Dýshanbede «Qazaqstannyń bilim kúni» kórmesi ashyldy
Búgin Dýshanbede «Qazaqstannyń bilim kúni» kórmesi ashyldy. Bul jaıynda elimizdiń Tájikstandaǵy Elshiliginiń baspasóz qyzmetinen málim etti.
Sharanyń saltanatty ashylý rásiminde Qazaqstan Elshisi N.Seıtimov, Tájikstan Bilim jáne ǵylym mınıstriniń birinshi orynbasary R.Mırboboev, «Halyqaralyq baǵdarlamalar ortalyǵy» AQ-nyń vıse-prezıdenti Z.Tórebekova, Reseı-tájik ýnıversıtetiniń rektory N.Salıhov jáne «QDSJM» qazaqstandyq medısınalyq ýnıversıtetiniń rektory G.Toqmurzıeva sóz sóıledi.
Elshi Seıtimov óz sózinde bul jolǵy qazaqstandyq bilim kórmesiniń sońǵy jyldar ishindegi Tájikstandaǵy eń aýqymdy shara bolyp otyrǵandyǵyn jáne onyń eki el arasyndaǵy bilim berý salasy yntymaqtastyǵynyń keńeıtýge baǵyttalǵandyǵyn basa aıtty.
Kórmege Qazaqstannyń «Nazarbaev» Ýnıversıteti, L.N.Gýmılev atyndaǵy Eýrazıa ulttyq ýnıversıteti, M.Tynyshbaev atyndaǵy Qazaq kólik jáne komýnıkasıa akademıasy syndy 20-dan astam jetekshi joǵary oqý oryndary tájik jastaryna óz múmkinshilikterin usyndy.
Aıta keterligi, bul shara Qazaqstannyń bilim berý salasynyǵ basymdyqtary men elimizdiń joǵary oqý oryndarynyń múmkinshilikterin tájik jastaryna tanystyrý maqsatynda ótkizilip otyr. Kórme Qazaqstannyń joǵary oqý oryndarynda ekinshi joǵary bilim alý múmkinshiligimen qatar, eki eldiń bakalavrıat, magıstratýra, aspırantýra bilim baǵdarlamalaryn salystyrýǵa jaǵdaı jasaıdy.
Elshilik málimetine sáıkes, Qazaqstannyń Tájikstandaǵy Elshiliginiń qoldaýymen «Halyqaralyq baǵdarlamalar ortalyǵy» AQ, Tájikstan Bilim jáne ǵylym mınıstrligi uıymdastyrǵan shara eki kúnge sozylady.
You Might Also Like
-
QR Bilim jáne ǵylym mınıstrligi elorda mektepterinde túlekter keshin ótkizýge, muǵalimderge syılyqqa, dastarhan jaıýǵa aqsha jınaý týraly qaýesetke túsinik berdi.
-
«El bolyp óleń jyrdyń taqyryby, qaýyshty aýylymen aqyn uly». Bul bir kezdegi mektep túlegi, eldiń perzenti, belgili qalamger, Jazýshylar odaǵynyń múshesi, aqyn Seıil Boranbaevpen Qojabaqy ...
