InfoHub Logo

İ kishi top
Eńbek - bárin de jeńbek
Maqsaty:
Balalardy eńbektiń adam ómirindegi máni týraly túsinik berý.
Eńbek etýge degen qyzyǵýshylyqtaryn, oı - qıalyn, tilderin damytý.
Eńbeksúıgishtikke tárbıeleý.
Kórnekti quraldar: sújetti sýretter, nan, dırmen, bıdaı, un, toqashtar.

Shattyq sheberi.
Balalar tárbıeshimen birge sheńber quryp turady, sálemdesedi.
Amandasý.
Biz ádepti balamyz,
Biz erekshe bolamyz,
Qonaqtardy kórgende,
Sálemetsizder me! – dep sálemdesip alamyz.
Balalar jyldyń qaı mezgili?
Qys.
Qys mezgiliniń neshe aıy bar?
Úsh aıy bar; jeltoqsan, qańtar, aqpan.
Aýa - raıy qandaı bolyp tur?
Balalarǵa jańa sabaqty túsindirý.
Biz búgin jańa sabaqta eńbek jaıly biletin bolamyz.
Taqtadan eńbek týraly sýretterdi kórsetip túsindirý, suraqqa jaýaptar alý.
Eńbek túrleri kóp: jazǵy eńbek, kúzgi eńbek, qysqy eńbek jáne kóktemgi eńbek bolyp bólinedi.
Ár mezgildiń ózine tán erekshelikteri bar eken.

Áńgimelesý
Eńbek degenimiz – adamnyń ómir súrýi úshin qajetti is – áreketter.
- Eńbek túrlerin bilesińder me?
- Eńbek etý adamǵa qajet dep oılaısyńdar ma?.
(halyq maqaly)
Baqdaýlet. Qyrǵa shyqsań órlep,
Munyń aty - Eńbek.
Aızere. Keste tikseń zerlep,
Munyń aty - Eńbek.
Baqjan. Sabaǵyńa jóndep,
Ázirlenseń - Eńbek.
Nurasil. Gúl otyrǵyzsań terlep,
Munyń aty - Eńbek.
Jaqsat. Qıyndyqtyń bárin,
Eńbek qana jeńbek.
«Álı men Aıan, talqan nan» týraly ertegi.(kompúterden kórsetý)

Sahnalaý.
Balalar kórgen ertegini sahnalaıdy.(áje, bala, qyz)

Dáıek sózder:
Ámına. Baqyt kilti - Eńbekte.

Maqal - mátelder:
Suńqar. Eńbektiń nany tátti,
Jalqaýdyń jany tátti.
Mıras. Eńbek etseń erinbeı,
Toıady qarnyń tilenbeı.
Káýsar. Eńbek er atandyrady.
- Balalar endeshe ornymyzdan turyp boıymyzdy sergitip alaıyq.

Sergitý sáti:
«Kóńildi kún» áýenine bı qımyldar keltirý. (Qımylmen kórsetý)
- Oıyn: «Ormandaǵy aıý»
Sharty: Balalar ormanǵa baryp qulpynaı teredi, uıyqtap jatqan aıýdy oıatyp alady, aıý balalardy qýalaıdy. Balalar ózderin baqytty sezinip qýanady.

Qorytyndylaý:
Balalar biz ne jaıly bildik?
Eńbek túrlerin atap berińder?
Nan qandaı eńbekpen keldi?
Eńbektengen adam muratyna jetedi.

Almaty oblysy, Raıymbek aýdany,
Kegen aýyly, «Balbóbek»bóbekjaı balalar baqshasy
tárbıeshisi: Rahıma Baıbosynova