InfoHub Logo

Baraq tóreniń tusynda Qyzaı degen el jylqy áketip, sony qýyp Baraq, Beteke, Dýlat úsheýi barypty. Sonda 40 kún jatyp, bitim alyp qaıtypty. Qyzaıda Qoset degen aqyn bar eken. Sol jerde Dýlat aıtqan degen sóz:

Biz attandyq Qyzaıǵa,
Sıynyp shyqtyq qudaıǵa,
Beteke, Baraq bas qosyp,
Jiberme sózdi ylaıǵa.
Qyzaıdyń jedik baıtalyn,
Qazyp aldyq saıtanyn,
Altaı júrip jazdy aldyq,
Qońyr Oba, Sazdy aldyq;
Bir úlken kóli bar eken,
Aınala atyp úsh júz úırek, qazdy aldyq,
Aıaǵyna kelgende Qoset degen tazdy aldyq,

— depti. Qyzaıdyń adamdary ózderiniń aqynynyń kemshiligin (tazyn) aıtqan soń, «Tiline shoq túskir Dýlatty malyn berip qaıyraıyq», — dep, kózi bar malynyń kózin berip, kózi joǵyna tolyq tóleý berip, qaıyrǵan eken deıdi.

---