InfoHub Logo

Sabaqtyń taqyryby: Ekinshi dúnıejúzilik soǵys qarsańyndaǵy halyqaralyq qatynastar.

Sabaqtyń túri: Aralas sabaq Ýaqyty: 90 mın

Sabaqtyń maqsaty:
Bilimdilik: Stýdentterge 1920 jyldardaǵy dúnıe júziniń halyqaralyq jaǵdaıyna jáne halyqaralyq qatynastardaǵy Reseı máselesine, ekinshi dúnıe júzilik soǵys qarsańynda halyqaralyq qatynastarǵa sıpattama berý.
Damytýshylyq: Este saqtaý men oılaý órisin damytý, oqıǵany baıandaý qabiletin, tyńdaý qabiletin qoldanyp, oqý úrdisine qyzyǵýshylyǵyn damytý.
Tárbıelik: Tarıh taǵylymynan sabaq alyp, óz bolashaǵyna batyl qadam jasaıtyn, dúnıejúzi halqyna qurmetpen qaraıtyn, elin, týǵan jerin súıetin sanaly urpaq tárbıeleý.

Sabaq barysynda qoldanylatyn pedagogıkalyq tehnologıalar:
▪ Baqylaý jáne baǵalaý
▪ Yntalandyrý
▪ Baǵyt - baǵdar berý.

Belgilengen tehnologıany iske asyrý ádisteri:
▪ Aralas jáne aýyzsha suraý
▪ Kartamen jumys
▪ Ózin - ózi baǵalaý
▪ İzdený
▪ Baqylaý arqyly madaqtaý ádisteri

Pánishilik baılanys: HİH ǵasyrdyń 30 jyldaryndaǵy Eýropa jáne AQSH elderi, Eki
soǵys aralyǵyndaǵy Shyǵys elderi, Latyn Amerıka elderi.
Pán aralyq baılanys (qamtıtyn jáne qamtylatyn pánder):
Geografıa, Saıasattaný, Mádenıettaný, Áleýmettaný
Sabaqtyń jabdyqtalýy:
Kórneki quraldar: «Dúnıe júziniń saıası kartasy», slaıdtar.
Úlestirme materıaldar: qıma qaǵaz, test.
Tehnıkalyq oqý quraldary: Interaktıvti taqta, kompúter, proektor, sd, dvd.

Sabaqtyń barysy:
1 Uıymdastyrý kezeńi (5 mınýt): Sabaqtyń jabdyqtalýyn, top túgeldigin
tekserip, jýrnal toltyrý.

2 Sabaqtyń maqsaty men josparyn habarlaý (5 mın):
Sabaq taqyrybynyń motıvasıasyna toqtalyp, stýdentterden Latyn Amerıka elderindegi ónerkásip oryndarynyń damýyn, usaq býrjýazıalyq demokrattardyń kúresiniń beleń alýyn, memleketterdiń damýy qıyn kezeńderden turǵanyn suraý.

4 Úı tapsyrmasyn pysyqtaý: (20 mınýt)
Tómende kórsetilgen kesteni toltyryńyz:

5. Jańa taqyrypqa motıvasıalyq sıpattama berip, taqyrypty túsindirý:
Stýdentterge Eýropada HH ǵasyrdyń - 20 jyldaryndaǵy «Pasıfızm dáýiri» dep atalýyn, daǵdarys jyldarynda Versal - Vashıngton júıesiniń kúıreý sebebin, ujymdyq qaýipsizdikti uıymdastyrý máselesi jáne basshylardy tatýlastyrý saıasatyna sıpattama berý.

