InfoHub Logo

Uıymdastyrylǵan oqý is - áreketi
SALASY: Tanym
Bólimi: Qorshaǵan ortamen tanystyrý
Taqyryby: Ekolog mamandyǵy
Maqsaty: Ekolog mamandyǵymen tanystyrý. Bul mamandyqtyń adam dy qorshaǵan ortany qorǵaýǵa tıgizetin paıdasymen, ony qorǵaý árbir adamnyń paryzy ekenin balalarǵa túsindirý. tabıǵatty aıalaýǵa, qorǵaýǵa daǵdylandyrý. Ekolog mamandyǵyna degen qyzyǵýshylyǵyn arttyrý. Berilgen suraqtarǵa tez ári shapshań jaýap berýdi meńgertý.
Kerekti qural - jabdyqtar: globýs, proektor

Shattyq sheńberi:
Qýan shattan alaqaı,
Qýanatyn kún keldi.
Qaıyrly tań, apaılar,
Qaıyrly tań, dostar.
Joǵary qarap taý kórdim,
Tómen qarap jer kórdim.
Ońǵa, solǵa ıilip,
egemendi el kórdim
Barysy: balalar búgin biz ádemi planetamyz týraly áńgimelesemiz. Bizidiń planetamyz qalaı atalady?
Balalar: Jer
Tárbıeshi: Balalar qarańdarshy bul - globýs, bizdiń planetamyzdyń kishireıtilgen túri.
- Qarańdarshy bizdiń planetamyz qandaı ádemi, globýsta qaı tús kóp?
Balalar: Kók, jasyl tús.
Tárbıeshi: Bizdiń planetamyzdy « jasyl álem» - dep ataıdy. Kók tús neni bildiredi?
Balalar: Teńiz, muhıt, ózender
Tárbıeshi: Al jasyl tús neni bildiredi?
Balalar: Orman, egindik
Tárbıeshi: Sary, qońyr tús
Balalar: Taý, dala, shól, shóleıt
Tárbıeshi: Ia, bizdiń planetamyzda ádemi jerler kóp.
(Slaıdtan kórsetý) «Tabıǵat tamashasy»
Saýysqan keledi ushyp. Hat tastap ketedi.
Hatty Ekolog jiberipti. Balalar bizdiń planetamyzda aýa, sýlar lastanyp, orman aǵashtary órtenip, kesilip jatyr. aýa lastanýynan balalardyń demalysy qıyndap
kóp aýyra beredi. Zavod, fabrıkalar, túrli óndiris oryndary jáne mashınalar, kosmos korablderi kóbeıdi. Biraq ta, bular bizdi qýantpaıdy. Bizder baqtardyń gúldegenin, qustardyń saıraǵannan, aǵashtardyń jaıqalyp óskenin, jándikterdiń jybyrlap júrgenin ózenderden syldyrlap taza sý aqqanyn, kóbelekterdiń qanatyn qaǵyp ushqanyn qalaımyz.
Balalar, sizder de bizge kómekke kelińizder.
Tárbıeshi: balalar, qorshaǵan ortany qorǵaýǵa, lastamaýǵa, kórkeıtýge bizdi ekolog mamandary shaqyryp jatyr eken, kómektesemiz be?
Balalar: Ia
Tárbıeshi: Balalar, halyqaralyq "GRINPIS" ortalyǵy bar. Aǵylshyn tilinen aýdarǵanda "Jasyl álem "- degen sóz. Bul barlyq ulttardy, halyqtardy biriktirgen ortalyq. Osy qoǵamda ekolog mamandary jumys jasaıdy. Ekolog adamnyń ómirimen densaýlyǵyn, qorshaǵan ortany qorǵaýǵa ondaǵy qustar, ósimdikter, janýarlar jáne adamdar ómirin qorǵaıtyn, aýa men sýdyń lastanbaýyna kómektesip, qorǵaıdy.
Sońǵy kezde tabıǵat kóp ózgeriske ushyrady. Sebebi, kóp mashınalar las gazdy aýaǵa shyǵaryp, zavodtar men fabrıkalar qaldyqtaryn aýa men sýlarǵa tógedi.
Slaıd kórsetý. (Tabıǵattyń lastanýy)
Eger adamdar men janýarlar osy lastanǵan aýamen demalsa ne bolady?
D/O: "Egerde....."
Egerde sý lastansa.............
Eger de aýa lastansa.......
Eger de kún bolmasa ne bolar edi...............
Egerde orman órtense................................
Egerde qustar bolmasa.........................
Ekolog mamandarynyń arasynda hımıkter, fızıkter, geograf, dárigerler kóp.
Olar óte bilimdi adamdar.
D/O « Qustardy qorǵaý»
D/O: "Ekologıalyq belgiler" Tıym sózder
Qustyń uıasyn buzýǵa bolmaıdy.
Ormanda ot jaǵýǵa bolmaıdy.
Sýdy lastaýǵa bolmaıdy.
Qustyń uıasyn buzýǵa bolmaıdy.
D/O: «Janýarlardy qorǵaý»: Qısynyn tap (Sýretterdi qurastyrý)
D/O: « Qoltyraýynnyń balasy neni durys neni durys emes jasady?» sýret boıynsha áńgime qurastyrý.
Ekolog keledi balalar sender tabıǵatty qorǵaýǵa kóp kómektestińder, kóp biledi ekensizder. Men sizderdiń toptaryńdy osy qoǵamnyń múshesi etip qabyldap znachok tapsyramyn - dep balalarǵa znachokty keýdelerine taǵady. "Jasyl álem" qoǵamyna qabyldaý.
Dárilik ósimdikterden jasalǵan fıto sháı berý.