InfoHub Logo

Ál-Farabı atyndaǵy Qazaq ulttyq ýnıversıtetinde "Azattyq" radıosy, "Suńqar" kásipodaǵy jáne Myprofession.kz saıtynyń demeýshiligimen   "Eń daryndy bolashaq jýrnalıs baıqaýy" ótýde.

Olımpıadaǵa respýblıkamyzdyń túkpir-túkpirinen 9 joǵarǵy oqý ornynyń — Ál-Farabı atyndaǵy QazUÝ, L.N.Gýmılev atyndaǵy EUÝ, Semeı qalasynyń Shákárim atyndaǵy memlekettik ýnıversıteti, E.A.Bóketov atyndaǵy Qaraǵandy Memlekettik ýnıversıteti, S.Toraıǵyrov atyndaǵy Pavlodar Memlekettik ýnıversıteti, Qorqyt ata atyndaǵy Qyzylorda Memlekettik ýnıversıteti, Abylaı han atyndaǵy Qazaq Halyqaralyq qatynastar jáne álem tilderi ýnıversıteti, Iassaýı atyndaǵy Halyqaralyq qazaq-túrik ýnıversıteti jáne «Turan» ýnıversıtetteriniń komandalary qatysýda. Ár top 3 stýdentten quralǵan.

Baıqaý 2 týrdan turady. Alǵashqy týrda bolashaq jýrnalıser «Jýrnalısıka» mamandyǵynyń oqý josparyna sáıkes mindetti bolyp sanalatyn "Qazaq jýrnalısıkasynyń tarıhy", «Jýrnalısıkaǵa kirispe», «Shetel jýrnalısıkasy» jáne «Telejýrnalıstıka» pánderinen jalpy sany 100 test suraǵyna jaýap berdi. Berilgen ýaqyt — 2 saǵat. Esterińizge sala keteıik, 1-týr 24 naýryzda ótken bolatyn.

2-týr "Eń úzdik foto", "Eń úzdik beınesújet" jáne "Eń úzdik onlaın jazba" nomınasıalary boıynsha ótkizilýde.

Ádilqazylar qatarynan Ál-Farabı atyndaǵy QazUÝ-dyń jýrnalısıka  fakúltetiniń dekany Medeýbek Saǵatbek, «Qazaq gazetteri» JSHS bas dırektory Kenjalın Jumabek, Promo TV mamany Slámbek Maqsat, telejýrnalıst Erlan Akchalov, «Fotoóner» qoǵamdyq birlestiginiń tóraǵasy Asylhan Ádiraıymuly sıaqty óz salasynyń úzdik mamandary tabyldy.

«Baptap kelgen tulparlardyń ishinen eń kúshtisi, eń myqtysy anyqtalatyn bolady. Munda balalardyń izdenisteri, tapqyrlyqtary, sheberligi – barlyǵy qaralýy tıis. Osyǵan qaraǵanda eshkim júldesiz qalmaıtyn sıaqty», - deıdi S. Medeýbekuly.

Baıqaý qorytyndysy búgin, 14.00-de shyǵady.

 

---