InfoHub Logo

Ertegi álemindegi ertekshi ájede qonaqta
(Uıymdastyrylǵan oqý - qyzmeti)
Oqý - qyzmet maqsaty: tárbıelenýshilerdiń ótken taqyryp boıynsha bilimderin júıeli, tıanaqtaý. Balalardyń kórkem shyǵarmalar arqyly til baılyǵyn, aýyz eki sóıleýin jáne oqý jyly boıy alǵan bilim - bilikterin kórsetý.
Oqý - qyzmet mindetteri:
Bilimdiligi: balalardyń bilimge degen qushtarlyǵyn arttyra otyryp, oqý jyly boıynda alǵan bilimderin kórsete bilýge qalyptastyrý.
Damytýshylyǵy: balalardyń oılaý qabiletterin damyta otyryp, aýyzsha daǵdylaryn jetildirý, sózdik qorlaryn molaıtý, sóıleý mádenıetin damytý.
Tárbıeligi: balalar óz bilimderin paıdalana otyryp kómektesýge tárbıeleý.
Oqý - qyzmet túri: kiriktirilgen is - áreket (QMUQ, sóıleýdi damytý, kórkem ádebıet, qorshaǵan ortamen tanystyrý, mýzyka).
Oqý - qyzmet ádisi: ertekshi róli, suraq - jaýap, qoıylym.
Qajetti kórnekilikter: ertegi úıshigi, jeke, sújetti sýretter, qorap, sebet, vaza, orman, TJ, hattama, avtobýs maketi, júrgizýshi - kondýktor kostúmderi.

Shattyq sheńberi:
Psıhologıalyq daıyndyq
Tárbıeshi: Eki kóz ne úshin kerek?
Balalar: Jaqsylyqty kórý úshin.
Tárbıeshi: Eki qulaq ne úshin kerek?
Balalar: Aqyl - keńes tyńdaý úshin.
Tárbıeshi: Eki qol ne úshin kerek?
Balalar: Elge kómek berý úshin.
Tárbıeshi: Al júrek ne úshin kerek?
Balalar: Bar jaqsyny seziný úshin.

Uıymdastyrylǵan oqý - qyzmet barysy:
Búgin bizde balalar erekshe oqý - qyzmeti uıymdastyrylady. Búgin oqý jyly boıynda úırengen, meńgergen bilimderimizdi ortaǵa salý úshin ertegiler elindegi ertekshi ájeıge saıahattap qaıtaıyq. Ertegi álemine jetý úshin avtobýsqa minýimiz kerek. Avtobýsta kimder bolady? Jolymyz sátti bolsyn!
(Avtobýs bir sátte toqtaı qalady. Ne boldy, nege toqtadyq?)
Tárbıeshi: balalar avtobýs baǵdarshamǵa toqtady.
- Orys tilinde qalaı ataımyz? (Svetofor)
- Baǵdarshamda neshe shamy bar? (Úsh shamy bar)
- Qyzyl sham janǵanda ne isteımiz? (Toqtaımyz)
- Sary sham janǵanda ne isteımiz? (Daıyndalamyz)
- Jasyl sham janǵanda ne isteımiz? (Júremiz)
Tárbıeshi: kondýktor joldas avtobýstyń teledıdaryn qosyńyzshy.
(Teledıdar qosylady, odan balalarǵa suraqtar qoıylady)
- Bizdiń Otanymyz qalaı atalady? (Qazaqstan Respýblıkasy)
- QR bas qalasy qaı qala? (Astana)
- QR rámizderin atańdar (Gımn, eltańba, tý)
(Tómengi óleń joldaryn hormen aıtý)
Otan degen - atameken,
Otan degen týǵan jer.
Otan – ana,
Otan úlken,
Qazaqstan – týǵan jer.
(Jeke balalar taqpaqtar oqıdy)
Kógildir týym jelbire,
Bıikterge qalyqtap.
Týym úshin maqtanam,
Ánuranym sharyqtap.

Tarıh bolyp keshegim,
Kóp jumbaq sheshemin.
Egemen elime,
Ege bop ósemin!

- Bizdiń qalamyz qalaı atalady? (Sátbaev)
- Balabaqshamyz qalaı atalady? (Kúnshýaq)
- Toptyń aty qalaı atalady? (Balapan) SLAID KÓRSETİLEDİ

