InfoHub Logo

Qazaq tili 6 synyp
Sabaqtyń taqyryby: San esim bekitý sabaǵy (slaıdymen)

Sabaqtyń maqsaty:
1. Bilimdilik: san esim jáne onyń jasalý joldary men túrlerine baılanysty bilimderin aýyzsha jazbasha taldaý jumystaryn júrgizý arqyly bilimderin bekitý;
2. Damytýshylyq: oılaý qabiletine áser etý arqyly oqýshylardyń ózdiginen jumys áreketterin damytý, sózdik qoryn molaıtý, óz betimen jumys isteýge daǵdylandyrý, sóıleý sheberlikteri men til baılyqtaryn damytý;
3. Tárbıelik: oqýshyny oılylyqqa jeteleý, pánge degen qyzyǵýshylyǵyn arttyra otyryp, týǵan tilin súıýge, Táýelsiz Egemendi elimizdiń tuǵyryn bıik ustap tanýǵa tárbıeleý.

Sabaqtyń túri: bekitý sabaǵy
Sabaqtyń ádisi: Toppen jumys, juppen jumys, deńgeılik tapsyrmalar, tirek sózdermen jumys
Sabaqtyń kórnekiligi: baǵalaý paraǵy, fıshkalar, bóshke, slaıd, smaılıkter.
Pánaralyq baılanys: ádebıet, tarıh

Sabaqtyń barysy:
Sálemdesý, túgendeý.
Oqý quraldaryn túgendeý, nazarlaryn sabaqqa aýdarý.
- Qys mezgili bıylǵy jyly qandaı bolar eken?
- Demalys kúnderi alǵashqy qar jaýyp, aýylymyzdy, mekteptiń aldyn bir - eki kúnde qar basyp qalypty.
- Endeshe, balalar, mektepke kirý úshin biz kúrekpen qardy shyǵaryp, qar salatyn juldyzdy úsh jáshik jasaýymyz kerek.

Muǵalim: Búgingi jastar – halqymyzdyń bolashaǵy: elimizdiń erteńi. Oqýshylardyń oı - órisin keńeıtip, este saqtaý qabiletin shyńdaıtyn, bilimdi jastardy anyqtaıtyn, bilimge qyzyǵýshylyqtaryn « Baqytty sát» atty oıynymyzdy bastaımyz.
Bilimdi adam eshnárseden qoryqpaıdy, mazasyzdanbaıdy. Ol ár ýaqytta da batyl. Sondyqtan búgingi « San esimdi qaıtalaý» sabaǵymyzdyń epıgrafy:
Ómirdiń ózi adamdy tirestirgen,
Biri jańa, jarystyń biri eskirgen.
Aınala otyryp ap ısi qazaq,
Azamatyn ózara kúrestirgen.
- dep, oıynnyń barysyna toqtalsaq, saıys 5 geıimnen turady.

Oıyn baǵdarlamasy:
- 1. Boı sergitý / suraqtarǵa jaýap berý /
- 2. Bóshkeden shyqqan bas qatyrǵylar.
- 3. Jumbaqtas
- 4. Sen maǵan, men saǵan / úı tapsyrmasy /
- 5. Kósemdikke umtylý.
-
Muǵalim: - Oıynymyzdy bastamas buryn saraptaýshy - baqylaýshy alqasymen tanystyrýǵa ruqsat etińizder.
Eskertý: Ár kezekten keıin upaı sany habarlanyp otyrady.

Muǵalim: - Sálemdesý - ıgi dástúr kıeli,
Sózben qarap, keıde shesher shıeni.
Jaqsy sózge jan semirer qashanda,
Joldanady saıyskerler sálemi!
Sálem – sózdiń anasy!

1 top.
Bizdiń top: Aq jebe
Bizdiń uran: Qandaı synaq bolsa - daǵy berispe,
Árqashanda úmitker bol jeńiske!

2 top.
Bizdiń top: Qarshyǵa
Bizdiń uran: Bilekti birdi jyǵady,
Bilimdi myńdy jyǵady.

- Bárekeldi, olaı bolsa, oıynymyzdyń « Boı sergitý» geımin bastaıyq.
Komandalarǵa 10 suraqtan berilip, olardy taldaýǵa 5 mınýt bólinedi. Komanda jaýap beredi, al básekeles komanda jaýaptyń durystyǵyn úlgi boıynsha qadaǵalap otyrady. Suraqtarǵa eń kóp jaýap bergen komanda utady. / upaı sanyn habarlaý, fıshkamen baǵalaý /.

1 - geım «Boı sergitý»
1 -top
1. San esimge ereje ber.
2. San esim qalaı túrlenedi?
3. Jınaqtyq san esimniń jurnaqtaryn ata?
4. Boljaldyq san esimder sıfrmen jazylǵanda, olarǵa jalǵanatyn qosymshalar qalaı jazylady?
5. Rettik san esimder qandaı jurnaqtar arqyly jasalady?
6." Ondaǵan" sózin tulǵasyna qaraı talda.
7. Bólshektik san esim degenimiz ne? Mysal keltir.
8. Ondyq bólshek qalaı jasalady? Mysal keltir.
9. Toptaý san esimine sıpattama berińiz.
10. San esim qandaı sóılem múshesin atqarady?