InfoHub Logo

Taqyryby: Densaýlyq – zor baılyq.
Maqsaty: Oqýshylarǵa densaýlyq adam balasynyń tozbas qazynasy, asqan baılyǵy, ómiriniń tiregi ekenin túsindirý.
Damytýshylyǵy: Oqýshylarǵa salaýatty ómir súrýge jáne jas urpaqty zıandy áreketterden aýlaq bolýǵa úıretý.
Tárbıeliligi: Jeke bas tazalyǵyn saqtaý erejesin qalyptastyrý. (qol jýý, tis kútý, kózdi saqtaý, dene bitimin saqtaý) kún erejesin (tamaqtaný, oınaý, sabaq oqý, dem alý, uıqy, serýen) durys saqtaý daǵdysyn qalyptastyrý.
Ádisi: áńgimelesý, sahnalyq kórinis, oıyn, jumbaqtar.
Kórnekiligi: Jemis - jıdekter sýretteri

Sabaq barysy: Uıymdastyrý
Gúl ustaǵan balalar sheńberge dóńgelene otyrady, bir - birine jyly, jaqsy lebizder aıtyp, densaýlyq tilep, gúl usynady. Gúl shoqtary birte - birte kóbeıip, jyly lebizdi tilek bastaǵan balanyń ózine bir qushaq gúl – Tilek shoǵy bolyp oralady.

Muǵalim: Búgingi tárbıelik is sharamyzdyń taqyrybyna baılanysty áńgimemiz tek densaýlyq jóninde bolmaq. Densaýlyq degen sóz denniń saýlyǵy degen maǵynany bildiredi. Denniń aýrý syrqaýdan aman, qaıratty, jigerli, kóńildiń kóterińki bolýynyń ózi densaýlyqtyń arqasy. Dene músheleriniń, ishki aǵzalardyń biri aýyrsa adamnyń densaýlyǵy nasharlap, kóńil - kúıi túsedi, esh nársege zaýqy bolmaıdy. Endeshe «Densaýlyq – zor baılyq» dep halqymyz aıtqandaı, densaýlyqty esh nársege teńeýge bolmaıdy, adamdar bir - birine birinshi densaýlyq tileıtininiń sebebi mine osynda. Deni saý adam árdaıym kóńildi, júzinen shattyq nury tógilip júredi. Sondyqtan óz densaýlyǵyńdy qarap ony saqtaı bilýiń kerek.

1 - oqýshy: Densaýlyq – ol kúlýiń,
Kóńil - kúıiń jadyrap.
Densaýlyq – ol júrýiń
Eshbir jeriń aýyrmaı.

2 - oqýshy: Densaýlyq ol shynyqqan
Barlyq dene múshesi
Densaýlyq ol tynyqqan
Júıke – tamyr júıesi.

3 - oqýshy: Basty baılyq – densaýlyq
Babań aıtqan danalyq
Saqta jolyn sen taýyp
Osy shaqta balaqaı.
Balalar, jeke gıgıenasyn saqtaý degendi qalaı túsinesińder?

Daıana: Jeke bas gıgıenasyn saqtaý – taza júrý, tańerteń turyp ár túrli jattyǵýlar jasap júgirý, jýyný. Tyrnaqty ósirmeı ýaqytyly alyp júrý. Kún tártibin saqtaý.

Kamıla: Aptasyna bir táýlik as sýdan bas tart, asqazanyń demalady.

Toǵjan: Mektepte de úıde de tazalyqty saqtaýymyz qajet. Tisimizdi jýý, qolymyzdy sabyndap jýý, bógde zattardy ustamaý.

Mereı: Jemis jıdekterdi jýyp jeý, tamaq ústinde sóılemeý, sportpen aınalysý, taza júrý.
Tomırıs: Árbir adam óz denesin shynyqtyrsa jýynyp taza júrse aýrý jolamaıdy. Adam eńbekke qabiletti bolyp ósip, dene qurylymy symbatty bolady.

Qundyz: Tisti tańerteń jáne keshke jýyp, taza ustasa tis buzylmaı jaqsy saqtalady. Únemi taza júrseń denede jaman jaralar shyqpaıdy.

Nursezim: Sýǵa túser aldyna dalaǵa shyq. Qarda jalań aıaq júrip úıren. Taza aýamen demalyp al da oısha ózińe jáne barlyq adamdarǵa amandyq saýlyq tile.

Sholpan: Temeki shekpe, ishimdik ishpe!
Temeki me, ishimdik pe?
Biz oǵan qyzyqpaımyz,
Oǵan ýaqyt ta joq.

Uldaı: Shańǵy teýip opa qarda shynyǵamyz oınaımyz.
Qandaı jaqsy taza aýada demalamyz, toılaımyz.
Júgiremiz jalań aıaq, shynyqtyryp deneni.
Jeksenbi kúni saǵat on ekide dalaǵa shyq, taza aýada qydyr.