InfoHub Logo

Sabaqtyń taqyryby: Dos bolaıyq bárimiz

Maqsaty: Oqýshylardyń arasynda jaǵymdy qarym - qatynas ornatý, bir-birin syılaýǵa, adal dos bolýǵa jáne qorshaǵan ortamen syılas bolýǵa úıretý, kommýnıkatıvtik óristi damytý.
Mindeti: Adam qarym - qatynasyndaǵy dostyq uǵymy týraly túsinik berý;
oqýshylardyń arasynda dostyq sezimderin damytýǵa yqpal etý;
oqýshylardy syılastyqqa, ádeptilikke, shynaıylyqqa, adaldyqqa tárbıeleý.

Sabaqtyń barysy:
I. Sálemdesý.
Oqýshylar:
Úlkenge de «Siz»,
Kishige de «Siz».
Bar adamǵa qurmetpen
Bas ıemiz biz.
Sabaqtyń urany.
Muǵalim: Árbir adam -
Oqýshylar: Týysym, dosym, juraǵat.
Muǵalim: Árbir sabaq -
Oqýshylar: Úırený, uǵý, ulaǵat.
Muǵalim: Árbir isiń -
Oqýshylar: Tirlik, tirek, adaldyq.
Muǵalim: Árbir sóziń -
Oqýshylar: Shyndyq, birlik, adamdyq.

II. Psıhologıalyq daıarlyq.
- Endi bir - birimizge búgingi kúnimizdiń sátti ótýine arnap jaqsy tilekter aıtaıyq. Ol úshin qolymyzdaǵy gúldi bir - birimizge tilek aıtý arqyly usynyp otyraıyq./ Oqýshylar « Men tilektespin» oıyny arqyly bir - birine búgingi kúnniń kóńildi ótýine arnaǵan tilekterin aıtady. Mysaly: Bes alýyńa tilektespin! Ata - anańda bári jaqsy bolýyna tilektespin! Kóńildi bolýyńa tilektespin! Jaqsy bala bolýyńa tilektespin! t. b/
- Endi kórshilerimizdi tanystyraıyq./ Árkim óziniń kórshisiniń esimine syn esim qosyp tanystyrady.
Mysaly:
Ádepti Arýjan
Meıirimdi Dıas......

III. Oı shaqyrý. DOS - degen sózdi estigende oılaryńa qandaı sózder keledi. Qane balalar assosıasıa jasaıyq.
DOS → Adal, meıirimdi, shynshyl, qaıyrymdy, kómektesedi, uqypty, janashyr, qamqor

- Dos degenimiz kim?
- Dostyq degendi qalaı túsinesińder?
1 - oqýshy:
Adamdar arasyndaǵy dostyq sezimi ómirde olardyń birin - biri qajetsinýinen, qurmet tutýynan, shynaıy tilektestik pen ózindeı kórip senýinen, bir - birine tirek bolýynan, qam - qaıǵysyz kezde ǵana emes, ásirese qıyn - qystaý kúnderinde irkilmesten qasynan tabylýdan, rıasyz, esepsiz jomarttyqtan kórinedi.

2 - oqýshy:
Dostyq eken ómirde eń keregi,
Dostyq bolyp dúnıe dóńgeledi.
Ózendegi tolqyndar dos bop aqty,
Qanymyzdaı júgirip keýdedegi.
Aǵash bitken dos bolyp terbeledi,
Taǵdyr dosqa baqytty teń bóledi.
Súıep kele jatqandaı birneshe qol,
Birneshe qol osynaý jerde meni.

3 - oqýshy:
Dostyq degen - taýsylmaıtyn qazyna,
Kóktemde de solyp qalar gúl emes.
Qaramaıdy ol syıdyń kóp pen azyna,
Naǵyz dostar tipti syı da tilemes.
Syrlas bolsaq esigimdi kir qaqpaı,
Shyn dos bolsań shaqyrmaı kel: tilegim.
Shyn shaqyrsam saǵan uqsap til qatpaı,
Jaýymnyń da keletinin bilemin.

4 - oqýshy:
Dostyq - qasıetti sóz, qasıetti sezim, ol tek jóni túzý adamdar arasynda ǵana qalyptasyp, ózara qurmet negizinde ǵana damıdy. Eger de bizdiń baqytymyzdy eshkim bizben birge bólispese, ol baqyt sonshalyqty mánin joǵaltar edi. Biz qınalǵanda bizden de qatty qınalatyn dos bolmasa, ony kóterý de bizge sondaı qıyn bolar edi.