InfoHub Logo

Dúnıe júzi tarıhy 6 - synyp
Sabaqtyń taqyryby: Ejelgi Parsy patshalyǵy
Sabaqtyń maqsaty:
Bilimdilik: Ejelgi Parsy patshalyǵynyń qurylýy, saıası tarıhy týraly túsindirý, dini men mádenıetine sıpattama berý
Damytýshylyq: oqýshylardyń top ishinde jumys jasaý, qısyndy oılaý qabiletterin damytý, oqýlyq, mátin, keskin kartamen jumys isteý bilik - daǵdylaryn arttyrý
Tárbıelik: adamgershilikke, otansúıgishtikke tárbıeleý.
Sabaqtyń túri: aralas sabaq
Sabaqtyń ádisi: «Araldarǵa saıahat» oıyny - «zıatkerlik týrnır», «tiri beıne», «qateni tap», «keıipkerdi anyqta», «postermen jumys»
Sabaqtyń kórnekiligi: ınterbelsendi taqta, tapsyrma paraqtary, sýretter, A - 3 formatyndaǵy qaǵazdar, túrli tústi qaryndashtar, stıkerler.
Pánaralyq baılanys: Qazaqstan tarıhy, geografıa

Sabaqtyń barysy:
1. Uıymdastyrý:
Sálemdesý, oqýshylardy túgendeý, sabaq maqsatymen tanystyrý, oqýshylardy jeton tústerine qaraı eki topqa bólý. Ár toptyń kemesiniń atyn taǵaıyndaý. «Gerodot» kemesi men «Klıo» kemesi

2. Úı tapsyrmasyn tekserý.
«Araldarǵa saıahat» oıynynyń erejesi túsindiriledi. Ár topqa bir keme tıesili. Olar tapsyrmalardy durys jáne jyldam oryndaýy arqyly jeti aralǵa saıahat jasaý qajet. Durys jaýap bergen keme kelesi aralǵa jyljý múmkindigine ıe bolady. Qazynaǵa birinshi jetken keme jolaýshylary jeńiske jetedi.

«Boı sergitý» araly – muǵalim memleketterdiń attaryn aıtady, oıynshylar olardyń astanalarynyń esimderin atap shyǵý qajet. Qaı top kóp jaýap qatsa, sol top kelesi aralǵa jyljıdy.
 Egıpet - Memfıs
 Ýrartý - Týshpa
 Assırıa - Nınevıa
 Hett patshalyǵy - Hattýsa
 Vavılon - Vavılon
 Izraıl - Iýdeılik memleket - Ierýsalım

«Tiri beıne» araly - oqýshylarǵa Vaal qudaıynyń beınesi kórsetiledi. Olar «Vaal jáne Alıııan» dastany boıynsha Vaal qudaıy týraly bilimderin ortaǵa salady. «Vaal - kóktem qudaıy, Alıııan - kóktem qudaıynyń uly. Vaal ólim qudaıy Motty jeńedi, biraq ózi de ólip, balasymen birge o dúnıege attanady, jer astyna túsedi. Vaaldyń áıeli qunarlylyq qudaıy Anat ólim qudaıy Motpen kúresip, aqyry Vaal ólim qudaıy Motty jeńip, qaıta tiriledi.»

3. Jańa taqyrypty túsindirý.
Kartamen jumys: muǵalim oqýshylarǵa Ejelgi Parsy patshalyǵynyń Kır patshanyń tusynda qurylýy týraly túsindirip, geografıalyq ornalasýyn kórsetedi.
«Parsy patshalyǵy» araly - toptar keskin kartaǵa Parsy patshalyǵynyń paıda bolǵan kezindegi aýmaǵy men b. z. b. V ǵasyrdyń bas kezindegi aýmaǵyn túsiredi.
«Qateni tap» araly - oıynshylarǵa Parsy patshalyǵynyń aýmaǵyn keńeıtýi týraly mátin beriledi. Mátinmen muqıat tanysqannan keıin, ol paraq alynyp, qatelikter jiberilgen mátin beriledi. Oqýshylar qateni taýyp, mátindi túzetý qajet.

Negizgi mátin:
Mıdıa memleketi Vavılonmen odaqtasyp, álsiregen Assırıa memleketin jaýlap alady. Kishi Azıadaǵy parsylardy da baǵyndyrady. Biraq Mıdıa men Vavılonnyń dostyq qatynasy uzaqqa barmaı, qandy soǵysqa ulasady. Mıdıanyń patshasy Astıag pen Vavılon bıleýshisi Nabonıd kúresip jatqan kezde, parsy patshasy Kır Mıdıany ońaı jaýlap alady. Aılaǵa basqan Kır patsha Vavılondaǵy patsha bıligine qarsy saýdagerler men abyzdardyń narazylyǵyn paıdalanyp, elde tynyshtyq ornatamyn degen ýádemen Vavılon memleketin de jaýlap alady. B. z. b. 529 jyly Kır patsha Orta Azıadaǵy saq taıpalary patshasy Tomırıske soǵys ashady.