InfoHub Logo

"Kel, balalar, oqylyq!" Zattyń qımylyn bildiretin sózder.

Sabaqtyń maqsaty:
1) Bilimdilik: Oqýshylardy zattyń qımylyn bildiretin sózder týraly túsinikterin keńeıtýge múmkindik jasaý, óleńderdi mánerlep, túsinip oqýǵa daǵdylandyrý.
2) Damytýshylyq: Oqý – jazý daǵdylaryn jetildirý, sóıleý tilin, sózdik qoryn molaıtý.
3) Tárbıelik: Oqýǵa, bilimge jeteleý, óz mektebin qurmetteýge tárbıeleý.
Sabaqqa kerekti qural – jabdyqtar men kórnekilikter: Y. Altynsarınniń portreti, slaıdtar, mektep sýreti, sýretter.
Pánaralyq baılanys: Til damytý, kórkem sóz
Sabaqtyń ádis - tásilderi: Túsindirý, kórsetý, baıandaý, suraq – jaýap.
Sabaqtyń túri: Ashyq sabaq.

Sabaqtyń barysy:
1. Uıymdastyrý kezeńi:
Oqý qural – jabdyqtaryn aldyrý.
Sabaqqa daıyndyǵyn tekserý.
2. Úı tapsyrmasyn tekserý kezeńi:
Ótken sabaqty qaıtalaý.
- Balalar, kóńil – kúıleriń qalaı?
- Búgingi aýa – raıy senderge unaıdy ma?
- Búgingi aýa – raıy qandaı?
- Ia, kún jarqyrap shyǵyp tur. Jańbyr jaýatyn kezde aspan qandaı bolady?
- Kún bulttanyp, aspandy bult torlaıdy. Balalar, bizdiń mektebimizdiń ústin sol bulttar torlap alypty. Endi ne isteımiz?
- Sender, bizdiń mektebimizdiń bult torlaǵanyn qalaısyńdar ma?
- Onda, myna tapsyrmalardy oryndasaq, bult tarap, kún bizge kúlimdep shyǵady.
- 1 – tapsyrma: Kim? degen suraqqa jaýap beretin 5 sóz aıt.
- 2 – tapsyrma: Ne? degen suraqqa jaýap beretin 5 sóz aıt.
- 3 – tapsyrma: Kimder? degen suraqqa jaýap beretin 5 sóz aıt.
- 4 – tapsyrma: Neler? degen suraqqa jaýap beretin 5 sóz aıt.
- 5 – tapsyrma: Ne istedi? degen suraqqa jaýap beretin 5 sóz aıt.

- Ár durys jaýap úshin mekteptiń bir bóligi taqtaǵa ilinip otyrady. Bult ashylyp, kún shyqty. Kúnniń sýretin jabystyrý.

- Al endi mektebimizdi gúldendireıik. Ol úshin myna tapsyrmalardy oryndaýymyz kerek.
- Aǵashtyń, gúldiń artyna jazylǵan tapsyrmalardy oqyp, oryndap, mektepke ilinedi.
Tapsyrmalar:
- Zattyń qımylyn bildiretin sózder jaz.
- Aınur ne istedi?
- Marat ne istedi?
- Kóbelek ne istedi?
- Aıý ne istedi?
- Qustar ne istedi?

- Balalar, sender mektepke kelgende eń birinshi ne baıqadyńdar?
Taqtaǵa, «Kel, balalar, oqylyq!» degen sóz jazylǵan qaǵaz ilinedi.
- Bul sóz ne úshin jazylǵan dep oılaısyńdar?
- Bizdi oqýǵa, bilimge shaqyrǵan.
- Ybyraı Altynsarın týraly ótkenbiz, ıa? Ol Kim?
- Aqyn, jazýshy, eń alǵash mektep ashqan, muǵalim. Ol Qostanaı qalasynyń, Qostanaı oblysynda dúnıege kelgen. Búgin Ybyraı Altynsarınniń «Kel, balalar, oqylyq!» óleńimen tanysamyz.

Sergitý sáti:
Qýanamyn men de,
Qýanasyń sen de.
Qýana ber. Dostarym,
Araılap atqan kúnge.

Kitaptan tys tapsyrma:
- Balalar, zattyń atyn bildiretin sózderdiń erejesin kim aıtyp jiberedi?
- Endi zattyń qımylyn bildiretin sózderdiń erejesin kim aıtady?
№3. Ana tili jumys dápterimen jumys júrgizý.

Sabaqty qorytyndylaý.
- Mektepte oqýshy ne isteıdi?
- Jazady, oqıdy, júgiredi, sýret salady t. b.
- Osy sózderdiń barlyǵy neni bildiredi?
- Zattyń qımylyn bildiredi.
- Qandaı suraqtar qoıamyz?

Úıge tapsyrma berý kezeńi:
«Kel, balalar, oqylyq!» óleńin jattap kelý.

Qyzylorda oblysy, Qazaly qalasy,
Áıteke bı kenti, J. Bahadúr aýyly, №103 mektep
Bastaýysh muǵalimi: Kýshıkbaeva Dınara Kosybaevna