InfoHub Logo

Taqyryby: «Elbasymen birgemiz!»
Maqsaty:
- Qazaq halqynyń tuńǵysh prezıdenti N. Á. Nazarbaevtyń ómiri, týyp – ósken, qyzmet etken jerleri týraly maǵlumat berý.
- Elbasynyń ómir jolynan úlgi ala otyryp, Otanyn, halqyn súıýge azamattyqqa tárbıeleý.
- Bala júreginde elbasyna degen súıispenshilik sezimin oıatý, qurmetteý.
Kórnekiligi: Slaıdtar, úntaspa.

Júrgizýshi: Ádilettiń aq jolyn tý etip, eliniń egemendigin, yntymaqty, tutastyq birlikti oılaǵan, urpaqtyń sanalyǵyna mán bergen, ar men namysty bıik ustaǵan álemdik deńgeıdegi iri qoǵam qaıratkeri, Táýelsiz Qazaqstan Respýblıkasynyń tuńǵysh Prezıdenti N. Á. Nazarbaevtyń qurmetine arnalǵan 1 – jeltoqsan - Prezıdent kúnine oraı ótkizilip otyrǵan « Elbasymen birgemiz!» atty tárbıe saǵaty ashyq dep jarıalanady.
Ánuran aıtylady.

Júrgizýshi: Kúnge bettep bara jatyr kósh júrip,
Eldiń dańqy bar jahanǵa estilip.
Elbasyny qurmetteıik erekshe,
Armysyzdar, aq peıildi kópshilik.
Eli úshin olja salyp qıyrdan,
Yqpaǵan esh aýyrtpalyq, qıynnan
Merekeńiz qutty bolsyn, kópshilik,
Elbasynyń qurmetine jıylǵan.

Eli qurmet tutqan El aǵamyz, El úshin eńbek etken Elbasymyz N. Á. Nazarbaevtyń ómir jolyna sholý jasaıyq: N. Á. Nazarbaev 6 shilde 1940 jyly Almaty oblysy Qaskeleń aýdanyndaǵy Shamalǵan aýylynda týǵan. Balalyq shaǵy úlkenderdiń mal baǵýyna, baý - baqsha ósirýine kómek kórsetýmen ótti. Mektepti jaqsy oqyp, jaqsy bilim aldy. ( 1 slaıd) Ata – anasyn qatty qurmet tutty. (2 slaıd)
Elbasynyń otbasy - Ákesi - Ábish, anasy - Áljan, inileri - Satybaldy, Bolat, qaryndasy - Ámına, týysy - Zeınep. ( 3 slaıd)
Eńbek jolyn Temirtaý qalasynda Qaraǵandydaǵy metalýrgıa kombınatynda metalýrg bolyp bastady. (4 slaıd)
Álem tanyǵan daryndy tulǵa isker – saıasatshy N. Á. Nazarbaev el ekonomıkasyn túzep bolashaqta kósh bastaýshy elderdiń qataryna qosý úshin aıanbaı eńbek etýde. 1991 jyly 1 jeltoqsanda halqy qoldap N. Á. Nazarbaev elimizdiń Prezıdenti bolyp saılandy.( 5 slaıd)
Júrgizýshi: Elbasymyzdyń búgingi týǵan kúnine sábılerde aq júrekpen tilekterin arnaıdy:

Temirlan: Elbasymyz joldaıdy,
Halqy ony qoldaıdy.
Eshqashanda orynsyz,
Sheshimderi bolmaıdy.

Raıymbek: Elbasy eldi qorǵaıdy,
Halyq qamyn oılaıdy.
Osyndaı jaqsy adamnyń,
Jaqsylyǵy taraıdy.