InfoHub Logo

«Men mamandyq álemindemin».

Maqsaty: Kásiptik baǵdar tańdaý boıynsha psıhologıalyq qoldaý kórsetý
Qatysýshylar: 9 synyp oqýshylary, ata - analary
Qural - jabdyqtar: kompúter, ınteraktıvti taqta, aq paraqtar, markerler

Trenıń barysy

1 Kirispe sóz (trenıńtiń taqyrybyn, maqsatyn, josparyn, epıgrafyn aıtyp ketý)
Taqtada birinen soń biri slaıdtar shyǵady. Trenıńtiń epıgrafy «Kásip tańdaý - tek qana bolashaqqa úńilý emes, ol ózińniń ishki jan - dúnıeńe úńilý...»

Jospar:
- Esimder alıterasıasy
- Mamandyq tańdaýda ustanatyn erejeler
- Eń - eń... (oıyn)
- «Men qaladym» suraqnamanyń qorytyndysymen tanystyrý
- Mamandyqty tap (oıyn)
- Meıirimdilik alańy (jattyǵý)
- Bos mıkrofon

2 «Esimder alıterasıasy» ata - ana balasynyń, bala ata - anasynyń esimin jáne de bir jaǵymdy qasıetin aıtyp shyǵady

3 «Mamandyq tańdaýda ustanatyn erejeler»
- Mekteptegi oqý pánderi - naqty mamandyq emes. Pánge degen qyzyǵýshylyq oǵan baılanysty jumystyń unaıtynyn bildirmeıdi.
- Qalaǵan mamandyqtyń mazmunyna kóńil aýdarý.
- Eger mamandyq seniń dosyna unasa, saǵan unaıdy degen qorytyndy jasaýǵa bolmaıdy.
- Mamandyqtyń mazmuny, qyzyqty qyrlary, jumys tártibi men jaǵdaıy týraly suraqtarǵa jaýap bere alǵanda ǵana seniń tańdaýdaǵy oı - nıetiń salmaqtana túspek.
- Sán qýyp, mamandyq tańdaýdyń qajeti joq. Oqýdy támamdap, jumys istegenshe, ol mamandyq sánnen shyǵyp qalýy múmkin.
- Aldaǵy ómirlik josparyn qandaı bolmasyn, shetel tilin úırenip, kompúterde jumys isteýdi ıgergen asa paıdaly.
- Zamannyń aǵymyna qaraı keıbir mamandyqtar tez eskirip, onyń ornyn jańa mamandyqtar basyp jatyr. Sondyqtan kez kelgen jaǵdaıda qosalqy tańdaǵan mamandyq bolý kerek.
- Múmkindiginshe tańdaǵan mamandyqtyń ózińniń densaýlyq jaǵdaıyńa týra keletin - kelmeıtindigi jóninde keńes alǵan jón.
(Oqýshylar men ata - analar arasynda erejeler týraly pikir almasý júrgiziledi)

4 «Eń - eń...» (oıyn)
Ata - analar men oqýshylar 5 topqa trenıńtiń basynda bólinip otyrady. Ár topqa paraqshalar taratylady. Ol paraqshalarda kelesi jazýlar bolady:
- eń jasyl mamandyqtar
- eń aqshaly mamandyqtar
- eń taza mamandyqtar
- eń kóńildi mamandyqtar
- eń tátti mamandyqtar
2 - 3 mınýttyń ishinde toptyń ishinde aqyldasyp mamandyqtardyń tizimin qurý kerek jáne de toptyń múshesi tizimderimen tanystyryp shyǵady.

5 «Men qaladym» suraqnamanyń qorytyndysy
Aldyn ala júrgizilgen «Men qaladym» atty suraqnamanyń qorytyndysy ınteraktıvti taqtada kórsetiledi. Maqsaty – oqýshynyń beıimdiligin jáne kásibı qyzyǵýshylyǵyn anyqtaý. Oqýshylardyń tańdaýlaryn qoryta kelgende qandaı eńbek túrine beıim ekendigi anyqtalady. (Salalar: tabıǵat, tehnıka, basqa adamdar, belgi júıesi, kórkem obrazdar, adamnyń ózi)

6 «Mamandyqty tap» (oıyn)
Trenıńke qatysýshylarǵa kartochkalarǵa jazylǵan mamandyqtar taratylady, al olar sol mamandyqtardy ymmen kórsetýge tyrysý kerek. Qalǵandary mamandyqty tabý kerek.
Hırýrg
Fabrıka basshysy
Hatshy
Kitaphanashy
Bank qyzmetkeri
Satýshy
Muǵalim
Býhgalter
Slesar
Svarshık

7 «Meıirimdilik alańy» (jattyǵý)
Qatysýshylarǵa túrli tústi qaǵazdardan (qıylǵan kúnniń shýaqtary, gúlder, jasyl shópter) taratylady. Gúlderge – oqýshylar, jasyl shópterge – ata - analar, kúnniń shýaqtaryna - ustazdarǵa arnalǵan kásibı tańdaýda usynystar jazylady jáne de aq vatmanǵa bekitiledi.

8 «Bos mıkrofon» (refleksıa)
Erkin túrinde qatysýshylar psıhologıalyq trenıńten alǵan áserleri týraly pikir bólisedi.