Jasyń bar, jigit-jeleń, shaldaryń bar.
Erteń biz jol júremiz, qamdanyńdar.
Jol uzaq, bıik asý, sapar alys,
Jaz óter, kúz de keter, taqalar qys.
Qamdanyńdar. Bolashaq degen elge,
Qandaı biz syı-sıapat aparamyz.
Qorqaýdy, ósekshildi qatarǵa alma,
Keselin tıgizedi saparǵa alda.
He betimizdi aıtamyz Bolashaqqa?
Jat qylyqty qaldyrmaı aparǵanda
Jamandyq ataýlyny qaldyryńdar,
Sýǵa batyr, otqa órte, jandyryńdar.
Bolashaq dep atalǵan ólmes-óshpes,
Jaqsylyqtan jaralǵan taǵdyryń bar.
Qyz-qyrqyn, jigit-jeleń, shaldaryń bar
Erteń biz jol júremiz, qamdanyńdar!
...Tiri jetseń, Bolashaq ózi aıtady,
Qaısyńnyń qansha puttyq salmaǵyń bar.

---