InfoHub Logo

Aqtóbe oblysy
Aqtóbe qalasy
«Symbat» jeke mektebi
İsanatty muǵalim
Makýova Nýrshat Amankosovna

Taqyryby: Densaýlyqtyń dostary
Maqsaty: Jas jelekteı ósip kele jatqan búldirshinderdiń sanasyna ishimdik, temeki, esirtkiniń adam balasyn azdyrtatynyn, odan boıyn aýlaq ustaý jaqtaryn ertegi arqyly dáleldep túsindirý.
Oqýshylardy mektep partasynan –aq jaman ádetterden aýlaq bolyp, ósken ortada tek qana jaqsy ádetterdi boıyna sińirýge baýlý. Salaýatty ómir saltyna tárbıeleý.
Túri: Ertegi
Júrisi: İ. Uıymdastyrý
Oqýshylardy ertegige daıyndaý.
İİ.Negizgi bólim
Ertegi
Densaýlyqtyń dostary
Avtor: Erte-erte ertede,
Eń ádemi ólkede,
Densaýlyq atty han bopty,
Jaıdarly minez jan bopty.

Halqynyń qamyn oılapty,
Oılaryna oı sapty.
Qaıǵysyna qaıǵyryp,
Qýanyshyn toılapty.
Tamashalap kórýge
Qonaqtar keldi alystan.
Temeki:
- Estip, bilip jatyrmyz,
Han ekensiń "arystan"
Avtor:
Qonaqtaryń qurmetpen,
Qarsy alypty, jaılapty.
Bilý úshin jaqynnan,
Tanysýdy oılapty.

- Aldymen ortaǵa Araq shyǵypty.
Araq:
Men araqpyn, araqpyn,
Máńgilikke bárimen,
Dos bolýǵa jarappyn.
Kóteremin kóńildi,
Kirgizemin óńińdi.
Dos bolsańdar menimen,
Súıesińder ómirdi.

Temeki:
Meniń atym-Temeki,
Qolymnan bári keledi.
Jaǵymdy ıis, tútinnen,
Sońymnan bári eredi.
Erikkende adamǵa,
Tabylamyn ámanda,
Qolymdy alsa, jaman ba?!
Esirtki:
Men-Esirtki batyrmyn,
Tarmaǵy kóp atymnyń,
Jaqyn tartsa kim meni,
Umytar qaıǵy atyn tym.
Bilseńizder bul da bir
Myqtylyǵy zatymnyń.
Avtor:
Tanystyrdy osylaı,
Qonaqtar kelgen ózderin.
Densaýlyq
Patsha olardyń,
Tyńdapty uıyp sózderin.
Han:
Paıdalaryń tıse eger
Tura beriń saraıda
Kómek qolyn sozatyn
Dos bolyńdar, jaraı ma?!
Avtor:
Esirtki, Araq, Temeki,
Olarǵa sol ǵoı keregi.
Ońashada otyryp,
Qyldy handy keleki.

Saraıdy temeki sharlady,
Kók tútinmen ýlady.
Araq iship, mas bolǵan
Adamdar kúlip, shýlady.

Esirtkige egilip,
Nashaqor boldy jeligip.
Apıyn, kóknár túrleri,
Adamǵa jatty berilip.

Azyp ketti az kúnde
Saraı ishi osylaı.
Bereke ketti hannan da,
Bul, bolmaǵan tosyn jaı.

Densaýlyq patsha sasady.
Degbiri ábden qashady.
Basy aınaldy, del-saldyq,
Erinshektik, enjarlyq,
Iyǵynan basady...

Saraıǵa kirdi bir kúni,
"Aqyl" atty qarıa.
Saraıdyń azyp tozǵany,
Bolǵan elge jarıa.

Aqyl:
Densaýlyq patsham bunyń ne?
Demeksiń qalaı elińe.
Azdyrǵan seni ne jaǵdaı,
Az ǵana ýaqyt ishinde.

Avtor: Bilmedi patsha ne derin,
Aıta almady sebebin.
Esine aldy jaı ǵana,
Baqytty ótken kúnderin.

Túsinip Aqyl mán-jaıdy,
Aldyrdy tez arada
Qonaqtardy jaı-jaıǵy.

Araq: Men araqpyn, araqpyn,
Jolaǵan janǵa azappyn
Otbasyńdy oıran ǵyp,
Tartqyzamyn azap, muń
Ha-ha-ha

Temeki:Meniń atym-Temeki,
Qolymnan bári keledi.
Tútinime ýlaımyn,
Ókpeńe smala jınaımyn.

Sarǵaıtamyn tisińdi,
Bastyrmaı alǵa isińdi,
Buzamyn júıke júıesin.
Sonda ǵana sen meniń,
Zıandy ekenimdi bilersiń.
He-he-he

Esirtki: Men Esirtki batyrmyn.
Mol aqshaǵa satyldym.
Qoldanǵan meni adamnyń,
Ómirin qıyp jatyrmyn.

Zıanym kóp adamǵa,
Jaqsylyq joq sanamda.
Paıdalanǵan meni adam,
Nashaqor bolar, tabanda.
Ha-ha-ha

Han: Ne dep ketti mynalar,
Jan bar ma eken jazalar?
Zıan bolǵan úsheýin,
Dereý qane, ustańdar!

Avtor:
Jan kerek-aý batyldy,
Kúshteri kóp, basymdy,
Janynda júrgen dostaryn,
Kómekke Aqyl shaqyrdy.

Bilim, Eńbek, Sportta,
Júgire jetti janyna.
Ustap alyp úsheýin,
Tastady tereń zyndanǵa.

Bilim: Men bilimmin, kerekpin,
Jaqsy isterge sebeppin.
Oqý, ǵylym, bilimmin,
Dos bolyńyz demekpin.

Eńbek: Dos bolǵan adam menimen,
Qıyndyqty jeńedi,
Eńbek etseń erinbeı,
Toq bolarsyń únemi.

Sport:Sportty serik etińiz,
Maqtaýly sózder estińiz.
Talaıy bıik shyńdarǵa,
Menimen birge jetińiz.

Aqyl:Ne degeni, bulary,
Deıin qalaı sózderiń
Myna maǵan unady.
Eńbek, Sport, Bilimmen
Adam jany tolady.
Aırylmastaı júrińder
Aıtsyn el-jurt senderdi
Densaýlyqtyń dostary...

Jaıma shýaq kún keship,
Júrip jatty el-jurty.
Tatýlyq, birlik jarasyp,
El bolypty eń myqty.

İİİ.Qorytyndylaý.
- Ertegiden boılaryńa qandaı jaqsy , izgi ádetterdi sińirdińder?
- Oqýshylar zıandy zattardy ajyrata bilemiz be?
Zıandy zattardan aýlaq bolý qajet ekenin esten shyǵarmaǵanymyz jón. Ertegi keıipkerlerimen tanystyryp, qatynasýshy oqýshylardy marapattaý.