InfoHub Logo

Almaty oblysy, İle aýdany,
Boraldaı kenti, №39 gımnazıa
Qazaq tili men ádebıeti páni muǵalimi:
Nýrımova Mıra Satbaıqyzy

Sabaqtyń taqyryby: «Er Tóstik» ertegisindegi halyq armany
Sabaqtyń maqsaty:
Bilimdilik: Oqýshylarǵa ertegi mazmunyn taldata otyryp, ǵajaıyp qubylystar syryn ashý, oqýshy sezimimen ushtastyrý.
Damytýshylyq: Ertegi jaıly túsinigin keńeıtip, pikir almastyra bilýge úırený, ómirmen baılanystyra kele ózindik oı qorytyndysyn jasaı bilýdi damytý.
Tárbıelik: Oqýshylardy týǵan jer, el aldyndaǵy paryzyn tereń túsine bilýge, adamgershilik qasıetterdi boıyna sińire bilýge tárbıeleý.

Sabaq tıpi: Bekitý sabaǵy
Ádis tásili: Suraq - jaýap, salystyrý, toptastyrý strategıasy, oıǵa shyǵý strategıasy.
Kórnekilikter: Keste, slaıd kesteler, kitap kórmesi
Pánaralyq baılanys: Qazaq tili, beıneleý.

Sabaqtyń barysy:
I. Uıymdastyrý kezeńi
a. Sálemdesý, túgendeý.
á. Oqýshylardyń nazaryn sabaqqa aýdarý.
b. Sabaqqa qajetti oqý quraldaryn daıyndatý.

IV. Sabaqqa daıyndyq kezeńi
«Shattyq sheńberi» (Oqýshylar bir - birine tilek aıtady)

VII. Oqýshylardyń bilimderin tekserý jáne sabaqty bekitý
Erteginiń mazmunyn ashqyza otyryp, qurylysyna qaraı taldatý, tárbıelik jaǵyn ashý.
Ertegiler elinde
1. Ertegi degenimiz ne?
2. Erteginiń qandaı túrleri bar?
3. Aýyz ádebıeti degenimiz ne?
4. Aýyz ádebıetiniń túrleri qandaı?
5. Er Tóstik ertegisi qaı erteginiń túrine jatady?
6. Erteginiń qandaı keremet ǵajaıyptaryn ańǵardyń?

Ertegi boıynsha shatasqan oqıǵalar tizbegi
1. Tóstiktiń aǵalaryn izdep shyǵýy
2. Ernazardyń Sorqudyqtyń basyna qonýy
3. Tóstiktiń dúnıege kelýi
4. Tóstiktiń jer astyna túsýi
5. Toǵyz uldy úılendirý
6. Shoıynqulaq pen Er Tóstik
7. Elge oralý
8. Er Tóstik jáne onyń adal dostary

Kompozısıalyq qurylymyna taldaý
1. Erteginiń bastalýy. Er Tóstiktiń dúnıege kelýi
2. Erteginiń damýy. Tóstiktiń aǵalaryn izdep shyǵýy
3. Erteginiń baılanysy. Toǵyz uldy úılendirý
4. Erteginiń shıelenisi. Ernazardyń sorqudyqtyń basyna qonýy
5. Sharyqtaý shegi. Tóstiktiń jer astyna túsýi
6. Erteginiń sheshimi. Elge oralý

«Mynaý kim?» oıyny
1) Segiz aǵańnyń bary ras edi, jut jyly ketip edi, sodan qaıtqan joq. Qaıda júrgenderin bilmeımiz,- deıdi. Kimniń sózi? (Anasy)
2) Ákem maǵan jylqydan tańdatsyn, Shalquıryq atty bersin, jasaýdan aq syrmaly saýytty bersin, túıeden quba ingendi bersin deıdi. Kimniń sózi? (Kenjekeı)
3) Tór aldyna bara bergenińde eki sur jylan ysyldap keledi de ekeýi jeńinen kiredi, qoıynyńnan shyǵady, qoıynyńnan kiredi de qonyshyńnan shyǵady. Olar kimder? (Babyhannyń uly men qyzy)
4) Jurttan asqan alyppyn, jer ústinde de, astynda da maǵan shaq keletin adam joq. Ol kim? (Taýsoǵar)
5) Shyraǵym, sharshadyń ǵoı, demińdi alyp, uıyqta, jarysarda ózim oıatamyn,- dep uıyqtatyp tastaıdy. Ol kim? (Mystan)
6) Eı adamzat, bul jerge ne jumyspen keldiń? Meniń balapandarymdy aýlaı keldiń be? Bul jerdi adam basqan emes, bul meniń mekenim. Bul kim? (Qaraqus)

Mátinmen jumys
Erteginiń aty: «Er Tóstik»

Birikken sózder: Shalquıryq, Kóltaýsar, Taýsoǵar, Jelaıaq, Shoıynqulaq.
Kónergen sózder: Saýyt, han, baqyr, lashyq, qylbyraý, kezdik

Konseptýaldyq keste
Keıipkerler
Er Tóstik →Er minezdi, batyl →Zulymdyqty jeńdi
Kenjekeı→Meıirimdi, aqyldy →Qıyndyqqa qarsy tura alady, aqylymen sheshedi
Mystan kempir→Qý, ótirikshi → Óz basynyń qamyn oılaıdy

Oqýlyqpen jumys
Oqýlyqtaǵy Ernazar men Mystannyń dıalogy (sózdikpen jumys)

«Oı tastaý»
Ertegi senderge unady ma? Qalaı oılaısyńdar osy ertegi boıynsha múltfılm túsirýge bola ma?
Ertegidegi halyq armany
Meniń armanym

Oqýshylardyń bilimin baǵalaý
VIII. Úı tapsyrmasy.
Osy ertegige uqsas oıdan ertegi jazyp kelý.