InfoHub Logo

Synyptan tys jumys 5 - synyp
«Altyn qaqpa» ıntellektýaldyq oıyny

Sabaqtyń maqsaty: Oqýshylardyń qazaq tili men ádebıeti páninen alǵan bilimderin, el tarıhy, qazaq halqynyń salt - dástúrlerin qanshalyqty biletindikterin tekserý. Ǵasyrlar synynan ekshelenip, urpaqtan - urpaqqa ulasyp kele jatqan salt - dástúrlerdiń ozyq úlgilerin paıdalaný arqyly jeke tulǵanyń jan - jaqty damýyna septigin tıgizý.
Damytýshylyq maqsaty: Oqýshylardyń oı - órisin, til baılyǵyn damytý, shapshań oılaýǵa, oıyn jınaqtap jetkize bilýge úıretý.
Tárbıelik maqsaty: Uıymshyldyqqa, adamgershilikke, el tarıhyn, mádenıetin, qazaq halqynyń salt - dástúrin qadirleýge tárbıeleý.
Sabaqtyń kórnekiligi: sandyqsha. ekrandy qoldaný, kórsetetin belgiler (ár oqýshyǵa)

Júrgizýshi: Armysyzdar! qurmetti qonaqtar, qatysýshylar, kórermender.
Qazaq halqy – salt – dástúrge óte baı el. Bul – onyń mádenıetti, ári tárbıeli el ekendiginiń aıǵaǵy. Belgili qoǵam qaıratkeri, zańger Naǵashybaı Shaıkenov «Ult dástúri zańnan bıik» degen. Demek, salt – dástúrli el – myqty ári tuǵyry berik el. Bizdiń halqymyz óz urpaqtaryna ǵasyrdan ǵasyrǵa ult qasıetin salt – dástúrmen, ónegeli ádet – ǵuryppen, úlgili jón – josyqpen tárbıelep, ulaǵatty ul, ınabatty qyz ósirgen. Búgin qazaq halqynyń tarıhyn, salt – dástúrdi qadirleı otyryp, qanshalyqty dástúrimizdi baǵalaıtynymyz ásirese qanshalyqty biletindigimizdi kóretindeı mektepishilik 5 - synyp arasynda «Altyn qaqpa» oıynyn uıymdastyrdyq. Oıynymyzǵa qosh keldińizder!
«Oıynymyzdy bastamas buryn dástúr boıynsha ádilqazylar alqasyn saılap, tanystyrsaq deımiz.

Ótý barysy:
Qazir sizderdiń aldaryńyzǵa ekrannan tapsyrmalar óz ornymen ret – retimen kórsetilip otyrady. Negizgi oıyn sharty jyldam, utymdy jáne suraqqa tolyq jaýap berý kerek. Árbir durys jaýapqa 2 upaıdan beriledi.
Kim de kim berilgen suraqtyń jaýabyn bilip tursa, qolyndaǵy belgini jyldam kóterý kerek. Ornymyzdan turyp, suraqqa tolyq jaýap qaıtarý kerek. Sol kezde ǵana jaýap sanalyp, upaı qoıylady.
Ózderińiz biletindeı teledıdardan «Altyn qaqpa» oıynyn kórsetetin. Sol kezde altyn sandyqty ashpas buryn, aldyńǵy týrlardan ıaǵnı tas qaqpadan, kúmis qaqpadan, altyn qaqpadan ótip, altyn sandyqty ashýǵa tyrysady. Eger de altyn sandyqtyń ishindegi suraqqa jaýap bere almasa, altyn sandyq ashylmaı jabýly kúıinde qala beredi.

Oıynshylar, sizderge sóz bersek deımiz, ózderińizdi qatysyp otyrǵan qonaqtarǵa, ádilqazylar alqasyna tanystyryp ótseńizder.
Rahmet. Ózderińizge iske sát deımiz..

Uly Abaı atamyzdyń «Adam ata - anadan týǵanda esti bolmaıdy, estip, kórip, ustap, tatyp eskere jaqsy - jamandy tanıdy. Sondaıdan bilgeni, kórgeni, toqyǵany kóp bolǵan adam bilimdi bolady»- degen naqyl sózin eskere otyryp, oıynymyzdy bastaıyq.

İ týr. Tas qaqpa
1. «Súıinshi!» habary qaı kezde aıtylady jáne oǵan qýanysh ıesi qandaı jaýap qaıtarady?
2. Shashý - degenimiz ne?
3. Shildehana qandaı toı?
4. Balany qyrqynan shyǵarý degen ne?
5. Baıǵazy degen ne?
6. Bazarlyq dep neni aıtamyz?
7. Bata degen ne?
8. Batanyń qandaı túrleri bar?
9. Tilder aılyǵy merekesi qaı ýaqytta ótedi?
10. Qazaq tili memlekettik til mártebesin qashan aldy

Týylǵan soń adam bop,
Bilimsizden jaman joq.
El dástúrin bilmeseń,
Jurt aıtady nadan dep.
Ata - babam ardaqty,
Jamandyqqa barmapty.
Ardaı tutyp úlkendi,
Ata jolyn jalǵapty - deı otyryp, oıynymyzdy jalǵastyraıyq barlyǵymyz taqtaǵa nazar aýdaraıyq.

Mine, ekinshi aınalymǵa kelip jettik. Sizderdiń aldaryńyzda kórinip turǵandaı, uıashyqtar berilgen. Osy uıashyqtardy tańdap, berilgen suraǵyna jaýap berý kerek.