InfoHub Logo

Mektep medısınasy densaýlyq saqtaý mekemeleriniń qaramaǵyna ótedi. Bul týraly búgin Úkimettiń selektorlyq rejimdegi otyrysynda QR Densaýlyq saqtaý jáne áleýmettik damý mınıstri Tamara Dúısenova málim etti. 

Jastar arasynda salaýatty ómir saltyn qalyptastyrý mańyzdy máselelerdiń qatarynda. Sondyqtan jastar arasynda nashaqorlyqty, VICH indetin jáne sýısıdti azaıtý boıynsha sharalar qolǵa alynýda. 2016 jyly alǵash tirkelgen azamattardyń ishinde jastardyń úlesi 2015 jylmen salystyrǵanda VICH indeti boıynsha 1,5 paıyzǵa, sýısıdten 10,2 paıyzǵa kemidi. Bıyl osy jumysty odan ary jalǵastyrý maqsatynda, Baqytjan Ábdiruly (QR Premer-Mınıstri Saǵyntaev), sizdiń tapsyrmańyzǵa sáıkes birinshiden, mektep medısınasyn densaýlyq saqtaý salasyna ótkizýdi qarastyryp otyrmyz», - dedi mınıstr.

Onyń aıtýynsha, bıylǵy jyly mektepterdegi 2,7 mln. oqýshylarǵa medısınalyq kómek kórsetetin 6226 medpýnkt jergilikti medısına mekemeleriniń quramyna enetin bolady.

«Búgingi jastardyń densaýlyǵyn saqtaý úshin osyndaı sharalardy qoldaný bolashaqta salamatty eńbek resýrstaryn qamtamasyz etýdiń alǵysharty bolmaq. Ekinshiden, jergilikti medısına mekemelerine qarasty jastarǵa arnalǵan 97 densaýlyq saqtaý ortalyǵy túgel túgendeýen ótkizilip, medısınalyq kómek standarttary qaıta qaralmaq, - dedi ol.

Dúısenovanyń sózine qaraǵanda, úshinshiden eriktiler, stýdenttik uıymdar men úkimettik emes uıymdar jastar arasynda salaýatty ómir saltyn qalyptastyrý jumystaryna keńinen tartylatyn bolady.

«Kóterilgen problemalardy oryndaý jáne qadaǵalaý maqsatynda aǵymdaǵy jyldyń 15 aqpanyna deıin oblys Astana, Almaty qalalarynyń ákimderimen birlesip, oblystardyń jumyspen qamtý boıynsha keshendi josparlaryn bekitpekpiz. 20 aqpanǵa deıin oblystar Astana jáne Almaty qalalarynyń ákimderimen birlesip, aýyl ákimderiniń jumys ornynyń aqparattyq júıesin kezeń-kezeńimen engizý kestesi jasalyp, soǵan sáıkes jumys júrgizbekshi bolyp otyrmyz.

Azamattardy, sonyń ishinde jastardy jumyspen qamtý jáne jańa jumys oryndaryn ashý máselesi oblys, Astana men Almaty qalalary ákimderiniń negizgi ındıkatory bolyp, toqsan saıyn Úkimet otyrysynyń qaraýyna shyǵarýdy usynamyz», - dedi Dúısenova.

---