InfoHub Logo

Óndiristik oqytý sheberi: G. Tankamanova

İİ kýrs
Mamandyǵy: «Elektro jabdyqtarǵa qyzmet kórsetýshi elektromonter»

Sabaq taqyryptary:
1. Symdar men kabelderdi ushtaýǵa jáne qosýǵa arnalǵan quraldar men aspaptar
2. Symdar men kabelderdi syǵymdap qosý
3. Elektr oqshaýlaǵysh materıaldar men buıymdar

Sabaqtyń taqyryby: Symdar men kabelderdi ushtaýǵa jáne qosýǵa arnalǵan quraldar men aspaptar
Sabaqtyń maqsaty:
Bilimdilik: Teorıalyq sabaqpen óndiris sabaǵyn ushtastyrý, symdar men kabelderdi ushtaýǵa jáne qosýǵa jumystaryna arnalǵan qural – saımandarmen tanystyryp, jumys jasaýdy úıretý;
Damytýshylyq: Symdar men kabelderdi ushtaýǵa jáne qosýǵa jumystaryna arnalǵan qural – saımandarmen tanystyra otyryp, oqýshylardyń durys daǵdy qalyptastyrýyn kózdeý, teorıalyq bilimin praktıkada qoldaný qabiletterin damytý;
Tárbıelilik: Tańdaǵan mamandyqtary men tehnıkaǵa súıispenshilikpen, jaýapkershilikpen, eńbekke qurmetpen qaraýǵa tárbıeleý;
Oqý óndiristik jumystarǵa qajetti qural - jabdyqtar: pres - qarmaýyshtar, kabel qıýǵa jáne qosýǵa arnalǵan qaıshy túrleri;

Sabaq barysy:
İ. Uıymdastyrý bólimi
- Oqýshylardyń sabaqqa qatysýy men quraldaryn tekserý;
- Laboratorıalyq sabaqqa saı kıimderin tekserý;
- Topqa bólip sabaqqa zeıin aýdarý;

İİ. Kirispe nusqaý
- Sabaqtyń taqyryby jáne maqsatyn tanystyrý;
- Teorıadan ótken sabaqty oqýshylardyń esine salý, suraqtar koıý;
1. Mehanıkalandyrý quraly retinde tesý jumystaryn júrgizýge arnalǵan quraldarǵa ata?
J: Tesý jumystaryn oryndaý barysynda mehanıkalyq qural retinde elektrlik burǵylaý mashınalary jáne qatty quımalardan jasalǵan, plasınalarmen jabdyqtalǵan elektrlik balǵalar, burǵylar, shlámbýrlar(teskish qural), qaptamalar, perforatorlar, pnevmatıkalyq jáne oq dári quraldary qoldanylady.
2. Elektrlik burǵylaý mashınasynyń qurylysy men qyzmetin atańyz.
J: Elektr burǵylaý mashınasy jyljymaly elektrlendirilgen, ishine elektr qozǵaltqysh ornatylǵan qańqadan, tisti berilisten (redýktor), shpındelden jáne jumysty basqarý men retteý qondyrǵysynan turatyn qural bolyp tabylady.
3. Pırotehnıkalyq quraldarmen mehanızmder qandaı prınsıp negizinde jumys isteıdi jáne olarǵa ne jatady?
J: Pırotehnıkalyq quraldar men mehanızmder oq - dári zarádti jarylys kezindegi energıanyń prınsıpi negizinde jumys isteıdi. Olarǵa qurylys - montajdy pıstoletter, kolonkalar, prester jatady.
4. Qurylys – montajdy pıstoletpen jumys istegende qandaı dúbel shegeler qoldanylady?
J: Pıstoletpen jumys kezinde mynadaı dúbel shegeler: uzyndyǵy - 27 - 100mm, trektiń dıametri - 3, 7 - 4, 5mm jáne 6, 8mm, keıde uzyndyǵy t35 - 70mm, buranda ushtamalarynyń dıametri M4, M6, M8 jáne M10 bolyp kelgen dúbel burandalar qoldanylady.