Ekinshi dúnıe júzilik soǵys qarsańyndaǵy halyqaralyq qatynastar
20 — 30 - jyldardaǵy halyqaralyq qatynastar. Soǵystar aralyǵyndaǵy halyqaralyq qatynastardy 20 - jyldardaǵy jáne 30 - jyldardaǵy dep eki kezeńge bólýge bolady.
Alǵashqy kezde soǵysta jeńiske jetken elder men jeńilgen elderdiń arasynda ózara kelisimsharttar jasaldy.
Birinshi dúnıejúzilik soǵystan zardap kórgen halyqtar beıbitshilikti jaqtap, soǵysqa qarsy turý kózqarasy qalyptasty. Sondyqtan 20 - jyldar pasıfızm dáýiri atalyp, memleket basshylary elder arasyndaǵy qaıshylyqtardy beıbit túrde sheshýge kóshti.
Versal - Vashıngton júıesiniń kúıreyi. Halyqaralyq qatynastarda shıelenister birinen soń bipi týyndap otyrdy. Solardyń birine soǵystan keıin tólemderge qatysty "Rýr daǵdarysy" jatady.
Jeńilgen Germanıa 132 mlrd marka dep eseptelgen soǵys shyǵynyn óteýge májbúr boldy. Soǵystan keıin áskerı kúshke súıengen Fransıa óz ústemdiginen Eýropaǵa ornatpaq bolyp, basqalarmen sanaspaı qoqan - loqylyqqa saldy. 1923 jyly Germanıa jaǵy soǵys shyǵyndaryn óteý tártibin buzdy degen syltaýǵa súıenip, Fransıa jáne Belgıa nemisterdiń Rýr oblysyna áskerlerin engizdi.

Bul daǵdarysty retteýge Anglıa, AQSH, t. b. elder atsalysyp, 1924 jyly halyqaralyq kapıtal usynǵan "Daýes jospary" qabyldandy. (Daýes — nemis bankterimen jáne kásiporyndarymen tyǵyz baılanysta bolǵan Amerıkanyń Morgan tobynyń ókili). Ol jospar Germanıa tólem aqysyn jyl saıyn 1 mlrd markamen eseptep, eldiń jaǵdaıy jóndele bastaǵanda 3 mlrd markaǵa deıin jetkizýdi belgiledi. Soǵys shyǵyndaryn óteý máselesi nemis halqynyń narazylyǵyn týdyryp, barǵan saıyn qarsylasýdy ulǵaıtty.

Mundaı áreketke jol bermeý úshin, sondaı - aq Fransıany sabasyna túsirý úshin Ulybrıtanıa men Italıa usynysy boıynsha 1925 jyly Lokarno qalasynda (Shveısarıa) syrtqy ictep mınıstrleri kezdesti. Kezdesýge olardan basqa Fransıa, Belgıa, Germanıa memleketteri shaqyryldy. Sonyń nátıjesinde Reın kepildik paktisine qol qoıylyp, ol Eýropada qalyptasqan shekaralardyń buzylmaıtyndyǵyn málimdeıdi. Polshaǵa, Chehoslovakıaǵa sharttyq kepildik berildi. Olar Germanıanyń batys shekaralaryna eshkim tıispeıdi dep sheshedi. Sóıtip, shıelenis báseńdep, Germanıanyń Eýropa elderimen saıası teńdigi moıyndatyldy. Biraq Lokarnodaǵy kelisimde Germa¬nıanyń Shyǵystaǵy shekaralary keleshekte qarastyrylýy múmkin delingen bolatyn. Sóıtip, nemis: halqynyń bólingendigi jáne olardyń keıin bip - birimen qosylýy týraly pikir týa bastady. Bul Versal júıesiniń ádiletsizdigin deleldegendeı boldy. Sony keıin nemis dıplomatıasy alǵa tartyp, Sýdet pen Avstrıany Germanıaǵa qosý
máselesin kóterdi.

"Daýes jospary" Germanıa sharýashylyǵynyń tez jetilýine járdemdesti. Nemister soǵys shyǵyndaryn óteýdi jeńildetýde, kerek bolsa joıýdy kózdedi. 1929 jyly tamyzda Gaagada ótken halyqaralyq konferensıa jańa "Iýng josparyn" bekitip, Germanıanyń jyldyq tólemin 2 mlrd. markaga deıin azaıtty.
Ulttar Lıgasynyń dármensizdigi. Kelesi daý qarýsyzdandyrý máselesine baılanysty boldy. Batys elderi oǵan KSRO - ny da qatystyrýǵa tyrysty. Biraq ol kóp ýaqyt boıy eshqandaı nátıje bermedi. 1927 jyly teńizdegi áskerı kúshterdi shekteý týraly kelissózder jemissiz aıaqtaldy. Ipi elderdiń bip - bipine senimsizdikpen qaraýy ulǵaıa berdi.