InfoHub Logo

Abylaı (Ábilmansur) jas kezinde Tóle bıdiń túıelerin baǵyp júredi. Birde ol qazaq batyrlarynyń qarý-jaraqtaryn asynyp, attanyp bara jatqandaryn kóredi daǵy, qustaı ushyp Tóle bıge keledi.

— Aǵataı, batyrlardyń qataryna meni de qosyńyzshy? — deıdi.

— Batyrlar sensiz-aq jol tabar, túıelerińdi baǵa berseńshi, jazǵan! — deıdi Tókeń. Namystanyp ketken bala batyr:

— «Er jigit úıde týyp, túzde óler» degen emes pe, ata, myqtasa, bir oqtyq shyǵarmyn, synap nege kórmeısiz? — deıdi qaısarlanyp.

Tóle bı attanýyna rızalyǵyn bildiredi. Masattanǵan Abylaı áp-sátte ertteýli turǵan atqa qarǵyp minip, ba tyrlardyń artynan jónep beredi. Jónep bara jatyp artyna burylsa, Tóle bıdiń janynda turǵan Eskeldi basyndaǵy bórkin alyp, belindegi belbeýin kórsetedi. Tilin ustaıdy. Abylaı «uqtym» degen ısharat jasap, shaba jóneledi.

Sodan ne kerek, Abylaıdy ertken batyrlar jaýdy jeńip qaıtady. Surastyrsa, sol jolǵy asqan erlikti kórsetken Abylaı bolyp shyǵady. ol joryqqa attanardaǵy Eskeldiniń ısharatyn túsinip, qaltqysyz oryndaǵan eken.

Esekeńniń bórkin sheshkeni — basyńa qıly-qıly qıyndyq týar, soǵan shydap baq. Jaýdyń shebin alarda belińde gi belbeýińdi jalaý etip, urandap shap. Qaı jerde de tilińe abaı bol degen emeýrinderi eken.

Abylaı aq kıizge otyrǵyzylyp, han kóterilgennen keıin de Eskeldiniń aqyl-keńesterin kóp tyńdaǵan deıdi halyq zerdesi.

Oqýǵa keńes beremiz:

Tóle bı

Abylaı han

Tóle bıdiń sheshendigi

---