Jańa sabaq.
Rezeńke jáne plasmassalarmen oqshaýlanǵan ár túrli markaly jáne symdardyń qımalary (sechenıe provodov ) men kabelderdiń talsymdary ushyndaǵy oqshaýlaǵyshty alyp tastaý úshin qoldanylady. MB - 1M quraly – MB - 1 quralynyń jańartylǵan túri jáne qımalary 0, 75 - 6mm² symdarǵa arnalǵan qural bolyp tabylady. Quraldyń salmaǵy - 0, 25kg. Oqshaýlamanyń alatyn bóliginiń uzyndyǵy –
5 - 30mm.
Qımalary 35mm² talsymdarynyń ushtamalary men gılzalaryn syǵymdaýyn PK - 3; PK - 4 ıintirekti mehanızmdi pres - qarmaýyshpen oryndaıdy.
PK - 3 pres - qarmaýysh qımasy 7, 5 alúmını talsymdarynyń jáne GAO - 4, GAO - 5, GAO - 6 gılzalarynyń qımasynda 13 jáne 20mm², sonymen qatar T jáne GM gılzasynyń ushtamalaryndaǵy mysty talsymdardy jáne kóp tarmaqty kabeldik symdardy syǵymdaýǵa arnalǵan. Bul pres - qarmaýyshtar matrısa men pýanson jıyntyǵyn aýystyrýdy qajet etpeıdi. Qarmaýysh salmaǵy - 1kg.

PK - 4 pres - qarmaýyshtar qımasy 16 - 35 mm² kabelder men symdardy jalǵastyrǵysh gılzalar men alúmını ushtamalardy (nakonechnıkter) jáne GAO - 5; GAO - 6, GAO - 8 gılzalaryn syǵymdaýǵa, jalǵaýǵa arnalǵan.
Pres - qarmaýysh Kabel qıýǵa arnalǵan qaıshy

Qaıshylar eki sektorly pyshaqtan: qozǵalmaly jáne qozǵalmaıtyn tisteri bar, eki sapty jáne tisteýikterden turady.
Gıdravlıkalyq PGE - 20 elektr jetekti qol pires qımalary 16 - 240mm² kabelder men oqshaýlanǵan alúmını symdarynyń tarmaqtaryn ushtaý jáne qosylystardy qysý, birneshe ret syǵymdaý, qımasy 25 - 240 mm² bolatyn bir tarmaqty jáne sektorly alúmını jelilerin buraýǵa arnalǵan. Ol negizgi úsh bólikten:
- basy jumys sılındrli bolyp tabylatyn jumysporsheninen;
- apattyq aýystyryp - qosqysh pen rele bekitilgen;
- jetek pen pirestiń basyn baılanystyratyn ótkizgishten turady.
Pres syǵymdaý prosesi sońynda jetekti birden, tezsóndirýge arnalǵan avtomatty bloktaýshy qurylǵymen jabdyqtalǵan.

İİİ. Jabdyqtardy qoldana otyryp jattyǵý.

İV. Oqýshylardyń óndiristik jumystary jáne aǵymdaǵy nusqaý berý.
- Jumys kezinde qaýipsizdik erejelerin saqtaýdy eskertý;
- Jumystyń ýaqytyly bastalýyn qadaǵalaý;
- Zvenolardyń jumys oryndaryna durys ornalasýyn tekserý, olarǵa
qural – saımandaryn berý;
- Berilgen tapsyrmanyń óz dárejesinde oryndalýyn qadaǵalaý;

V. Qorytyndy nusqaý. 14. 20 – 14. 30
- Oryndalǵan jumystardy qabyldap alý jáne baǵalaý;
- Jiberilgen kemshilikterine nusqaý berý;
- Jumys ornyn jınaý;
- Úıge tapsyrma B. Dýrmanov «Elektromonter»
§3, 2 Symdar men kabelderdi ushtaýǵa jáne qosýǵa arnalǵan quraldar men aspaptar