Egin saldym,
Mal baqtym,
Tas qaladym
Saǵynam da,
Jurtty da basqaramyn.
Jalyǵam da
Jabyrqap pás qalamyn,
Jyrdy biraq,
Jyrdy men tastamadym,
Jyrdan bólek qalmady basqa amalym.
Alasartty taǵdyrym bıiktetti -
Bári ótkinshi.
Qýanysh, kúıik te ótti.
Ekitalaı kezende eńsem buqqan,
Kúısandyqqa saýsaǵym tıip ketti.
Kúısandyqtan kúńirenip ún shyǵady,
Kúı ańsaǵan qý kóńil tynshyǵady.
Qarǵyp shyǵyp keterdeı alasuryp,
Tutqyn júrek keýdemde túnshyǵady!

---