InfoHub Logo

Balalarǵa óziniń aty - jónderin durys aıta bilýge úıretý. Suraqqa tolyq jaýap berýge daǵdylandyrý.

Bilim salasy: "Qatynas"
Oqý is - áreket túri: Til damytý.
Taqyryby: "Meniń aty - jónim"
Maqsaty: Ár adamnyń aty - jóni bolýyna quqyly ekeni jóninde bilimderin keńeıtý. Sózdik qoryn molaıtyp, baılanystyryp sóıleýge úıretý.
Oqý is - áreket barysy:
- Balalar esim degen ne?
- Qalalar men ózen - kólderdiń ataýy bola ma?
- Taǵy neniń ataýy bolady?
- Dúnıege sábı kelgende oǵan at qoıady, oǵan esimdi kim tańdaıdy?
- Esimder qalaı tańdalady?
- Sábıge esimdi atasy nemese ájesi tańdaıdy. Árbir esimniń óz maǵynasy bar. Mysaly: Arýjan degen esimdi aıdaı arý, ádemi degendi bildirse, jan - degenimiz adam degendi bildiredi eken. Sol sıaqty batyrlardyń esimderin de qoıady.
Al, endi biz bir - birimizdiń esimizdi aıtyp tanysaıyq.
Seniń atyń kim?
- Meniń atym - Darıa, famılıam - Jolaman, jasym tórtte. Meniń atymdy naǵashy atam qoıǵan eken. Teńiz, darıadaı keń peıildi bolsyn dep maǵan Darıa esimdi bergen eken
- Al, seniń atyń kim?
- Meniń atym - Ertaı, jasym tórtte. Meniń atymdy ájem qoıypty. Ákemniń artynan ergen taı bolsyn, tuıaǵy bolsyn depti.
(balalar ózderiniń attaryn aıtyp tanysady)
- Qalaı oılaısyńdar, adamdardy óz esimimen ataǵan unaı ma?
- Balalar, adamnyń atyn tolyq nemese qysqartyp aıtýǵa bolady, solaı ma?
- ıá, erkeletip te ataıdy.
Mysaly: Beksultandy - bıkosh deımiz, Aıarýdy - aıok t.s.s.
- Endi, balalar, "Esimder" oıynyn oınaıyq.
- Men dopty laqtyryp, sol balanyń esimin tolyq ataımyn, qaǵyp alǵan bala óz esimin aıtady.
- Balalar, senderdi ata - ájeleriń, ákeleriń qalaı ataıdy?
(balalar úıdegi úlkenderdiń ataǵandaryn aıtady)
- Botam, qulynym, janym t.s.s erkeletý sózderin qosyp ataıdy.
"Oıyn: "Erkeletip ata"