InfoHub Logo

Taqyryby: Dopty sebetke laqtyrý. Dopty qabyrǵaǵa bir uryp aınalyp, qaǵyp alý.
Maqsaty: Balalardy dáldikke, eptilikke baýlı otyryp, fızıologıalyq damýyna qolaıly áser etý. Júgirý, sekirý, etpettep jyljý sıqty negizgi qımyldardy jetildirý. Ertegi jelisi arqyly balalardy baýyrmaldyqqa, dostyq kómekke tárbıeleı otyryp, qýanyshty kóńil kúı, sergektik syılaý.
Qajetti quraldar: Balalar sanyna saı doptar, skameıka, sharıkter, sańyraýqulaqtar, úıshik t. b
Ádis tásilder: Sújetti qımyldy oıyn, psıhojattyǵý, ıntellektýaldy suraq jaýap.

Motıvasıalyq qozǵaýshy:
Jattyqtyrýshy: Salamatsyzdar ma, balalar? Qane, bárimiz birge «sport bizdiń dosymyz» atty uranymyzdy aıtaıyqshy.

Balalar: Biz sportty súıemiz! Ýraaaaaa!
Aıtqandy oıǵa túıemiz! Ýraaaaa!
Shynyǵýda denemiz! Ýraaaaaa!
Súıikti dos, fızkýlt Ýraaaaaa!

