InfoHub Logo

Maqsaty - klass oqýshylaryna rámizder týraly biletin burynǵy bilimderin eske túsirýge, tereńdetýge múmkindik berip, baǵyttaý. Rámizderdiń belgisin, tarıhyn, el úshin mańyzdylyǵyn jete túsinýge talaptaný. Eljandylyqqa, otan súıgishtikke, el rámizderin qurmetteýge, qasterleýge tárbıelený.
Kórnekiligi el rámizderiniń sýretteri, rámizder týraly beınefılm.
Túri jańa sabaq
Ádisi sóıleý, baıandaý, beınefılm demonstrasıalaý, ınteraktıvti.
Kirispe bólimi
1. Ánuran oryndaý
2. Rámizder týraly beınefılm qaraý
3. Beınefılm týraly oqýshylar pikirin tyńdaý.
4. Muǵalimniń kirispe sózi.
Qazaqstan týymen tuǵyrly, Eltańbasymen eńseli,
Ánuranymen aıbatty,- desek búgingi bıylǵy oqý
jylyndaǵy alǵashqy sabaǵymyzdyń taqyryby - El aıbyny - rámizder.
Qazaq halqy kópten kútken táýelsizdikke qol jetkizdi. Egemendi el bolǵanyna 20 jyl. Búkil elimiz toılady. Ózimizdiń mektebimizde, synybymyzda osy aılyq kezeńinde kóptegen tárbıelik máni bar sharalar ótkizilgeni esimizde, búgingi sabaǵymyzda sol taqyryptardyń jalǵasy ispetti. Barshamyzǵa aıan, 1992 jyly 4 maýsymda egemen elimiz óziniń memlekettik rámizderin qabyldady. Olar Qazaqstan Respýblıkasynyń Ánurany, Eltańbasy, Týy.

Negizgi bólimi
Sabaqtyń mazmunyn damytý úshin oqýshylar týymyz, eltańba, ánuran týraly málimetter beredi.
1 - oqýshy
Týymyz týraly.
Memlekettik týymyz biryńǵaı kógildir tústi. Bul beıbit aspandy elestetedi, qazaq halqynyń birlik, yntymaq jolyndaǵy adaldyǵyn bildiredi. Nurǵa malynǵan altyn kún baılyqty, tynyshtyqty megzeıdi. Qanatyn jaıǵan qyran qus qazaq halqynyń keńdigin, erkindigin jarıa etedi. Aǵash sabyna bekitilgen tustaǵy tik jolaq ulttyq oıýlarmen órnektelgen. Memlekettik tý avtory - sýretshi Sháken Nıazbekov.
2 - oqýshy
Eltańbamyz týraly.
Eltańba negizi - shańyraq. Ol otbasyn beıneleıdi, kún sheńberi. Shańyraq aınalasyndaǵy ýyqtardy tulpardyń qanaty qorshap tur. Qanatty tulpar qazaq poezıasynda keń taraǵan beıne, ol ýaqyt pen keńistikti biriktiredi. Besburyshty juldyz «Baǵyń ashylyp, juldyzyń jarqyraı bersin»degen maǵyna beredi. Eltańba avtorlary – J. Málibekov, Sh. Ýalıhanov.
3 - oqýshy
Ánuranymyz týraly
2006jyldyń qańtar aıynyń 6 - synda elimiz úshin tarıhı kezeń boldy. Jańa Gımndi Parlament qabyldady. Memleketimizge jańa ekpin, jańasha mazmun men serpin beretin ánuran bekitildi. Jańa memlekettiń Gımnin resmı túrde 2006 jyly 11qańtarda ulyqtaý rásiminde tuńǵysh shyrqaldy. Avtorlary - sózin jazǵan J. Nájimedenov, N. Nazarbaev. Áni Sh. Qaldaıaqovtiki.

Tarıhqa qulaq túrsek...
4 - oqýshy
12 ǵasyrda geraldıka iliminiń negizi qalanǵan. Geraldıka latyn tilinen alynǵan. Ol «eltańba» degendi bildiredi. Bul ǵylymnyń negizin salýshy fransýz ǵalymy Menestere bolǵan.

5 - oqýshy
Alǵash ret tý osydan bes myń jyl buryn Taıaý Shyǵysta paıda bolǵan. Bul qustardyń, qudaılardyń beıneleri salynǵan tý bolatyn. Eńkóne tý Iran eliniń aýmaǵynda tabylǵan. Ol Gınnestiń rekord kitabyna engizilgen, ol tórtburyshty metaldan jasalǵan. Qazirgi qoldanylyp júrgen týlardyń alǵashqysy bolyp Chjod degen Qytaı ımperatorynyń týy bolyp sanalady. Onyń túsi aq bolǵan, bul tús kóshtiń, bıliktiń belgisi.
6 - oqýshy
Ánuran dybystyq rámiz. Al,»gımn»termıni grektiń sózi, «saltanatty án» degen maǵynany beredi.
7 okýshy Táýelsiz el jyrlary
Men qazaqpyn ulanymyn qazaqtyń,
Táýelsizbin egemenmin ozatpyn.
Kók baıraǵym tur kógimde jelbirep,
Alataýdaı kókke órlegen azatpen.
8 - oqýshy
Shyqty tarap oı danadan,
Beri qarady juldyz beti,
Eli qalap saılap alǵan,
Elimniń Prezıdenti.

9 - oqýshy
Baqtyń qusy ár adamǵa qonyp tur,
O, Táńirim bizdi baqqa jolyqtyr,
Búgin mine táýelsizdik aǵaıyn,
Ár qazaqtyń júregi bolyp soǵyp tur!
10 - oqýshy
Kók júzinde qalyqtaǵan qyranym,
Beıbitshilik pen bostandyq jyr ánim.
Samǵap júrsek bostandyqta bıikte,
Sharyqtaıdy keń kólemde bul ánim!

Qorytyndy bólimi
Muǵalim sózi.
Ulttyq rámizderdi qurmetteý – árbir azamattyń mindeti. Sebebi ol eldiktiń kıeli belgisi.
Qazaq memleketi óz táýelsizdigin alǵannan beri álemdik qaýymdastyqtyń birazyna múshe boldy, kóptegen elmen elshilik qarym – qatynas ornatty. Eldiń abyroıyn, ulan baıtaq jerimizdiń tutastyǵyn qorǵaıtyn qujattar men sharttarǵa qol qoıyldy.
Eń bastysy – erkindik. Sondyqtan el táýelsizdigin kúndelikti qorǵaý, qoldaý qajet. Oǵan jaýap bizdiń jaqsy oqýymyz, úlgili tártibimiz bolmaq. Aldaǵy turǵan synaǵymyz ulttyq biryńǵaı testke daıyndalyp, ońdy nátıje bersek, nur ústine nur! Ol bizdiń elimizdiń damýyna tamshydaı qosqan úlesimiz bolar edi...
Sabaq sońynda «Qazaqtaı el qaıda» áni oryndalady.