InfoHub Logo

Sabaqtyń taqyryby: Násireddın Seralıev «Ańsaý»
Sabaqtyń maqsaty: Oqýshylardyń Ańsaý áńgimesinen alǵan bilimderin tapsyrmalar arqyly bekitý;
Sabaqtyń mindetteri:
Bilimdilik: Ańsaý áńgimesi jaıly naqty túsinik berý;
Tárbıelik: Oqýshylardy syılastyqqa, adamı qasıetterdi qurmetteýge tárbıeleý;
Damytýshylyq: Alǵan bilimderin keńeıtip, tanymdyq biliktilikterin damytý;
Sabaqtyń túri: dástúrli sabaq
Sabaqtyń tıpi: bekitý sabaq
Sabaqtyń ádis - tásilderi: taldaý, STO ádisteri
Sabaqtyń kórnekiligi: Ata men bala sýreti, keste
Pánaralyq baılanys: ózin - ózi taný

Sabaqtyń barysy
I. Uıymdastyrý kezeńi
Sálemetsizder me balalar! Otyryńyzdar! Búgin kim kezekshi? Sabaqta kim joq? Úıge qandaı tapsyrma berildi?

II. Úı tapsyrmasyn suraý
Úı tapsyrmasyn suraý barysynda ata men balanyń sýreti kesilip beriledi, sol sýrettiń artyndaǵy suraqqa jaýap bere otyryp, taqtaǵa sýretin iledi.
1. Násireddın Seralıev kim?
2. Ańsaý áńgimesi ne týraly?
3. Syılastyq týraly maqal - mátelder aıt?
4. Ermektiń anasy ermekti ne sebepti bóten kisiniń qasyna jatqyzǵysy kelmedi?

III. Jańa sabaq
Balalar, búgin Ańsaý áńgimesinen alǵan túsinigimizdi jetildirmekpiz

İ. Jospar qurý
1. Qalymbet qarttyń qalaǵa kelýi
2. Ermektiń qarıany úıine ertip ákelýi
3. Qalymbet qarıanyń aýylyna qaıtýy

İİ. Kompozısıalyq taldaý
Oqıǵanyń bastalýy: Qalymbet qarttyń qalaǵa balasynyń toıyna jabdyq alýǵa kelip, keshki ýaqytta qalyp qoıǵannan keıin qonaq úıge barmaq bolady. Biraq, qonaq úı qyzmetkerleri tólqujatyńyz joq dep kirgizbeıdi. Sóıtip, amaly qalmaǵan qarıa bıik úılerdiń arasyndaǵy bir oryndyqqa jantaıa ketedi.

Oqıǵanyń baılanysy: Oınap júrgen Ermekke bir qarıa kel, munda tyǵyl dep aıtady sol ýaqytta bala qarttyń jadaǵaıynyń astyna tyǵylmaı, qarttyń moınyna asyla ketedi de atam keldi dep máz bolyp qalady. Keıin Ermek Qalymbet qartty úıine ertip aparady da anasyna: ata keldi, dep qýanyshty sezimin aıtady. Keıin bala qarıadan aýyl, aýyldaǵy attar, baýyrsaq týraly suraqtar qoıady.

Oqıǵanyń sharyqtaý shegi: Ermek uıyqtap jatqan ýaqytta qart sezdirtpeı uıqydan turyp, ketpek bolady. Sol ýaqytta Ermektiń anasy Qalymbet qartty dastarhan basyna shaı ishýge shaqyrady. Dastarhan basynda qarıa meni izdeseńder myna meken - jaıdan taba alasyńdar dep turǵylyqty jerin aıtady.
Oqıǵanyń sheshimi: Ermek atasyn saǵynǵany sonshalyq bóten qarıany óz atasyndaı kórip, ony óz úıine alyp keledi.

İİİ. Sózdikpen jumys
• Zeńkıgen – eńseli, bıik;
• Qapyryq – óte ystyq;
• Saıajol – aǵashtardyń kóleńkesi túsip turǵan jol;
• Jaıalyq jas náresteni oraıtyn jórgek mata;
• Alagúl – qońyzdyń bir túri;
• Azanda – tańerteń;
• Kremtlen – matanyń ataýy;
• Qıamet – qıyn;

IV. Jaǵdaıattan shyǵý
1. Sizdiń ata - atańyz qalaǵa keteıin dep jınalyp jatsa, siz ne isteısiz?
2. Ata - anańyz ata - ájelerińizben kezdesýge tyıym salsa ne isteısiz?

V. Sabaqty qorytyndylaý
Suraq - jaýap:
1. Ańsaý áńgimesi ne týraly?
2. Áńgimedegi basty keıipkerler kimder?
3. Áńgimedegi keıipkerlerden qandaı adamı qasıetter kórýge bolady?

VI. Úıge tapsyrma
Ańsaý áńgimesin mazmundaý. Ata qadiri taqyrybyna shyǵarma jazý
VII. Baǵalaý