InfoHub Logo

Ana tili..
Taqyryby: «Erkinniń eńbegi» Mádihat Tórejanov
Maqsaty: 1) ótken sabaqty bekite otyryp, jańa taqyrypty ashý, mátindi meńgerte otyryp, balalardyń jazdaǵy eńbek týraly bilimderin keńeıtý;
2) oqýshylardyń mánerlep oqý, óz oıyn anyq jetkize bilý qabiletterin, sózdik qoryn, shyǵarmashylyq daǵdylaryn, oıyndar arqyly tanymdyq qyzyǵýshylyǵyn, oı - óristerin jetildirý;
3) oqýshylardy eńbeksúıgishtikke, izdenpazdyqqa, adamgershilikke tárbıeleý.
Ádisi: túsindirý, oıyn, kórkem sóz, kórnekilik, áńgimelesý.
Túri: dástúrli emes sabaq.
Tıpi: oıyn sabaq
Kórnekiligi: aqyl taqtasy, palakat.
Kezeńderi
Ótý barysy

İ. Uıymdastyrý kezeńi
Sálemetsizder me, balalar!
Otyryńyzdar.
Kóńil - kúılerin qalaı?
Búgin ana tili sabaǵynda sizdermen Jazıra apaılaryń bolady.
Psıhologıalyq daıyndyq
Barlyqtaryn meniń artymnan qaıtalańdar.
Jabyrqaýdy bilmeımiz,
Jalqaýlyqty súımeımiz.
Biz talapty jas ulan,
Úlgi alamyz jaqsydan.
Jaqsy, qazir qanaı jyl? (qoıan). Búgin bizge qoıan qonaqqa keldi. Ol senderge sharlar alyp keldi. Bul sharlardyń artynda tapsyrmalar jasyrylǵan. Osy tapsyrmalardy jaqsy oryndaǵan balalarǵa qoıan sharlardy syılaıdy.

İİ. Úı tapsyrmasyn tekserý.
1 - shar: «Úı tapsyrmasyn tekserý».
Úıge ne berildi? Káne kim bul óleńdi jattap keldi? Osy óleńde ne týraly aıtylǵan? Kóktem kezinde qandaı ózgerister bolady? Senderge kóktem mezgili unaı ma? Bul óleńder nemen uqsas keledi? Al aıyrmashylyqtary nede? Ótken sabaqta sender myna óleńge qımyl - qozǵalystar jasadyńdar. Káne sol qozǵalystardy eske túsireıik.

Sergitý sáti
Kúrkiredi kún, kún...
Terezeler shyń, shyń.
Jaýdy jańbyr top, top,
Shelek, shelek kóp - kóp!
Jon arqandy tos - tos,
Kúnbaǵys bop ós - ós!

İİİ. Jańa sabaqqa daıyndyq.
Al endi taqtaǵa qarap, myna maqal - mátelderdi oqıyq.
Eńbek qylsań erinbeı, Toıady qarnyń tilenbeı.
Eńbek degen baılyq bar, Erinbegen jetetin.
Eńbek túbi qýanysh.
Osy maqal - mátelderdi qalaı túsinesińder?
Eńbek etken adamnyń qarny toq bolady. Sebebi ol óz nanyn ózi taýyp jeıdi. Eńbek etken adam túbi qýanyshqa, baqytqa jetedi. Eńbek etkende ǵana naǵyz baı bolasyń. Sebebi óz eńbegińmen tapqan baılyǵyn – óz baılyǵyn, tek adal eńbek etken adamnyń dosy da, zaty da kóp bolady.
Taǵy da eńbek týraly qandaı maqal - mátelder bilesińder?
Toptarǵa bólinemiz. Ár qatar bir top bolyp eseptelinedi.
1. Beınet - beınet túbi zeınet
2. Eńbeksiz ómir – sóngen kómir.
3. erdiń atyn eńbek shyǵarady.
4. kim eńbek etse, sol toq.
Sonymen eńbek etý degendi qalaı túsinesińder?