InfoHub Logo

Qondy taǵy dalanyń tórine tún, kymtap qara torǵynmen óńi-betin. Juldyzdy aspan kónergen kıiz úıdeı úziginen monshaqtar kórinetin.

Túbi keler júırikteı ıesine, ana súti qundaqtyń kıesi me - bala shaǵym áıteýir ár sátimen oralatyn bolyp júr jıi esime.

Bári de ystyq bul kúnde maǵan myna: qyzýymnan keýdesi nár aldy ma - qus tósekte anashym qoınyna alyp jyr aıtýmen samaıy aǵardy ma?..

Bastaǵanda ertegi, jyryn anam, kóz aldyma keletin úly ǵalam. Alty qanat aqboz úı qońyraıyp, túndik, týyrlyqtary da ydyraǵan.

Kesh túsýin kútýshi em almaı tynym, estilgenshe qıaldy jalǵaıtyn ún. Anam aıtar ǵajaıyp álemge enip kóz uıqyǵa ketkenshe sharlaıtynmyn.

Bala qıal baýrady, jebedi ári, ertegiden bastaldy nege bári?.. Sol ǵajaıyp álemnin oı men qyryn sharlap taýysa almastan kelem áli.

1979

 

---