InfoHub Logo

Sabaqtyń taqyryby: «Elektromagnıttik tolqyndar» taraýyn qaıtalaý
Sabaqtyń maqsaty:
Bilimdilik: Elektromagnıttik tolqyndardyń qasıeti, taralýy, qoldanylýy jáne taraý boıynsha negizgi zańdylyqtardy oqyp úırený.
Damytýshylyq: Oqýshylardyń óz betimen jumys isteý biliktilikterin damytý, este saqtaý, logıkalyq oılaý qabiletin damytý, shyǵarmashylyqpen jumys isteýge daǵdylandyrý.
Tárbıelik: Oqýshylardy adamgershilikke, tez oılaýǵa úıretý.
Eńbek súıgishtikke tárbıeleý.
III. Sabaqtyń tıpi: İskerlik - oıyn, qaıtalaý sabaǵy.
IV. Sabaqtyń túri: Jańa tehnologıalyq júıemen jasalǵan shyǵarmashylyq sabaq
V. Oqytý ádisi: túsindirmeli, kórnekilik ádis
VI. Oqý jumysyn uıymdastyrý formalary: oqýshylarmen toptyq jáne jeke jumys júrgizý
VII. Pán aralyq baılanys: matematıka
VIII. Sabaqtyń kórnekiligi: grafıkter, test tapsyrmalary, slaıdtar, mýltımedıalyq oqýlyq, kınofılmder, ınteraktıvti taqta.

Sabaqtyń jospary:
1. Uıymdastyrý bólimi
2. Blıs - týrnır. «Teńge alý» oıyny (suraq - jaýap).
3.«Arqan tartý» oıyny (TI kestesi)
4. Shyǵarmashylyq jumys. «Radıotolqyndar»
5. Test jumysyn oryndaý «Suraqtar syry»
6. Qorytyndylaý
7. Oqýshylar bilimin baǵalaý
8. Úıge tapsyrma

Sabaqtyń barysy.
Oqytýshynyń kirispe sózi.
1862 jyly Maksvell elektromagnıttik tolqyndardyń bar bolýy jóninde boljam ashty. Onyń esepteýinshe olardyń taralý jyldamdyǵy jaryqtyń aýadaǵy taralý jyldamdyǵyna teń. G. Gers tájirıbelerinen keıin elektromagnıttik tolqyndardyń jańa jıiliktegi túrleri ashyla bastady. Elektromagnıttik tolqyndardyń ártúrli dıapazondary ártúrli ataýǵa ıe boldy, biraq barlyq sáýlelerdiń tabıǵaty bir jáne tolqyn uzyndyǵymen erekshelenedi. Elektromagnıttik tolqyndar qatary:

1. Tómengi jıiliktegi tolqyndar.
2. Radıotolqyndar
3. Últra - qysqa tolqyndar
4. Infraqyzyl - sáýleler
5. Kórinetin sáýle shyǵarý
6. Últrakúlgin sáýleler
7. Rentgen sáýleleri
8. Gamma sáýleleri

Elektromagnıttik óris
Biz elektromagnıttik ındýksıa qubylysyn oqyǵanda magnıt órisiniń ózgerý elektr órisiniń paıda bolýyna ákelip soqtyratynyn baıqaǵan edik. 1865 jyly Maksvell osyǵan keri qubylystyń, ıaǵnı elektr órisiniń ózgerýi magnıt órisiniń paıda bolýyna ákep soǵýy múmkin degen joramal aıtqan bolatyndy. Keıinnen bul joramal dáleldendi. Sonymen, elektromagnıttik ındýksıa qubylysy mynadaı eki qubylystan turady eken.