InfoHub Logo

Taqyryby: Seniń baılyǵyń - saýlyǵyń

Maqsaty: 1. Birinshi baılyq - densaýlyq degen uǵymdy jas búldirshinder sanasyna jetkizý.
2. Halyq danalyǵy - maqal - mátelderdiń mazmunyn túsindirý.
3. Densaýlyq negizi qımyl, sport, durys tamaqtaný, taza aýada júrý ekenin oqýshylarǵa uǵyndyrý.
4. Ár adamnyń óz densaýlyǵyna óziniń jaýapkershiligin arttyrýǵa tikeleı baılanysty ekenin túsindirý.
Kórnekti quraldar: túrli - tústi sýretter, maqal - mátelder.
Sabaqtyń urany:
Aýyryp em izdeme, Aýyrmaıtyn jol izde.
Sabaqtyń barysy:
Mektep tabaldyryǵyn alǵash ret attap otyrǵan búldirshinder men olardyń ata - analaryn mekteppen tanystyrý. Balapandarǵa búgingi kúnnen bastap: Sizder eseıdińizder, jańa ómirge qadam bastyńyzdar, sizder oqýshysyzdar, oqýshylardyń erejesi bolady,- dep uǵyndyrý. Bizdiń mektepte sabaq saǵat 8 - 00 - de bastalady.

1. Sabaqty erteńgilik sergitý jattyǵýlarmen bastaımyz:
Tik ustap deneńdi,
Sapqa tur sen endi.
Janǵa sep shynyǵý
Jattyǵyp, shynyǵý
Symbatty bolý da
Ózińniń qolyńda
Ata - analarǵa arnap aqyndardyń ómir tájirıbesinen kóńilge túıgen tujyrym - ósıetterin aıtamyn.
Áýelgi baılyq - densaýlyq.
Ekinshi baılyq – erkindik.
Úshinshi baılyq - til baılyq.
Tórtinshi baılyq - qaırat - kúsh.
Besinshi baılyq - aq jaýlyq
Altynshy baılyq - balamyz.
Jetinshi baılyq - júz saýlyq.
1. Densaýlyqtyń negizi - durys tamaqtaný.
2. Qolyńdy sabyndap jý.
3. Qısaımaı, túzý otyr.
4. Qasyqty oń qolyńmen usta.
5. Tamaq iship otyryp sóıleme, kúlme, kitap, gazet oqyma.
6. Shamadan tys toıyp ishpe.
7. Nandy úzip je.
8. Tamaqtan soń, aýzyńdy shaı, qolyńdy jý.
9. Asqa bata berip tur.

As je, ish simirip.
Boıǵa sińirip.
As ishseń tolasyń
Aman - saý bolasyń.

As - adamnyń arqaýy
Aspen kúsh artady.
Taǵam ish jaǵymdy
Tazartar janyńdy.
1. Densaýlyqtyń taǵy bir daýasy taza aýa.
Tabıǵat - ananyń adam aǵzasynyń jetilýine tartar syıy kóp.
Jer shary - dáý álem
Qorshalǵan aýamen.
Aýamen tynys ap
Ósti ómir, yrys, baq.
Adamdardyń tabıǵatsyz kúni joq
Muny aıtýǵa tabıǵattyń tili joq.
1. Sabaqtan soń taza aýada oınaý kerek.
2. Bala aýa raıyna sáıkes kıiný kerek
3. Sabaq oqıtyn bólmede jeldetkish bolý kerek.
4. Jaryq oqýshy dápterine sol jaǵynan túsýi kerek.
5. Densaýlyq myqty bolý úshin mı demalysy - uıqynyń da orny erekshe.
Adamǵa sý, aýa, as qalaı qajet bolsa, uıqy da sondaı qajet.
Deni saý bala táýligine 10 saǵat uıyqtaý kerek.
Bala keshke saǵat 9 - 00 - da uıyqtaý kerek.
Balany kún saıyn belgili bir mezgilde uıyqtatyp, bir mezgilde turǵyzý qajet.

1. M. Dýlatov atamyz densaýlyq jaıynda aqyl - keńes aıtqan?
1 - oqýshy: Qulaqqa urma, qulaqqa aıǵaılama, shyńǵyrma! Qalam, qaryndash, ıne sıaqty úshkir nárselermen qulaǵyńnyń ishin shuqyma.
2 - oqýshy: Qulaǵyńnyń ishin, syrtyn taza usta. Sabyndy sýmen qulaǵyńdy abaılap jý. Jýynǵan soń qulaǵyńnyń sýlanǵan jerin ábden súrtip, qurǵat.
3 - oqýshy: Qulaǵyńnyń ishine bir nárse kire qalsa, óziń esh nárse isteme. Tezdetip dárigerge kórin.
4 - oqýshy: Murnyńdy árdaıym taza usta, júrgende, sóılegende, uıyqtaǵanda murnyńmen durystap dem ala almaıtyn bolsań, dárigerge kórin.
5 - oqýshy: Demalǵanda aýzyń únemi jabýly bolsyn. Shańdy, ıa aýasy buzylǵan orynda shamań kelgenshe demalmaǵan jón. Júrgen jerińdi shańdatpaı júr, ásirese úı ishinde shań kóterýshi bolma.
6 - oqýshy: Úıdiń ishinde edenge qaqyrma, túkirme.
7 - oqýshy: Tula - boıyńdy, eń bolmaǵanda, moınyńdy, kókiregińdi, arqańdy, kúnde salqyn sýmen jýyp tur. Deneńdi taza usta, jumasyna bir ret jyly sýǵa shomylyp tur.
8 - oqýshy: Ózińdi, tamaǵyńdy taza usta, ishken - jegen saıyn jáne de erteńgi - kesh aýzyńdy tazalap shaıqa. Taza aýada syrtta kóbirek júr, qımylda oına, júgir.
Bári: Munyń bári denniń saýlyǵyn saqtaý úshin qajet.
1. Baılyq. M. Dýlatov Kórinis

Vİİİ. Tárbıe saǵatyn qorytyndylaý.
Muǵalim: Eger denim saý bolsyn deseńder, mine, joǵaryda aıtylǵannyń bári densaýlyq úshin isteletin jumystar. Taza aýada demalý, sportpen shuǵyldaný, tazalyqty saqtaý, deneni kútip ustaý, eńbek etý, durys tamaqtaný – barlyǵy da salaýatty ómir saltyna jatady. Joǵaryda aıtylǵandardy kúnde turmysta paıdalanýymyz qajet.