InfoHub Logo

Taqyryby: Dýlat Babataıuly, «Espenbet» dastany

♦ Sabaqtyń maqsaty:
Bilimdilik: Dýlat Babataıulynyń dastany týraly túsinik berip, mazmunyn meńgertý.

Damytýshylyq: Alǵan bilimderin jadynda saqtaý, oılaý
qabiletin damytý, til sheberligin, bilimge qushtarlyǵyn, dúnıetanymdyq kózqarasyn arttyrý.
Tárbıelik: Týǵan jeriniń eljandy azamaty bolýǵa, otansúıgishtikke tárbıeleý.
♦ Sabaq túri: Aralas sabaq
♦ Sabaqtyń ádisi: Suraq - jaýap, baıandaý.
♦ Sabaqtyń kórnekiligi: prezentasıalyq slaıdtar, búkteme

Sabaq barysy
İ. Uıymdastyrý.
1. Sálemdesý. Oqýshylardy túgendeý
2. Daıyndyǵyn qadaǵalaý
3. Nazaryn sabaqqa aýdarý

İİ. Ótken sabaq materıalyn qaıtalaý
Úı tapsyrmasy:
Dýlat Babataıulynyń ómirbaıany, shyǵarmashylyǵy. «Qazaqqa» óleńi.
Qaıtalaý suraqtary:
1. Dýlat aqyn qaı ǵasyrda ómir súrgen?
2. Ol kezeńdegi tarıhı jaǵdaı týraly ne aıta alamyz?
3. Dýlat Babataıuly qaı óńirden shyqqan?
4. Semeı jerinen shyqqan ádebıet ókilderi kimder?
5. Aıtysker, ánshilerden kimderdi bilemiz?
6. Dýlat Babataıuly nesimen erekshelenedi?
7. Qandaı shyǵarmalaryn bilemiz?

İİİ. Jańa sabaq
«Espenbet» dastany
Búgingi jańa sabaǵymyz, oqýshylar, Dýlat Babataıulynyń batyrlyq dastany - «Espenbet».
Dastan degen uǵymdy qalaı túsinemiz?
Dastan - (parsy sózi – tarıhı áńgime, batyrlar jyry)
Ertegi sújetteriniń, ańyz, hıkaıalardyń ádebı óńdelgen túri.
Bul dastannyń basty taqyryby – erlik, týǵan jerine oralyp, eline qamqor bola bilgen batyrdyń jan qıar erligi men kózsiz batyrlyǵy.
Batyr degenimiz kim?
Qandaı batyrlardy bilemiz?
Bul batyrlardyń osy kúnge deıin el esinde qalyp, ádebıet áleminde júrý sebebi: ár batyrdyń óz erligi, qaıtalanbas tarıhynyń bolýy.
Al, oqýshylar, Espenbet batyr jaıynda estigenderiń bar ma?
Endeshe, men búgin sizderdi Espembet batyrmen, onyń erligimen tanystyraıyn. Tyńdaıyq.
Ertede Syban rýynan shyqqan Jarasqul degen qarttyń Espenbet atty nemeresi bolady. Mine, osy Espenbet jas kúninde áke - shesheden birdeı jetim qalyp, ýaq rýynan shyqqan Er Qosaı atty batyr naǵashysynyń qolynda er jetedi. Qosaı jıendi bóten sanamaıtyn salt boıynsha Espenbetteı urpaǵyn óte jaqsy kórgendikten, oǵan jetimdik taýqymetin kórsetpeı ósiredi. Er jetkende qalyńdyq áperip, basyna úı turǵysyp, aldyna mal bermek oıda júredi. Kúnderdiń bir kúninde qatarlastarynan oıly, namysy kúshti, armany bıik Espenbetti týmysy bólek Aqbórte atty qulyn erlik armanǵa jeteleıdi. Bar arman maqsaty - tulpar minip, qarý asynyp, atasy salǵan izben júrip, ózi týǵan Syban eline oralý bolatyn. Endigi oıy «It toıǵan jerine, er týǵan jerine» degen halyq danalyǵyn eske alyp, alystaǵy ata jurtyna ketkisi kelip júredi. Er Qosaı atasy onyń bul kúıin baıqap, ózine shaqyryp qalaýyn suraıdy. Atasy usynǵan baılyqtyń bárinen bas tartyp, jalǵyz ǵana Aqbórte taıdy qalaıdy.