Tóraǵasy jaıǵasty tórge baryp,
Bos oryn joq.
Zal ishi kómbe-halyq.
Áýezovti bir sheshen maqtap jatyr,
Arakúdik tamaǵyn kenep alyp...
Bir buryshqa otyrdym men de baryp.
Jurt maqtaýda.
Maqtaýsyz sóz bolmady.
Neler sheshen taıpaltty-aý sóz jorǵany.
Aq shyraǵdan astynda - tóraǵasy,
Tóraǵasy - Áýezov, qozǵalmady...
Eńbegimen, esimen baqty janǵan -
Aınalasy Muhańnyń aq shyraǵdan.
...Tóraǵanyń aýzyna qaraıdy jurt,
Qalt jibermeı aıtqanyn qaqshyp almaq.
Quttyqtaýlar, maqtaýlar tyndy-daǵy,
Zaldyń ishi bir sátke tunjyrady...
Tóraǵasy satylap sóılep ketti,
Sál yrǵalyp ornynan turdy-daǵy.
Esimde joq. Muhańnyń ne degeni,
(Jańylyp, jalǵan aıtyp ne keregi.)
...Aldymda «Abaıdaǵy» Abaı turdy
Áýezov jasap bergen kemedegi...
Ári qaraı óketti eles meni,
Shyraq sóndi...
Belgisiz nege óshkeni?!
(Muhań maǵan alystan elestedi...)
Suraǵym...
Suraǵym bar emes pe edi?
Shyraq qaıda?!
Jańaǵy jaryq qaıda!?
Kımelep umtylady halyń qaıda?!
Shynymen Áýezovke mańytpaı ma?!
Myna aǵyn bara jatyr alyp qaıda?!..
(Qalqıyp, qaraýyldap turamyn ba?)
Men-daǵy qarsy júzdim bul aǵynǵa.
Tolqynnan keýdemdi alyp,
Aıǵaı saldym:
- O, Muha!
Suraǵym bar! Suraǵym bar!..
Alystan aıǵaılap men qoımaǵasyn,
Aıaldap, andap, sholyp aınalasyn.
Aǵynmen arpalysqan meni kórip:
- Aıt,- dedi - suraǵyńdy,
Qaı balasyń?..
Suraq ta, jaýap ta men qaıtarmadym,
Tymqursa atymdy da aıta almadym...

---