Din degen — ótirikke naný degen,
Kóńilge ónbes qıal alý degen.
Qıamet kún ǵarasat maıdanyna
Ólgen adam tirilip barý degen.
Hor qyzyn jıyrma besten alý degen,
Máńgilik, ólmeı-jitpeı kalý degen,
Ólmeıtin, kartaımaıtyn jaıǵa aparyp,
Pendesin basqa kúıge salý degen.
Dozaqta kúnáliler janý degen,
«Kápirdi» zor azapqa salý degen.
Musylmannan basqanyń bári ıtteı bop,
Óshpes ot, bitpes beınette qalý degen.

Bul — moldanyń ótirigine sený degen,
Jetegine soqyrdyń erý degen.
Aldamshynyń aldaǵan sózine erip,
Qolda baryn sypyryp berý degen.

Ólgen adam tirilip kelý degen,
Qartaımaı, ólmeı tiri júrý degen,
Jaqyndyq joq, uıqy men tamaǵy joq
Máńgilik uzaq ómir súrý degen;
Jumaqqa qazaq qana kirý degen,
Ol syrdy qoja-molda bilý degen —
Ejelgi nadandyqtyń kesiri ǵoı,
Ǵylymǵa boı usynbaı irý degen.
Mıǵa kirmes ótirik sóz emes pe,
Munyń bári — bos myljyń úrý degen.

---