InfoHub Logo

Sharanyń taqyryby: Dosyma syılyq
Maqsaty: Dostyq týraly balalar uǵymyn keńeıtý, balalardyń dostyq qarym - qatynasyna yqpal etý. Olardyń boıyna jylýlyq, súıispenshilik, syılastyq sezimderin oıatý.
Túri: aksıa
Kórnekiligi: posterler, gúlder, sharlar, ınteraktıvti taqta, mýzykalyq aspap.
Qatysýshylar: 6, 7, 8 synyp oqýshylary jáne az qamtylǵan otbasynyń balalary men múmkindigi shekteýli balalar

Júrisi:
İ. Uıymdastyrý
«Kóńildi kún» ánin top barlyq oqýshylaryna oryndata otyryp, atmosfera ornatý
İİ. Oqýshylardy topqa bólý
(árbir oqýshyǵa berilgen 1, 2, 3 sandaryna qaraı topqa ornalastyrý)
1 top: 6 synyptar 2 top: 7 synyptar 3 top: 8 synyptar

İİİ. Toptyq tapsyrmalar
1. «Mıǵa shabýyl» (ınteraktıvti taqtadan dostyq týraly sýret kórsete otyryp, oqýshylardyń túsinigin suraý)
2. Poster qorǵaý
Dos degen uǵymdy qalaı túsinesiń?

Durys aıtasyńdar, balalar! Búgingi bizdiń sharamyzdyń taqyryby «Dosyma syılyq» dep atalady.
Dostyq – adamdardyń bir – birin jany qalap, shyn jaqyn kórip, qaltqysyz senip, tilektes, murattas bolýy. Erte zamannyń oıshyly jáne asqan sheshen Sıseron: «Dostyq óz boıyna qanshama san – alýan paıdaly nárselerdi biriktirgen deseńshi.! Qaıda barsańyz da ol sizge qyzmet etedi, ol barlyq jerde de bar, ol eshqashan da mezi qylmaıdy, eshqashan da orynsyz kıligetin jeri bolmaıdy; ol sáttilikke jańa sáýlet beredi, ol ortaqtasqan sátsizdikter de kóp mólsherde óziniń ýytyn joǵaltady»- dedi.

IV. Án: «Dostar» Bazarova Gúlzına
1. Sıtýasıalyq suraqtar
1 topqa: Dosyńmen birge sabaqqa kele jatsyń. Kenet jańbyr jaýdy. Seniń ústińde qalyńsha kıimiń men plashyń bar. Dosyńnyń ústinde juqa kıim. Sen qandaı kómek kórseter ediń?
2 topqa: Sen qazaq tili páninen úı tapsyrmasyn oryndamaı keldiń. Synypqa kelip, partalas dosyńnan kóshirip jatqan kezde qatesin kórip, óziń túzetip jazyp aldyń. Muǵalim teksergen kezde sen 5 - k baǵa aldyń, al dosyń úıden oryndap kelse de 4 - k baǵa aldyń. Seniń áreketiń qandaı?
3 topqa: Qanat kónkıin aýlaǵa qaldyrdy da, ózi tamaǵyn ishýge úıge ketti. Tamaǵyn iship otyryp, ol kónkıin Maraldyń teýip júrgenin kórdi. Qanat ashýlanyp, aýlaǵa júgirip shyqty. «Qazir onyń sazaıyn tartqyzamyn, bireýdiń zatyn suramaı alýshy bolmasyn» dedi. Ashýly kúıinde jetip bardy, tipti judyryǵyn da túıip alǵan. Qanattyń ornynda sen bolsań, sen ne ister ediń?

2. Maqal – máteldi jalǵastyr
1 topqa: Dushpan kúldirip aıtady, -----------------
Kemshiliksiz dos izdegen adam -------------------
Dosy jaqsynyń ---------------------------------
2 topqa: Aqylsyz dostan -----------------
Dossyz adam -----------------------------
Jaqsy dos myń kúndik, --------------
3 topqa: Dushpannan bir saqtan, ------------
Bireý janyńa joldas, ------------------
Júz teńgeń bolǵansha --------------

V. Án: Maratqyzy Aısha bıbi
3. Synyptastar men dostarǵa degen tilegi (ár toptyń oqýshylary toptarynda otyrǵan az qamtylǵan otbasy balalaryna arnaıy ázirlep kelgen syılyqtaryn tartý etedi)

Vİ. Qorytyndy
Jaqsynyń árbir sózin qaıyrmańyz,
Jasyǵan jezdeı bolyp moıymańyz.
Syr almaǵan bireýmen dos bolam dep,
Syr alǵan dosyńyzdan aırylmańyz,- deı kele búgingi «Dosyma syılyq» sharasy óz máresine jetti. Ýaqyt bólip kelgenderińizge kópten kóp rahmet! Qorytyndy sóz tárbıe isiniń orynbasary ---------------------------- beriledi.

Atyraý oblysy,
Qyzylqoǵa aýdany, Saǵyz aýyly,
Kenbaı orta mektebiniń áleýmettik pedagogy
Temırbaeva Baktygýl Konysbaevna