InfoHub Logo

Jetekshi: Áltaeva N.
Ál-Farabı atyndaǵy Qazaq Ulttyq Ýnıversıteti

Qazir elimizde ártúrli jamaǵattar boı kótere bastady. Keıbiri birden ata- babalarymyzdyń san ǵasyrlardan beri ustanyp kele jatqan salt-dástúrine qarysy shyǵyp, «Batadan keıin bet sıpaýǵa bolmaıdy», «Kelinniń sálem salýy shırk»degen sıaqty jańalyq ashýdy ádetke aınaldyrdy. Osy pikirlerge erip, dástúrli qundylyqtardy jatsynyp bastaǵandary jasyryn emes. Al bunyń el yntymaǵyna qater tóndirip, musylmandardyń tatýlyǵyna áser eteri belgili. Sebebi, kóptegen jerlerde osyndaı birjaqty túsinikterdiń nátıjesinde musylmandar ara- synda túrli túsinispeýshilikter oryn alyp, arty daý- damaıǵa jetkizip jatqan jaǵdaılar kezdesýde.

Din adamǵa eki dúnıe de durys ómir súrýdiń, Haqtyń razylyǵyna bastaıtyn ereje-qaǵıdalardy qamtyǵan ıláhı buıryqtar men tyıymdar jıyntyǵyn qurasa, dástúr – halyqtyń ǵasyrlar boıy qalyptasqan dúnıetanymy men salt-dástúrin, mentalıteti men ádet-ǵuryptaryn, turmys- tirshiliginiń erekshelikteri men ózindik oılaý júıesin, jan dúnıesin, adamdardyń belgili bir qoǵamdastyǵyna tán, naqtyly tarıhı-mádenı ortada qalyptasqan minez-qulyq pen is-áreketterdiń birkelki sıpatyn bildiredi. Búgingi kúni din janashyrlarynyń aldynda turǵan mindet – osy ekeýiniń birikken tusyn taba bilip, halyqqa dinniń de, dástúrdiń de ortaq til tabysatyn ıgilikterin ashyp kórsetý bolyp otyr.

---