InfoHub Logo

«Sizdiń kóńil - kúıińiz qandaı?» (damytý sabaǵy)

5 - 9 synyp
Maqsaty: oqýshylardyń ózin - ózi taný sebepterin týyndatý. Ózin - ózi tanýǵa jáne refleksıaǵa jetýge daǵdylandyrý, kóńil - kúılerin retteý.
Qural - jabdyqtar: dápter, qalam, qaryndash, túrli - tústi kesindisi bar qoraptar, 6 túrli - tústi jolaqpen jelimdelgen bolýy kerek.
Sabaqtyń mazmuny:
1. Sabaqqa baǵyttaý.
«Túster kóńil - kúıi» jattyǵýy.
- Árbir qatysýshy óziniń dál qazirgi kóńil - kúıiniń túsin tańdaıdy jáne kartondy tórtburyshty sol túske keletin uıaǵa tastaıdy.
Psıholog qorapty ashyp habarlaıdy: (tústerdiń túrin jáne onyń dál sanyn aıtpaıdy), búgingi sabaqqa balalardyń qandaı kóńil - kúımen kelgenderin aıtady. Sosyn osy aıtylǵan qorytyndynyń olardyń kóńil - kúıimen sáıkes kelgen - kelmegenin surap, anyqtaıdy.
«Men senimen qarym - qatynas jasaýǵa qýanyshtymyn» jattyǵýy.

Psıholog: Qazir mynandaı tapsyrmany oryndaısyńdar, janynda turǵan adamǵa myna sózdi aıtyp qoldy sozasyń « Men senimen qarym - qatynas jasaýǵa qýanyshtymyn», « Al siz she?» dep qolyn sozǵan adam ári qaraı osy sózdi aıtyp, kelesi adamǵa qolyn sozady. Osylaı tizilý arqyly bir - birin qolyn ustap sheńber qurady.

2. Tapsyrmany talqylaý.
Psıholog: «Senimen qarym - qatynas jasaý unamdy» ádistemesi boıynsha neshe paıyz alǵandaryńdy bilgileriń keleme?
Psıholog maksımaldy paıyzdy ataıdy.
Psıholog: Sender qalaı oılasyńdar synyptastardyń oıyn ózgertýge bola ma? Ony qalaı jasaý kerek?
Baıqaǵandaryńdaı, ár túrli adammen sender ár túrli qarym - qatynas jasaısyńdar.
Al kim ózin jaqsy biledi?
Ózińdeginiń bári ózińe unaı ma?
Bizdiń basqalardan aıyrmashylyǵymyz qandaı?
Ózińdi bilý qajet pe?

3. Taqyryppen jumys.
Ózdik taldaý jasaý: « Men kimmin? men qandaımyn?»
Psıholog: jazbasha úsh sóılemdi jazyp, oılaryńdy jalǵastyryńdar:
Men oılaımyn, sebebi men...
Basqalar oılaıdy, sebebi...
Meniń bolǵym keledi, sebebi...

Eskertý: Árbir sóılemge oqýshylarǵa plakattaǵy suraqtarǵa jaýap berýge kómek retinde berilgen sózder tiziminen alýǵa bolady.
Sózder tizimi: Ádemi, bosań, súıkimdi, qolapaısyz, ádil, maqtanshaq, eńbeksúıgish, kóńilsiz, aqyldy, batyl, sarań, kúlkili, shydamdy, senimdi, unamsyz, oıly, jaqsy deni saý, iltıpatty, uıań, adal, aqymaq, jalǵyzdyq, ásem, kúrt, názik, kúshti, páleqor, ótirikshi, aqyldy, dostyqty súıetin.
Jattyǵý « Ystyq oryndyq»
Psıholog: Qazir árqaısyń ózderińniń synyptastaryńnyń oı - pikiri seniń ózińniń oı - pikirińmen sáıkes keletindigin tekserýge bolady.
Árkim (kezekpen) ortadaǵy turǵan oryndyqtan oryn alady jáne suraqqa jaýap beredi: «Ol qandaı?» Ol úshin olar sózder tiziminen birneshe sózdi tańdap alady (joǵaryda kórsetilgen). Ortada otyrǵan adam onyń oı - pikirimen sáıkes kelgen sózderdi (belgileıdi) ataıdy. ( Men oılaımyn, sebebi men) Sáıkes kelgen sózder sany sanalady.

4. Sabaqty taldaý.
Psıholog: Qanekeı, ózderińniń sabaqtaryńdy baǵalaıyq. Ózderińniń baǵalaryńdy qoıyńdar. «Úsh» degen sandy ataǵanda qajetti dep sanaǵan saýsaqtyń sanyn kórsetińder. Ne unaıdy?
Qandaı qıyndyqty ótkerdińder?
Kimdi baǵalaý qıyn ózińdi me, álde basqany ma?
Endi mynandaı tapsyrmany oryndaısyńdar. «Kúnniń kózi aıasynda» degen taqyrypta sýret salasyńdar. Sheńberdi syzyp, ortasyna «Men jáne meniń kóńil - kúıim» dep jazyńdar. Sheńberdiń shekarasynda kúnniń shapaǵyn salyńdar: Kúnniń shapaǵynyń sany ózderińniń minezderińniń baǵalaǵan sanyndaı bolý kerek. Sáıkes kelgen jaqsy sapalardy qyzylmen boıaý, al keri jaǵdaılarda kókpen boıaý qajet.

Qorytyndy: damytý sabaǵyn júrgizý barysynda oqýshylardyń kóńil - kúıi joǵary deńgeıde kórindi, topta jaqsy jumys jasap, bir - birine kómektesip otyrdy. «Kúnniń kózi aıasynda» degen taqyrypta salǵan sýretteri men sheńber syzyp, ortasyna «Men jáne meniń kóńil - kúıim» bólimine óz kóńil - kúılerin bildirýi erekshe sezim syılady.

Pedagog - psıholog: A. Orynbaeva
Sizdiń kóńil - kúıińiz qandaı? (damytý sabaǵy) júkteý