-Dushpanyń bar ma? -deısiń,
Qaıdan bilem...
Áıteýir, júrgen jerim - saıran kileń.
Qazaqtyń qaısy úıine barsam-daǵy,
Aldymda - aq dastarqan, jaıǵan kilem.
Dushpanym joq-aý deımin, túri jaman...
(Sirá, men bul maıdanda tiri qalam.)
Qazaqtyń qaısysymen kezdessem de
Qaırylmaı ketkeni joq biri maǵan.
Dostastym kishisimen, úlkenimen,
Ózimshil ójetimen, úrkegimen.
Ata-qazaq alysta toı jasasa,
Aldymen tizimine tirkeri - men.
Qaıǵyrmaımyn sońymnan sóz bóskenge
Bilemin buǵatynyn kezdeskende,
Áıteýir, júzderinde jylylyq bar,
Qazaqtyń qaısysymen kezdessem de.
-Dushpanyń bar ma? - deısiń,
Qaıdan bilem...
Asyr cap ortasynda oınap júrem.
Sirá, men baqyttymyn dushpany joq,
Úıden shyqsam - saýyq pen saıran kileń.

---