Daladan eki tyshqan maı taýypty,
Shyǵynsyz ekeýi de jaı taýypty.
Janjaldasyp bul maıdy bólise almaı,
Maımylǵa bóldirýge kóńili aýypty.

Bildirdi bular baryp maımylǵa ózin,
Aıtysty aradaǵy janjal sózin.
«Qosh keldiń, tarazym bar, ólsheıin,— dep,
Joǵaltýǵa oılapty maıdyń kózin.

Ólshepti bir jaǵyna maıdy salyp,
Anjaǵy kóterildi bosqa qalyp.
Bos jaǵy men maı jaǵyn teńgerýge
Maımyl tyqty aýzyna maıdan alyp.

Aqyryn jep bitirip maıly basyn,
Bezbenniń tegistepti eki basyn.
Bezbenniń birdeıligin kózben kerip,
Tyshqan ketti aǵyzyp kózdiń jasyn.

Sorlynyń janjaldasqan maıy qaıda:
Bermeıdi eshbir ýaqyt janjal paıda.

Óz ara qosylmasa yntymaǵyń,
Jem boldyq kóringenge árbir jaıda.
Endigári birlikten aırylmasqa,
Tyshqandar ant etipti bir keń saıda.

---