Tárbıeshi: balalar, bizder ertekshi ájeıge kelip te qaldyq, avtobýstan túseıik.
(Ertekshi áje úıshikte otyrady)
Ertekshi áje: qosh keldińder balalar!
Balalar: sálemetsiz be áje!
Tárbıeshi: ertekshi ájeı balalar sizdiń ertegilerińizdi tyńdaýǵa keldi.
Ertekshi áje: ıá, men qýanyshtymyn. Meniń ertegilerim ózgeshe ekenin bilesińder me balalar.
Tárbıeshi: ájeı qandaı erekshelikteri bar eken aıtyńyzshy.
Ertekshi áje: meniń ár ertegilerimniń arnaıy bilimderińdi anyqtaıtyn tapsyrmalary bar. Sol tapsyrmalardy oryndaı alarma ekensińder balalar?
Tárbıeshi: bizdiń balalar barlyǵyn biledi, balalar bizder ájeıdiń ertegilerindegi tapsyrmalardy oryndaı alamyz ǵoı ıá?
Balalar: ıá, oryndaımyz.
Ertekshi áje: olaı bolsa meniń birneshe ertegim, myna sýretke qarap tanyńdar, bul qaı ertegiden?
Balalar: «Qasqyr men jeti laq» ertegisi
Tárbıeshi: balalar ertegini mazmundap bereıik.
Balalar: bul sýrette qasqyr laqtardyń anasy eshkiniń daýysyn salyp aldap esikti ashqyzyp, alty laqty alyp ketedi. Ana eshki úıge kelgende peshte tyǵylyp qalǵan bir laqty taýyp alady. Ol laqtan ne bolǵanyn bilip alady. Sosyn ormanǵa baryp qasqyrdy taýyp alyp laqtaryn qutqaryp alady.
Ertekshi áje: ıá, durys taptyńdar, bul erteginiń tapsyrmasy hatqa salynǵan balalar sender oryndap berińdershi.
Tárbıeshi: jaqsy hatty maǵan berińizshi, men balalarǵa túsindireıin.
TAPSYRMA:
- Geometrıalyq pishinderdi atańdar? (sharshy, úshburysh, dóńgelek)
- Tústerin atap berińder? (sharshy - qyzyl, úshburysh - sary, dóńgelek - jasyl)
- Pishinderge uqsas zattardy osy ortadan taýyp atańdar.
Tárbıeshi: ájeı kórdińiz be balalar tapsyrmany áp - sátte oryndap shyqty.
Ertekshi áje: ıá, baıqadym, balalar aqyldy eken. Endi myna sýrettegi ertegini tabyńdar.
Balalar: «Baýyrsaq» ertegisi
Tárbıeshi: baýyrsaq kimderden qashyp ketedi?
Balalar: áje men atadan.
Tárbıeshi: balalar ertegide baýyrsaqqa neler kezdesedi?
Balalar: qoıan, aıý, qasqyr, túlki.
Tárbıeshi: erteginiń sońynda ne bolady?
Balalar: qý túlki baýyrsaqqa kezdeskende ánin tyńdaǵanda aldap qulaǵym estimeıdi tumsyǵyma minip aıtshy dep, mingende aff dep jep qoıady.
Ertekshi áje: Baýyrsaq ertegisiniń tapsyrmasy mynadaı tyńdańdar.
TAPSYRMA:
- Sandardy atańdar. (1, 2, 3, 4, 5)
- Sandar týraly sanamaq aıtyp berińder.
- Ýaqytty baǵdarlap berińder. (tań, kúndiz, kesh, tún)
Tárbıeshi: ájeı balalar bul tapsyrmany da oryndap berdi.
SERGİTÝ SÁTİ: (vıdeo boıynsha)
Ertekshi áje: tamasha durys taptyńdar, endi myna sýretti qarap qaı ertegi ekenin tabyńdar.
Balalar: «Qyzyl telpekti qyz» ertegisinen
Tárbıeshi: qyzyl telpekti qyz qaıda, kimge barady?
Balalar: ormanǵa, ájesine.
Tárbıeshi: qyzdyń aldynan ne kezdesedi?
Balalar: qasqyr.
Tárbıeshi: ertegi mazmunyn eske túsireıikshi.
Balalar: qasqyr qyzyl telpekti qyzdan buryn úıge tez jetip baryp ájeni jutyp qoıady. Qyzdy tosyp jatady. Ony bilip qoıǵan qyzyl telpekti qyz úıge jumyskerlerdi ertip kelip ájesin qutqaryp qalady.
Ertekshi áje: ıá, durys taptyńdar, qyzyl telpekti qyz óte qaıyrymdy onyń balalarǵa arnap tapqan tapsyrmasy myna qoraptaǵy janýarlardy óz mekenderine ornalastyrýdy suraıdy.
Tárbıeshi: balalar oryndaımyz ba?
Balalar: ıá, oryndaımyz, biz janýarlarǵa kómektesemiz.
TAPSYRMA:
- Úı janýarlaryn qaıda ornalastyramyz? (qoraǵa)
- Jabaıy ańdardy qaıda ornalastyramyz? ( ormanǵa)
- Úı qustaryn atańdar. (taýyq, átesh, úırek, qaz, kúrketaýyq)
- Dala qustaryn atańdar. (torǵaı, qarǵa, saýysqan, kepter, toqyldaq)
Tárbıeshi: ájeı balalar janýarlardy óz mekenderine aparyp, qustardy atap berdi ne deısiz.
Ertekshi áje: balalar tapqyr eken. Endi taǵyda myna sýrettegi ertegini taýyp, tapsyrmasyn oryndasyn.
Balalar: «Shubar taýyq» ertegisi
Tárbıeshi: taýyq qandaı jumyrtqa tabatyn edi bul ertegide?
Balalar: altyn jumyrtqa tapty.
Tárbıeshi: altyn jumyrtqany ne jaryp ketedi?
Balalar: tyshqan quıryǵymen jerge túsirip jaryp tastaıdy.
Tárbıeshi: shubar taýyq áje men atany ne dep jubatady?
Balalar: jarylyp qalǵan jumyrtqaǵa áje men ata qamyǵyp qalady. Sonda taýyq olarǵa qamyqpańdar men senderge jaı qajetti jumyrtqa taýyp beremin deıdi. Sóıtip taýyq kóptegen aq jumyrtqalar taýyp qýantady.
Ertekshi áje: balalar ertegini jaqsy biledi ekensińder. Endi taýyqtyń tapsyrmasyn oryndańdar.
TAPSYRMA:
a) Jumbaq sheshý
Ózi úlken aldaryńda,
Japsyrasyń sýretti.
Magnıtpen qoldanysta,
Kómekshi quralymen. Ol ne? (taqta)
Ertegi álemindegi ertekshi ájede qonaqta. júkteý