InfoHub Logo

Oryndaǵan: Tańqybaeva Botakóz Rahmanqyzy

Toby: S - 15 - 9
Taqyryby: Meniń Otanym - Qazaqstan
Maqsaty:
1) Otandy súıýge, elimizdiń rámizderin qasterleýge, týǵan eline, jerine degen súıispenshilikterin arttyrý.
2) Oqýshylardy dostyqqa, adamgershilikke, sanalylyqqa tárbıeleý.
Kórnekilik: Mýltımedıada daıyndalǵan slaıdtar: qazaq eliniń rámizderi, Qazaqstan kartasy, suraqtar.
Sabaqtyń túri: bandama, suraq - jaýap, juppen, toppen jumys.

Sabaqtyń barysy:
1. Qazaqstan Respýblıkasynyń memlekettik gımni oryndalady
2. Baıandama «Meniń Otanym - Qazaqstan» Ekranda slaıdpen kórsetiledi.
Otan deımiz ot jaqqan jerimizdi,
Otan deımiz ósirgen elimizdi.
Otan deımiz týǵan jer, atameken -
Bıik taý, orman, toǵaı, kólimizdi.
Otannyń sheti de joq, shegi de joq
Ol biraq, óz úıińnen bastalady..
Óz Otanyńyn, óz elińniń patrıoty bolǵanǵa ne jetsin! Saıyn dala — atajurt babalarymyzdyń kózdiń qarashyǵyndaı saqtap, naızanyń ushy, bilektiń kúshimen qorǵaǵanynyń arqasynda bizge jetip otyr. Endeshe osyndaı alyp Otandy súıip ótý kimge de bolsyn paryz ári qasıetti mindet. Otandy súıý onyń árbir tasyn súıýden bastalady. Iaǵnı, týǵan anańa, týǵan jurtyńa degen mahabbat Otanǵa degen mahabbatqa ulaspaq.

Qazaqstan jerin ejelden qonystanyp kele jatqan el — qazaq halqy. Kóptegen ǵasyrlar boıy el basqarǵan dana basshylarymyz, qolbasshy batyrlarymyz keń - baıtaq jerimizdi syrttan tóngen káýipten qorǵap keldi. Qazaq halqy — erjúrek, dostyqqa adal, baýyrmal, qonaqjaı halyq.
1991 jyly 16 jeltoqsanda qazaq halqy azattyq jolyndaǵy eki jarym ǵasyr boıǵy úzdiksiz kúresten keıin memlekettik táýelsizdikke qol jetkizdi.
1991 jyly 1 jeltoqsanda búkilhalyqtyq eldiń tuńǵysh Prezıdentin saılaý ótkizildi, saılaý nátıjesinde memleket basshysy bolyp Nursultan Ábishuly Nazarbaev saılandy.
1992 jyl 4 maýsym — Parlament otyrysynda Qazaqstan Respýblıkasynyń memlekettik rámizderi — Týy, eltańbasy jáne Gımni qabyldandy.
1992 jyl naýryz — Qazaqstan Birikken Ulttar Uıymyna múshe bolyp qabyldandy.
1993 jyl 28 qańtar — Egemen Qazaqstannyń tuńǵysh Konstıtýsıasy qabyldandy.
1994 jyl 6 shilde — Qazaqstan Respýblıkasy Joǵarǵy Keńesiniń kezekti jalpy otyrysynda Prezıdenttiń astanany Aqmolaǵa kóshirý týraly usynysy maquldandy.
1995 jyl 29 sáýir — Respýblıkalyq referýndýmda Qazaqstan Respýblıkasynyń Prezıdenti Nursultan Nazarbaevtyń ókilettik merzimi 2000 jylǵy 1 jeltoqsanǵa deıin uzartyldy.
1995 jyl 30 tamyz — Qazaqstannyń jańa Konstıtýsıasy qabyldandy.
1997 jyl 10 qazan — Prezıdenttiń jarlyǵymen memlekettiń astanasy bolyp Aqmola jarıalandy.
1997 jyl 11 qazan — Prezıdent N. Á. Nazarbaev respýblıka halqyna «Qazaqstan — 2030» Joldaýyn qabyldady.
1999 jyl 10 qańtar — N. Á. Nazarbaev Qazaqstan Prezıdenti bolyp qaıtadan saılandy.
2005 jyl 4 jeltoqsan — Qazaqstan Respýblıkasynyń prezıdenti saılaýynda N. Á. Nazarbaev Prezıdent bolyp saılandy.
2007 jyl 4 maýsym — Qazaqstan Respýblıkasynyń memlekettik nyshandary týraly Qazaqstan Respýblıkasynyń Konstıtýsıalyq zańy qabyldandy.
Elde beıbitshilik pen kelisimge, turaqtylyq pen damýǵa qol jetkizildi. Qazaqstan Respýblıkasynyń 2030 jylǵa deıingi uzaq merzimdi damý strategıasy belgilenip júzege asyryldy.