InfoHub Logo

Sabaqtyń taqyryby: Ulttyq kıimder
Sabaqtyń maqsaty:
bilimdiligi: Oqýshylarǵa ulttyq kıimder týraly túsinik berý.
damytýshylyǵy: İzdenimpazdyqqa, shyǵarmashylyq qabiletin damytyp sabaqqa qyzyǵýshylyǵyn jáne oılaý qabiletin arttyrý.
tárbıeligi: Únemdilikke, uqyptylyqqa, talǵampazdyqqa, halyqtyń ulttyq kıimderin qasterleı bilýge tárbıeleý.
Sabaqtyń túri: dástúrli sabaq
Sabaqtyń ádisi: túsindirý, suraq - jaýap, saramandyq.
Sabaqtyń kórnekiligi: kıim úlgileri, sýretter.
Qajetti quraldar: qatyrma qaǵaz, qaıshy, jelim

Sabaqtyń barysy:
İ. Uıymdastyrý bólimi
İİ. Ótkendi qaıtalaý. Úıge berilgen tapsyrma.
1. Qıǵash órimde taspalar qalaı ornalasady?
2. Mundaı órimmen qandaı buıym jasaýǵa bolady?
3. Jip neden esedi?
Aktýaldaý.
Ótken sabaǵymyzdy halqymyzdyń qolónerinen qıǵashtap órý arqyly jasalatyn buıymdarmen tanys boldyq, endi búgingi sabaǵymyzda halqymyzdyń ulttyq kıimderimen tanysatyn bolamyz.

İİİ. Jańa sabaq.
Ár halyqtyń óz yrymdary, óz erekshelikteri sonymen birge óz ulttyq kıimderi de bolady. Qazaq halqynyń kıimderi jas shamasyna qaraı erekshelengen. Jastar kıimi oıý - órnekti, qyzyl – jasyldy bolsa, úlkender kıiminde órnekter bolady.
Kıim - keshek úshin negizinen maldyń júni men terisi paıdalanylady. Sonymen birge sán - saltanatqa arnap erekshe qundy materıaldan tiktiretin bolǵan. Qazaqtyń kıim-keshekterine: taqıa, bórik sáýkele, shapan, ton, kamzol, búrmeli kóılek, etik t. b jatady. Bul kıimder túr - túrge bólinedi.
Syrt kıimder: shapan, ton, tulyp, tymaq, etik, saptama etik.
Sýlyq kıim: shekpen.
Bir kıer: toı dýmanda kıetin qymbat materıaldan sándi etip tigilgen kıimder.
İshki kıimder: kóılek, qamzol, kázekeı.
Qazaq halqy bas kıimdi asa qadirleıtin bolǵan. Bul bas kıimder ekige bólinedi: Er adamdarǵa, áıel adamdarǵa arnalǵan.
Er adamdarǵa: taqıa, bórik, tymaq, qalpaq.
Áıel adamdarǵa: taqıa, sáýkele, bórik, oramal, kımeshek.
Sáýkele eń sándi, kúrdeli baskıim. Sáýkele - qalyńdyqtyń bas kıimi. Ony toı ótkenshe kıetin bolǵan. Sáýkeleniń tóbesin asyl tastarmen, altyn, kúmispen áshekeıleıtin bolǵan.
Tymaq pen bórikti ań terisinen, seńseńnen jasap, barqyt pen atlaspen tystaǵan.
Endi balalar, túrli - tústi qaǵazdan osy ulttyq kıim úlgisin jasap kóreıik.
Saramandyq jumys.
Qaýipsizdik erejesi:
1. Qaıshyny ashyq tastama.
2. Úshkir jaǵyn adamǵa usynba.
3. Qaǵazdy únemde.
4. Taza, uqypty jumys jasa.
5. Jumysyńdy bolǵan soń, ústel ústin jına.
Oqýshylar jumysyn jasaıdy.

IV. Sergitý sáti.
Ornymyzdan turamyz,
Qolymyzdy sozamyz.
Bir otyryp, bir turyp,
Biz tynyǵyp alamyz.
Alaqandy sozamyz,
Ornymyzǵa turamyz.
Balalar jasaǵan úlgisin kórsetip, kıimniń qaı túri ekenin ajyratady.
Maqal – mátelderdiń jalǵasyn tabý:
Baılyq atasy - eńbek, anasy - jer.
Rahattyń túbi - eńbek, túbi - jeńis.
Jerdiń sáni – egin, erdiń sáni – bilim.
Eńbek erdiń kórki, er eldiń kórki.
Ónerli balanyń on saýsaǵy teń, ónersiz balanyń bir saýsaǵy kem.

V. Sabaqty bekitý
1) Qazaq halqynyń dástúrli kıimderin neshe topqa bólýge bolady?
2) Erlerdiń bas kıimderiniń qandaı túrlerin bilesińder?
3) Sáýkeleni kimder kıgen?
4) Sáýkeleni nemen áshekeılegen?

VI. Úıge tapsyrma. Túrli tústi qaǵazdan kıim úlgisin jasaǵandaryńdy aıaqtap, ermeksazdan bórik, sáýkeleni monshaq, folgamen áshekeılep kelý.
VIİ. Baǵalaý.

Shalqar qalasy, №4 orta mektebi
Ótkizgen: Orazalına A.