InfoHub Logo

Maqsaty:
Bilimdilik: «Jyr jáne opera», balet óneri taqyryptary boıynsha alǵan bilimderin tıanaqtaý.
Damytýshylyq: Oqýshylardyń bilimin jetildirý. Estetıkalyq jáne shyǵarmashylyq oı - órisin damytý. Shapshańdyq, zerektikke, alǵyrlyqqa baýlý.
Tárbıelik: Saz ónerine degen qurmetin, súıispenshiligin oıata bilý, mýzyka óneri damýynyń túp negizi - halyq mýzykasyna qurmetpen qaraýǵa tárbıeleý.
Saıysqa birneshe bala qatysyp jeke óz qabiletin, bilimin kórsetýi tıis.

Ι. Báıge oıyny.
Taqtada ár topqa arnalǵan nota syzyǵy turady. Al sol ústindegi suraq jazylǵan nota qımalaryn alyp, artyndaǵy suraqqa jaýap beredi. Suraqqa durys jaýap berse, ol nota qımasyn nota syzyǵyna ornalastyrady. Qaı top kóp durys jaýap berse sol toptyń ornalastyrǵan notalary joǵary kóterile beredi.

Suraqtar:
1. Orkestr jáne hordy basqaratyn adamdy kim dep ataıdy?
2. Skrıpka, vıolonchel, kontrabas, goboı, klarnet aspaptary qaı orkestrge jatady?
3. Hordyń túrlerin ata.
5. Álemdegi eń úlken opera teatry qaı jerde?
6. Qandaı opera teatrlaryn bilesińder?
7. «Qyz Jibek»operasynyń avtoryn ata.
8. Arıa degen ne?
9. «Abaı»operasynyń avtoryn ata.
10. «Abaı»operasyndaǵy negizgi keıipkerlerdi.
11. Orys halqynyń qandaı kompozıtorlaryn bilesiń?
12. «Qarańǵy túnde taý qalǵyp»ánin Abaı kimnen aýdarǵan?

ΙΙ. «Án shyrqaıyq»
Nota uzaqtyqtary jazylǵan qıma qaǵazdardyń artynda sabaqta úırengen ánderdiń aty jazylǵan. Ár toptan bir oqýshy shyǵyp nota uzaqtyǵyn tańdap, qandaı nota uzaqtyǵy ekeni atap, onyń qanshaǵa sanalatynyn aıtyp, artynda jazylǵan ándi oryndap berýi tıis.

ΙΙΙ. «Ǵajaıyp baq» oıyny.
Taqtada birneshe alma aǵashy ilingen. Árbir aǵash upaı sandarmen belgilengen. Oqýshy qalaǵan upaı sanyn tańdap alyp, suraqtarǵa jaýap beredi. Keıbir alma aǵashtyń artynda sıqyrly alma tyǵylǵan. Tańdaǵan aǵashtyń artynda sıqyrly alma shyqsa, upaı sany eki esege artady.
Suraqtar:
10 upaı Qazaq kásibı mýzyka óneriniń negizin salýshy, Qurmanǵazy orkestriniń alǵashqy dırıjeri kim?

15 upaı. L. A. Hamıdı týraly ne bilesińder?
20 upaı. «Hırosıma» baletiniń avtory.
25 upaı. «Hırosıma» baleti neshe kórinisten turady?
30 upaı. Rekvıem degen ne?
35 upaı. «Sakýra» qaı halyqtyń áni?
40 upaı. «Birjan - Sara»operasynyń avtory.

ΙV. «Kim jyldam?» oıyny.
Ár toptan bir baladan shyǵyp nota rebýsyn jyldam tabýy tıis. Kim kóp tapsa sol toptyń upaı sany kóp bolady.. Ár rebýs 5 upaımen baǵalanady.
Rebýs nota syzyǵynda jazylýy tıis.
Do+s
Sı+ren
Mı+nýt
Do+mbyra
Re+býs
Re+mont
Sı+qyr
Fa+ner
Do+ıby
Fa+Mı+lıa

V. «Qaı aspap?»
Sımfonıalyq orkestrge jatatyn aspaptardyń sýretiniń astyna qaı aspap ekenin taýyp, aspaptyń aty jazylǵan qıma qaǵazdardy japsyrý qajet.
1. Skrıpka
2, Vıolonchel
3. Kontrabas
4. Goboı
5. Klarnet
6. Fleıta
7. Lıtavralar

Aspapty tapqan top ár aspapqa 5 upaıdan jınaıdy.
Oıyn sońynda ádil qazylar jınaǵan upaıdy sanap, jeńimpaz topty anyqtaıdy.
Jeńimpaz top maqtaý qaǵazben marapattalady.