InfoHub Logo

Ońtústik-shyǵys Azıada jándikterdi ǵana emes, usaq kemirgishterdi de qorek etetin ósimdik ósedi.

Et qorekti qumyra pishindes ashyq qyzyl gúldi ǵalymdar Nepenthes northiana dep atady. Mundaı atty ol aǵylshyn tanymal saıahatshysy M.Norttyń qurmetine alǵan. Ol álemniń túkpir-túkpirindegi túrli ósimdikterdi zertteýmen aınalysqan.

Nepenthes northiana negizinen egeýquıryqtarmen, shybyndarmen jáne basqa da usaq janýar nemese jándiktermen qorektenedi. Gúlshanaǵynyń ólsheminiń dıametri keıde 20 sm-ge deıin jetedi. Qumyra, ashyq tartymdy túsimen qatar, jaǵymsyz ıis bóledi. Janýarlar dál osy qarmaqqa eltip, qyshqylǵa toly qumyraǵa túsedi. Et qorekti ósimdik as qorytýdy dál sol jerde bastap ketedi. Pishini men ósimdiktiń qabyrǵalary syrǵanaq bolǵandyqtan egeýquıryq syrtqa shyǵa almaı qalady. Aıtpaqshy, halyq arasynda tanymal Venerına shybynjek te egeýquıryqtar men tyshqandardy jeýden tartynbaıdy. Biraq pishin qurylysy men ólshemderine baılanysty onyń ańshylyqta joly bola bermeıdi, sol sebepti janýarlar gúldiń «qarmaǵynan» keıde syrtqa shyǵyp ketip jatady.

---