Erlan Saǵadıev: «Serpin» baǵdarlamasyna qatysatyndardyń jasyn ulǵaıtý qajet
Úkimettiń búgingi otyrysynda Bilim jáne ǵylym mınıstri Erlan Saǵadıev «Serpin» baǵdarlamasyn birshama ózgertý usyndy.
Onyń oıynsha, atalǵan baǵdarlamaǵa qatysatyndardyń jasyn ulǵaıtý qajet. Sebebi jastardyń bir bóligi, olardyń ishinde kolej stýdentteri kóp jaǵdaıda basqa jerge kóshýge daıyn bolmaı jatady.
«Búginde atalǵan joba aıasynda 22 joǵary oqý ornynda 8 400 stýdent bilim alyp júr. Sondaı-aq 54 kolejde shamamen 3 myń bala oqıdy. Bul - óte paıdaly joba. Alaıda qazirgi taldaý jumystary keıbir jastardyń, ásirese kolej stýdentteriniń daıyndyqsyz keletinin kórsetip otyr», - dedi mınıstrÚkimettiń búgingi otyrysynda.
Saǵadıev myrza atalǵan bastamany tek joǵary bilim deńgeıinde ǵana qaldyrý qajet dep sanaıdy.
«Al «Serpin» aıasyndaǵy kásiptik-tehnıkalyq bilimdi jergilikti jerde qaldyrýǵa bolady. Osylaısha, baǵdarlamaǵa basqa jerge kóshýge ábden daıyn jastarǵa qaraı yǵysady. Olar - ýnıversıttegi joǵary kýrstardyń stýdentteri men magıstranttar. Qarjylandyrý kólemi ózgermeıdi»,- dep atap kórsetti Saǵadıev.
You Might Also Like
-
Mektep medısınasy densaýlyq saqtaý mekemeleriniń qaramaǵyna ótedi. Bul týraly búgin Úkimettiń selektorlyq rejimdegi otyrysynda QR Densaýlyq saqtaý jáne áleýmettik damý mınıstri Tamara Dúısenova mál...
-
Soǵys ne? Soǵys apat,Soǵys soqqy Ol soqsa shyǵarýshy buryn joqty Ol daýyl, kúsh muhıtyn tasytady. Eletpeı azdy-kópti,ashty- toqty.
