QR BǴM túlekter keshine qarjy jınaý máselesine túsinik berdi
QR Bilim jáne ǵylym mınıstrligi elorda mektepterinde túlekter keshin ótkizýge, muǵalimderge syılyqqa, dastarhan jaıýǵa aqsha jınaý týraly qaýesetke túsinik berdi.
«Jalpy orta bilim alǵany jónindegi atestattardy saltanatty tabystaý rásimi bolatyn túlekter keshi mektepte ótýi tıis. Mınıstrlik túlekterge arnalǵan barlyq sharalardy mektep qabyrǵasynda uıymdastyrý kerektigine keńes beredi. Barsha mektepterge túlekter keshin ótkizý boıynsha usynystar jasaldy. Astana qalasy Bilim basqarmasynyń málimetinshe, qala mektepterinde aqsha jınaý sharalary júrip jatqan joq»,-dedi Ortalyq komýnıkasıalar qyzmetindegi brıfıńte QR BǴM baspasóz hatshysy Arman Júnisov.
Osy oraıda ol 2016-2017 oqý jylynyń basynda elimizdiń barlyq mektepteri úshin aqsha jınaýǵa tyıym salynatyndyǵy týraly buıryq shyǵaryldy. Atalǵan buıryqty barlyq muǵalimder men mektep basshylyǵy oryndaýy tıis. Ony buzǵan jaǵdaıda ákimshilik jaýapkershilik sharalary eskerilgen.
You Might Also Like
-
Adam tektes maımyldar ózge janýar áleminen árqashan bólektenip turady. Bizge uqsas, olar qashan da ǵalymdar men zerttýshilerdiń aqylyn alǵan. Maımyldarǵa júrgizilgen kóptegen tájirıbelerdiń arasynda n...
-
Búgin Dýshanbede «Qazaqstannyń bilim kúni» kórmesi ashyldy. Bul jaıynda elimizdiń Tájikstandaǵy Elshiliginiń baspasóz qyzmetinen málim etti.
