InfoHub Logo

Sabaqtyń taqyryby: Dızaın jáne áserleý quraldary. Kompozısıalyq jumys
Sabaqtyń bilimdiligi: Dızaın týraly túsinik berý. Kompozısıany qurý.
Sabaqtyń damytýshylyǵy: Shyǵarmashylyqqa baýlý.

Tárbıeliligi: Uqyptylyqqa tárbıeleý.
Sabaqtyń túri: Damytý sabaǵy
Ádisi: Toptyq jumys

Sabaqtyń júrý barysy: 1. Uıymdastyrý kezeńi.
2. Úı tapsyrmasyn tekserý
3. Jańa sabaq
4. Beıneleý jumysy
5. Qorytyndylaý.

2. Úı tapsyrmasyn tekserý, ótkendi qaıtalaý.
Suraq: Pishim túrlerin ata.
Qandaı jaǵdaıda qaǵazdy tik jáne kóldeneń ustaımyz.
Úılesimdilik (komponovka) degen ne?
Kompozısıa degen ne?

3. Dızaın ( aǵylshynsha – jobalaý, syzý) zattardyń kórkem konstrýksıasyn, zattyq ortanyń birtutas reaksıonaldy qurylýyn bildiretin termın, kórkemdik jobalaý jumysynyń bir túri.
Dızaındyq jumystardy oryndaý úshin úılestirý zańdylyqtaryn bilý shart.
İ slaıd. Kompozısıa degen ne, eske túsirý.
İİ slaıd. Dızaınǵa túsinik.

İİİ slaıd. Dızaındyq negizgi áserli quraldaryna statıka, dınamıka, rıtm, sımmetrıa, assımetrıa, kontrast jáne núans jatady.
Búgingi sabaqtaǵy negizgi maqsatymyz kompozısıalyq shyǵarma oryndaý.
Sýret salý úshin pishim men ólshemdi anyqtap alý kompozısıanyń birden - bir elementi.
Kompozısıada qozǵalys bolýy da, bolmaýy da múmkin. Ondaǵy bólshekter tórtburyshty, úshburyshty, sopaqsha bolyp ornalasady.

IV - V slaıd. Rıtm - syzyq, daq, zattardyń belgili bir aralyqtaǵy qaıtalanbaly qozǵalysy. Shyǵarmany tiriltedi.
Tik, kóldeneń, spıráldi, dıagonaldi, sáýleli bolady.( Taqtada syzyp kórsetý)
VI slaıd. Statıka tynyshtyqty bildiredi.
Dınamıka – qozǵalys, ushý, qulaý.

VII slaıd. Sımmetrıa - tepe teńdik.(tús pen ólshem)
VIII slaıd. Assımmetrıa – teń emes.
X slaıd. Núans – aýyrdan jeńilge, kúńgirtten ashyqqa, úlkennen kishige, qarapaıymnan kúrdelige bilinbeı ulasatyn bolar - bolmas erekshelik.
XI slaıd. Kontrast - qarama qarsy tús
Taqtadaǵy tús spektrin jikteý.

4. Beıneleý jumysy.
Oqýshylardy úsh topqa bólý. Top basshysyn saılaý. Sodan soń F. Shopenniń «Kúzgi válsi» tyńdalady.
Problemalyq suraq: osy mýzykada tabıǵattyń qandaı mezgili sýrettelgen? Osy dybystardan qandaı tabıǵat qubylysyn baıqaýǵa bolady? Kompozısıanyń áserli quraldaryn eskere otyryp, osy qubylystardy qalaı beıneleýge bolady?

Bul mýzykada qandaı qozǵalys bar?
İ topqa aspandaǵy qustardy, İİ topqa sý betindegi qustardy, İİİ topqa jerdegi kúzgi japyraqtardy beıneleý tapsyrylady.
Taqtaǵa kezekpen oryndalǵan jumystaryn ilip, qorǵaıdy jáne jumystaryna taqyryp oılap tabady. Ár topqa suraqtar qoıylady.

5. Oqýshy jumystaryndaǵy jetistikter men kemshilikter kórsetiledi. Ár toptyń basshysy óz oqýshylaryna baǵa qoıady.