sózdi qalaı túsinesińder? Baılyq týraly oı qozǵaý.

Baılyq ________ aqsha
________________ mashına
_______________ densaýlyq
Eń úlken baılyǵymyz – densaýlyq.
Adam densaýlyǵyna ne qajet dep oılaısyńdar?
1. Eki bala qatar tursa da, birin – biri kórmeıdi? (kóz)
2. Ózi kirdi ashady, sýǵa salsa qashady? (sabyn)
3. Aýzy búrmeli qyzyl qalta, ishinde 32 malta? (tis
4. Aýzy joq, sózi joq.
Biraqta tisi bar.
Basyńmen isi bar.
Bul ne? (taraq)
b) Kórinis «Kir qoımas»
- Ata – ananyń sabyn týraly áńgimesi.

IX. Oıyn. «Qaı zattyń orny almasty?»
Oıynnyń sharty: Zattardy muqıat qarap alyńdar. Sender kózderińdi ashyp, sol zatty tabyńdar.
- Balalar, osy zattyń ishinde adam densaýlyǵyna ne zıandy? Nelikten?
- Shylym.
- Qoıǵan zattardy qalaı ataýǵa bolady? Olardyń paıdasy bar ma?

X. Maqal – mátel:
a) 1. As adamnyń arqaýy.
2. As ıesimen tátti.
Tabaǵymen jaqsy.
3. Bal ustaǵan barmaǵyn jalatady.
4. Ózi toımastyń – kózi toımas.
5. Táni saýdyń jany saý.
6. Kóziń aýyrsa qolyńdy tyı,
İshiń aýyrsa aýzyńdy tyı.
7. Tazalyq – saýlyq kepili.
8. Demi bardyń – emi bar.
9. Densaýlyq – zor baılyq.
á) Kóz bulshyq etterin nyǵaıtýǵa arnalǵan jattyǵýlar.

XI. Oı tujyrymy:
- Biz búgin qandaı taqyrypta sóz qozǵadyq?
- Neni oıǵa toqyp, jadymyzda saqtaýǵa tıispiz?
- Sender qandaı azamat bolyp ósýleriń kerek?

Qyzylorda oblysy, Áıteke bı kenti,
J. Bahadúr aýyly, №103 mektep
Bastaýysh muǵalimi: Kýshıkbaeva Dınara Kosybaevna