InfoHub Logo

Sıqyrly sandar
Maqsaty: 1. 1-den 5-ke deıingi sandar týraly alǵan bilimderin jınaqtaý, qorytyndylaý,
1-den 5-ke deıingi sandardy týra jáne keri sanaýdy pysyqtaý. Estý
barysynda sandardy ajyrata bilýge jattyqtyrý.
Oqýshylardyń oı-órisin, oılaý qabiletin, matematıkalyq tilin damytý. Pánge degen qyzyǵýshylyǵyn, este saqtaý qabiletin damytý.
İzdenimpazdyqqa, óz oıyn jetkize bilýge, ujymda jumys isteı bilýge tárbıeleý.
Sabaqtyń kórneki-quraldary: sandar, ertegi keıipkerleri, taratpa materıaldar, sýretti
qaǵazdar.
Tehnıkalyq qural: kompúter
Ádis-tásilderi: suraq-jaýap, kórnekilik, toptyq jumys.
Tıpi: bekitý sabaǵy
Túri: jarys túrinde
Pánaralyq baılanys: kórkem ádebıet, til damytý, aınalany qorshaǵan orta.
Jospar:
İ. Uıymdastyrý
İİ. Jańa sabaq
1. Toptardy anyqtaý
2. Oıyn
3. Sergitý sáti
4. Sabaqty bekitý
İİİ. Qorytyndylaý
İV. Madaqtaý

İ. Uıymdastyrý: 1. Balalar hormen:
Úlkenge de siz,
Kishige de siz,
Barsha adamdy qurmettep
Bas ıemiz biz.
2. Oqýshylar nazaryn sabaqqa aýdarý.
Balalar, biz búgin ertegiler álemine saıahatqa shyǵamyz. Saıahatqa poıyzben shyǵamyz.
Balalar, biz qandaı sandarmen tanystyq?
- Vagon sandary retimen tirkelgen be?
Onda retimen tirkep alaıyq.
Endi vagondardy retimen sanaıyqshy.
Endi keri sanaıyq.
Vagondar sany nesheý eken?

İİ. Jana sabaq.
Qyzyǵýshylyqty oıatý
1, 2, 3
Synyp ishi typ-tynysh
Jalqaýlyqty tastaımyz
Sabaqty biz bastaımyz!
1. Toptarda anyqtaý.
Búgingi sabaǵymyzda 3 top bolyp jarysamyz.

«Baldáýren» toby
«Balbóbek» toby
«Balǵyndar» toby

2. Oıyn.
a) Ár top óziniń tańbasyna qaraı tanystyrý aıtady.
«Baldaýren» toby: Úsh degenim – úmit,
Jaıdary júr kúlip
Sotqar bolsań, balam,
Atanasyń buzyq.
«Balbóbek» toby: Tórt degenim – tózim,
Sabyrly bol óziń.
Al asyqsań, balam,
Mánsiz bolar sóziń.
«Balǵyndar» toby: Bes degenim – aqyl,
Bol aqyldy, batyr
Atań ne aıtsa, balam
Qup alǵanyń maqul.
á) «Kórshisin tap» oıyny.
Ár topqa jetispeıtin sandy tabýǵa tapsyrmalar beriledi:
0 23 5
01 3 5
0 2 4
b) Aýyzsha esepter shyǵarý
- Eki balapan tur,
Eki balapan otyr.
Shataspaı tez oılansań,
Týra taýyp, týra aıtsań,
Turǵany bar, otyrǵany
Barlyǵy qansha balapan?
(tórt)
- Pisip turǵan tórt almurt,
Qyzyǵatyn kórgen jurt.
Eki almurtty butaqtan,
Alyp jedi Muratqan.
Qansha qaldy almurttan?
(eki)
- Bes almanyń úsheýin,
Dosyń surap aldy.
Aıtshy, sonda nesheýi,
Óz qolyńda qaldy?
(2)
- Tal boıynda tizilip
Bes japyraq tur edi.
Jel soqty da úzilip,
Ushyp ketti úsheýi.
İlinip tur áli
Japyraqtyń nesheýi?
(3)
- Tabaqta tórt órik,
Qolymda bir órik.
Qosqanda barlyǵy
Bolady neshe órik?
(5)
- Alma aǵashta bes alma,
Qandaı tátti jese alma.
Beseýin de jep qoısam,
Qalady sonda neshe alma?
(0)
Alǵashynda kúnara,
Qonýshy edi bir ara.
Búgin tórt týysyn
Ertip kepti bul ara.
Kelip qondy neshe ara?
(5)
3. Sergitý sáti
Mynaý meniń júregim,
Bári osydan bastalǵan.
Mynaý – basym aqyldy,
Bárin osy basqarǵan.
Mynaý meniń – oń qolym,
Mynaý – meniń sol qolym,
Barlyq isti atqarǵan.

4. bekitý
«Úlken, kishi jáne teń» oıyny

«Qalt etpeı qaǵyp al, jaýabyn taýyp al» oıyny
Maqsaty: 5 sanynyń shyǵý jolyn tabýda eske saqtaý qabiletin damytý.
Sharty: Balalar dóńgelene turady. Ortada turǵan tárbıeshi «qalt etpeı qaǵyp al, jaýabyn taýyp al dep» eki jáne úsh dep bir balaǵa dopty laqtyrady. Dopty qaǵyp alǵan bala, úsh jáne eki bolady bes dep dopty tárbıeshige keri laqtyrady.

İİİ. Qorytyndylaý
Endi balalar, Úıshik ertegisindegi ańdarǵa úılerin qalaýǵa kómekteseıik.
5 sanynyń quramyn tabý.
İV. Madaqtaý
Jeńgen topty jáne jaqsy qatysqan balalardy madaqtap ótemin