(Kóńildegi mahabbatym)

Shyn dostym shybynymdaı Shaıbaıjan,
Bolǵanda birimiz jan, birimiz tán.
Bolsa da qyryq jyl qyrǵyn umytpaspyz,
Sonda da, biraz sózdiń reti bar.
Jiberdim «Zarlandymnyq» jeti bólimin
Jazýǵa odan artyq kelmedi hal.
Kóńilge qıal qadar ala kórme,
Bolady dostyq sýy — dostyna bal.
... Dári ... bolyp darıaǵa barǵanym joq:
Ártúrli sebeptermen ýaqytym tar,
Shalqydy shar tarapqa sorly kóńil,
Qaıtkende erıdi dep ishtegi qar.

Sandalyp jón taba almaı zaryǵady,
«Qudaıym atyra ma,— dep bizderge tań?»
Árneshik haldarymnyń bári málim
Dostyńa hal-hadarsha járdemiń sal.
«Dúnıe dos, mahabbatsyz mal sekildi», —
Degen sózin Abaıdyń esińizge al.

Jer shetinde júrseń de yqlas sizde,
Únemi birge júrý bolmas bizde.
Qaınasqan júrektegi mahabbatty
Oıyńnan tastaı kórme árbir kezde,

Jetkizgeı muratyńa qadir ıem!
Janýmen otqa túspeı oıǵa kúıem.
Jan dostym, bir-eki aýyz nazym jazdym,
Kórgende bosasyn dep júıe-júıeń.

Júrgeısiń hat jazysyp, habar alyp,
Joǵarǵy sóz mazmunyn qarap alyp.
«Jýan etik qazaqta jumys az» dep,
Júrmeńiz tilińizdi qadap alyp.

Jaqsy, jaman bolsa da qanyń birge,
Ólseń de, tirilseń de tániń birge.
«Árkimniń óz aýzyna qoly jýyq»
Eger de ólshestirip salsaq kirge.

Bul sózdi qastamaımyn jalǵyz saǵan,
Mysaly qýrap qalǵan qazaq saban.
Ózimshil, ózge úshin járdemi joq,
Jaqynyn jat keretin jaýdan jaman.

---