InfoHub Logo

Erlik máńgi este
Maqsaty: 1.Uly Otan soǵysynda erlik kórsetken ata-babalarymyzdyń erlik isterin qasterlep, rýhyn kóterý, úlgi ónege tutý.
2.Balalardyń rólde oınaý, mánerlep oqý qabiletterin damytý.
3.Uly jeńisti dáripteý, óz Otanyn, elin, týǵan jerin súıý, týǵan jerge degen súıispenshilikti arttyrý. Otanyn, týǵan jerin qorǵaı bilýge tárbıeleý.
Kórnekiligi: Máńgilik alaýdyń maketi, úntaspa, shıyrma, maqal-mátelder, naqyl sózder.
Túri: synyptan tys sabaq.
Tıpi: qorytyndylaý sabaǵy.

İ.Uıymdastyrý.
Muǵalim: Móldir aspandy bult qaptady. Shattyq áni qaıǵyly únge, nurly kúndi qara túnge aınaldyrmaq boldy. 1941 jyly 22 maýsymda fashısik Germanıa Keńes Odaǵyna opasyzdyqpen shabýyl jasady. Bul halyq úshin aýyr kezeń boldy.
Adam tarıh! Adam keshken jolyn uq
Neshe urpaq kúntizbekten alyndyq.
Búkil jerdi búrkep ustap zulymdyq,
Qansha ter men qan urttady zulymdyq.
Otandy qorǵaý jolynda qurban bolǵan ata-babalarymyzdy bir mınýt únsizdikpen eske alaıyq.

İİ. Ótken sabaqty qaıtalaý.
Eraly: Tastar kókke atyldy,
Orman shýlap, taý qulap.
Jıyrma segiz batyrdy,
Jeńe almaıdy jaý biraq.
Meıramgúl:Oq astynda zýlaǵan,
Týǵan jermen bir bolyp.
Jaý aldynda turady,
Jıyrma segiz shyń bolyp.
Aqnur: Tankter Moskvaǵa keldi tónip,
Aǵyldy jaý áskeri jeliktenip.
Ushqyshtar bizdiń sonda túıilgende,
Otyna pýlemettiń erik berip.
Úntaspadan soǵys týraly fılmnen úzindi kórsetý.

Kórinis «Soǵysta»
Rólderde: Satjan, Ersultan, Ramız.
Islam: Oq borady kún-túni,
Japty jerdi ot qaryp.
Alǵa qaraı umtyldy,
Batyr qazaq Toqtarov.
Ernur: Týyn jyqpaı qoldaǵy,
Ójet boldy el úshin.
Keýdesimen qorǵady,
Ar-ysyn eliniń.
Aıaýlym: Otanǵa jaýlar qaptady,
Opasyz jaýlar taptaldy.
Qasıetti jer úshin,
Qasterlep batyr eli úshin,
Álıa, Mánshúk, Tólegen
Jaýlardyń kózin joıdy olar.
Ramız: Qyr qyzy oryndady bergen antty,
Halqyna adal bolý erdiń salty.
Eli úshin qasyq qanyn aıamaǵan,
Júrekte máńgi óshpeıdi Mánshúk aty.

Ersultan: Dalamyzdyń gúli
Balaýsa gúl, balǵyn qyz.
Janyn qıyp, halqy úshin,
Janyp túsken aq juldyz.
Dıana: Máńgi jasap jerde endi,
Bıik bol dep taýlardan.
Seniń balǵyn beıneńdi
Jasap qoıdyq mármárdan.

Án: «Álıa» Qyzdar toby
Kórinis: «Jeńis»
Uldana: Jeńis keldi dalama,
Jeńis keldi dalama,
Jeńis keldi án bolyp,
Eldegi bar balaǵa.

Dılnaz: Jeńis keldi án bolyp,
Keldi aýylǵa sán-kórik.
Jeńis keldi, alaqaı,
Toıyp jeıtin nan bolyp.
Madına: Jeńis degen jaqsylyqtyń syǵary,
Jiger men qushtarlyqtyń quraly.
Kúreskerdiń armany men urany,
Qýanysh pen merekeniń bulaǵy.
Satjan: Jaýynger bizdiń sańlaqtar,
Jaýdy jeńgen soldattar.
Ardaqty Otan – el úshin,
Baqytty týǵan jer úshin.

Baıan: Aryltyp jerden jaýymdy,
Tabanǵa janshyp ólimdi.
Jeńispen jelpip ómirdi,
Deseńder bul qaı kúni?
Hormen: Toǵyzynshy maı kúni.

Alan: Kepterler qalqyp, kókte oınap,
Qyzyl tý shalqyp, kók boılap.
Máre-sáre máz-meıram,
Otanymyz toı toılap,
Deseńder bul qaı kúni?
Hormen: Toǵyzynshy maı kúni.

Án: «Aq kógershin»Uldar toby
Kórinis: «Toǵyzynshy mamyr»

Jamıla: Halyq legi kýásyndaı erliktiń,
Kópten beri osy kúndi saǵynǵan.
Ardagerler osynda júr erliktiń,
Medaldaryn, ordenderin taǵynǵan.
Aqnıet: Jas urpaq, asyr sap,
Shyrqaıdy erlikti án qylyp.
Nebir zańǵar taýlar qulazyp shókse de,
Erlerdiń beınesi jasaıdy máńgilik.
Jantóre: Aıqasta jaýdyń alqymyn syqqan,
Ajalǵa qımaı namysty elin.
Tólegen, Mánshúk batyrlar shyqqan,
Qazaqstan Respýblıkam meniń!
Aısha: Qaq júregim, dúrsilińdi ulǵaıt sen,
Jeńisińdi bar álemge, Kúnge aıt sen.
Qaptap kókte abyroı men baq qusyn,
Samǵa, samǵaı ber meniń Qazaqstanym!
Án «Ánuran» hormen

İİİ. Qorytyndylaý.
Muǵalim:
Balalar, Otan, batyrlyq, erlik týraly qandaı maqal-mátelder bilesińder?
Bizdiń búgingi sabaǵymyz kimderge arnalady?
Uly Otan soǵysy qashan bastaldy?
Qashan aıaqtaldy?
Uly Otan soǵysyna qatysqan kimderdi bilesińder? t.b.
Eshkim de, eshnárse de umytylmaıdy. Otan úshin erlikpen qaza tapqandardy el ár ýaqytta esinde saqtaıdy. Óıtkeni olar bizdiń baqytymyzdy qorǵady. Otan úshin, el úshin qurban boldy. Osymen ardagerlerimizge arnalǵan sabaǵymyzdy aıaqtaımyz.