Jattyqtyrýshy: Jaraısyńdar! Biz búgin «ertegiler eline» saıahatqa shyǵamyz. Aldymen jumbaq jasyraıyn, sol jumbaqtyń jaýaby bizdiń búgingi kóligimiz bolady.
Sartyldaıdy tabany
Kórdim júırik arbany
Balalar: Poezd
Jattyqtyrýshy: Durys, endeshe saıahatqa poezben shyǵamyz. Osy kezde radıodan « tyńdańyzdar, tyńdańyzdar! № 2 júırik poezd júrgeli tur, poezǵa otyrǵyzylý bastaldy!- dep habarlaıdy. Balalar biriniń artyna biri belderinen ustap, tizbektele turyp, «paravoz» ánin shyrqap jolǵa shyǵady. Balalar aǵashtar arasymen ıreleńdeı júrip, jalǵyz úıshiktiń aldyna kelip toqtaıdy. Úıdiń aldynda ata men áje muńaıyp otyrady. Balalar amandasyp jón suraıdy.
Ataı: Jalǵyz qyzymyz Masha sańyraýqulaq terýge ketip, oralmady.
Jattyqtyrýshy: Endeshe biz sizderge kómekteseıik, solaı ma, balalar? Balalar ármen qaraı jolǵa shyǵady.
Adymdaımyz alysqa
Bir - birińnen qalyspa
Shynyqsaq shymyr bolamyz
Jeńemiz úlken jarysta. ( Keń adymdap júrý)
Ókshemenen júremiz
Paıdasyn da bilemiz
Jazyp aıaq adymdy
Búgilmesin tizemiz ( Ókshemen júrý)
Sekiremiz, sergekpiz
Aıaqtarym aýyrmas
Bul da qajet jattyǵý
Sharshama tek alǵa bas! ( Qos aıaqpen sekirý)
Jattyqtyrýshy: Mine, kólge de kep jettiń, aıaqtarymyzdy sýlap almaı tóbeshikterden sekirip ótelik. (Dıskler arqyly sekirip ótý).
Jattyqtyrýshy: balalar, jel qatty eken, arqamen júgirip óteıik. Ármen qaraı toqtaýsyz júgirý 20 - 25 cek.
Jattyqtyrýshy: Balalar, kún qandaı salqyn, jattyǵý jasap jylynyp alsaq qaıtedi.
Jalpy jetildirý jattyǵýy:
1. «Otyn shabý». Aıaq birge, alaqandy bettestirip, qoldy joǵary - tómen kóterip - túsirý. 6 - 8 ret
2. «Otqa jylynamyz» Qoldy bir birine ysqylap, alǵa sozý.
3. « Aıaqtardy jylytamyz» Qol belde, aıaqty kezekpen alǵa sozý. Eki jaqqa bes besten.
4. « Ot shapaǵyn jasaımyz» Jerge aıaqty sozyp, bastaryn túıistirip otyryp, tizeni búgip, túsirý. 6 - 7ret.
5. «Mine jylyndyq» Bir orynda sekirý.
6. «Oty óshirý» Murynmen tynys alyp, aýyzben dem shyǵarý. Tynysty retteý.
Ármen qaraı jaı júgirý, jaı júrý.
İzdený - uıymdastyrýshy.
Aldarynan sańyraýqulaq kezdesedi.
Jattyqtyrýshy: Sańyraýqulaq, sen Masha esimdi qyzdy kórmediń be?
Sańyraýqulaq: Aldymen myna ósip turǵan sańyraýqulaqtardyń sany neshý, nesheýi ýlken, nesheýi kishi ekenin aıtyńdar. Balalar sańyraýqulaqtardy sanaıdy, úlken kishisin ajyratady, salystyrady.
Sańyraýqulaq; Oı, ne degen aqyldy balalarsyńdar. Men Mashanyń qońyr aıýdyń úıine qaraı bara jatqanyn kórgem. Mine bylaı qaraı. Balar ármen qaraı júredi.
Jattyqtyrýshy; Balalar, aıý óte qaýipti janýar. Sondyqtan onyń kózine túspeý úshin, armen qaraı etpettep jyljımyz. (tórt taǵandap etpettep jyljý) Balalar aıýdyń úıine kelip jetedi. Aıý úıiniń aldynda uıyqtap jatady.
Jattyqtyrýshy: Al balalar, myna qorbańbaıdy tańyp tastaıyq. Bir, eki, úsh dep sanaǵanda balalar aıýǵa tap berip, ony baılap tastaıdy.
Jattyqtyrýshy: sóıle qorbańbaı, Mashany qaıda tyǵyp qoıdyń?
Aıý: jo - joq men eshqandaı Mashany kórgen emespin.
Jattyqtyrýshy: Balalar, myna qorbańbaıdy jónge salaıyq. Káne, ana tastarmen aıýdy jaqsylap atqylańdar.
Negizgi qımyl: Dopty sebetke laqtyrý. Doppen kedergilerdi uryp qulatý. Balalar 2 - 3 metr qashyqtyqtan aıýǵa dop laqtyrady.
Aıý: jaraıdy, jaraıdy, qoıyńdar Mashany bosataıyn. Esiktiń qulpyn ashyp Mashany shyǵaryp alady.
Masha: rahmet senderge, balalar! Atam men ájeme arnap tergen almalarymdy sebetke jınaýǵa kómektesińdershi.
Negizgi qımyl: dopty sebetke laqtyrý. Balalar kishkene doptardy dáldep sebetke laqtyrady.
Aıý: balalar, Masha meni keshirińder, endi bundaı buzyqtyq jasamaımyn.
Jattyqtyrýshy: balalar, qorbańbaı oz qatesin túsindi. Ony keshirip bir oıyn oınaıyq.

Refleksıvti korreksıalaýshy
Qımyldy oıyn: Uıqydaǵy aıý.
Psıho jattyǵý «Tátti jáne ashshy»
Balalar aıýmen qoshtasyp, at júrisimen búlkildeı júgirip ata men ájege Mashany tabystyrady.
Jattyqtyrýshy: Mine, balalar, búgingi ertegimiz sátti aıaqtaldy. Sender búgin jattyǵyp qana qoımaı, úlken jaqsylyq ta jasadyńdar, jaqsylyq jasaýdan eshqashan qashpańdar. Sport bizdiń senimdi serigimiz, osyny umytpańdar. Al, endi tobymyzǵa tezirek oralý úshin ushaqqa otyraıyq. Balalar qoldaryn jan-jaqqa sozyp, alyńdy bir aınalyp ushyp, topqa oralady.