InfoHub Logo

Nursultan Ábishuly Nazarbaev - qazaqtyń búginin bútindep, erteńin oılap, egemendiktiń tuǵyryn nyqtap júrgen adam, Qazaqstan    Respýblıkasynyń tarıhyndaǵy tuńǵysh prezıdent.

Alla taǵala ár halyqqa sol halyqtyń qamyn oılaıtyn dara tulǵalar beredi. Bizdiń tuńǵysh prezıdentimiz joqtan bar jasaǵan El basy. Qınalsa da óziniń paıymy men parasatynyń salıqaly saıasatynyń,  kóregendiginiń arqasynda Qazaqstan Respýblıkasyn dúnıe júzine tanytty. Egemendi eldiń tizgini men shylbyryn qatar ustaǵan kúnnen bastap talaı qıyndyqtardy artqa tastap, qazaq degen halyqtyń uly kóshin bastap, ulttyń ulylyǵyn saqtap, daryny men danalyǵynyń arqasynda dúnıe júzi tanyǵan qazaq degen halyqtyń tuńǵysh prezıdenti. Nursultan Ábishuly Nazarbaev qandaı is bastasa da sanasynda salıqaly oı, júreginde batyl sheshim, tereńnen oılap, tebirenetin - El basy. 1990 jyldyń 24 sáýirinen bastap Qazaqstan Respýblıkasynda kóptegen ózgerister oryn aldy. Elbasy jańa reformalar engizip, halyq arasyndaǵy qıynshylyqtardy sheshý úshin áreket etti. Qazaqstandaǵy turyp qalǵan ónerkásipterdi, zaýyttar men túrli óndiris oryndaryn iske qosty. El astanasyn Almatydan Aqmolaǵa kóshirip, Astana qalasyn saldy. Qazaqstan Respýblıkasyna táýelsizdik tańynda keıinnen reformalar jasap, elimizdi álemdik arenada laıyqty tanytatyn joǵary bilikti kadrlar talap etildi. Sol sebepti 1993 jyldyń 5 qarashasynda Nursultan Ábishuly Nazarbaevtyń qaýlysymen "Bolashaq" baǵdarlamasy quryldy. Postkeńestik keńistiktegi memleketter tarıhynda alǵash ret talantty jastarǵa shetelde bilimalý múmkindigi berildi. «Bolashaq» stıpendıasy túlekterdiń tabysty mansaptyq ósýi men kásiptik ózin-ózi júzege asyrýynyń ózindik kepiline aınaldy. Sonymen qatar, Elbasy eldiń bolashaǵy - jastar dep, jastarǵa senim bildirip, olarǵa memlekettik jumystardy senip tapsyryp, únemi olarmen kezdesip, pikirlesip, aqyl-keńesin aıtyp otyrýǵa ýaqyt tabýynyń ózi - kemeńgerlik, kóregendik.

1991 jyly jańa táýelsiz memleket - Qazaqstan Respýblıkasynyń damýy, barlyq atrıbýttary - ulttyq qaýipsizdik, memlekettik basqarý jáne bıliktiń búkil tarmaqtarynyń ózara áreket etý júıesi bar ulttyq memlekettiliktiń qalyptasýy Nazarbaev esimimen tyǵyz baılanysty. Qazaqstanda demokratıalyq ınstıtýttardy qurý Elbasynyń asa zor eńbegi bolyp tabylady. Nazarbaev basshylyǵymen konstıtýsıalyq qurylys prosesi júzege asty, ol 1995 jyldyń tamyzynda elimizdiń Negizgi Zańyn qabyldaǵan búkilhalyqtyq referendýmmen aıaqtaldy. Nursultan Ábishuly Nazarbaevtyń tusynda sóz ben baspasóz bostandyǵy, saılaý jáne saılaný quqyǵy, partıalar men qoǵamdyq birlestikter qurý quqyǵy, din bostandyǵy sıaqty azamattyq qoǵamnyń myzǵymas qundylyqtary konstıtýsıalyq normalarǵa aınaldy. Elbasy Qazaqstan Respýblıkasy úshin sińirgen eńbegi zor. Sol sebepti de halyq ony qurmettep, maqtan tutady. Tipti Elbasynyń atymen Almatyda, Qazanda, Túrkıada dańǵyldar atalǵan. Sonymen qatar Qazaqstanda Nazarbaev atyndaǵy ýnıversıtet, zıatkerlik mektepteri jáne túrli saıabaqtar bar. Onyń qurmetine 2019 jyly eldiń astanasy Astananyń ataýyn Nur-Sultanǵa ózgertti.

Qazaqstannyń 18 mıllıon turǵyndary Nursultan Ábishuly Nazarbaevty maqtan etip, árqashan qoldaıtynyna 100% senimdimin. Qazirgi tańda, prezıdent ókilettigin atqarýdy toqtatqanymen, Qazaqstan Respýblıkasynyń prezıdenti retinde Qasymjomart Toqaev saılanǵanymen, Nursultan Ábishuly Nazarbaev árqashanda Elbasy bolyp qalady. Ol - dúnıe júzi moıyndaǵan, alysty aıqyndaıtyn, kemeli men kemeńgerligi kúshti saıasatker ári dana tulǵa.

---